1 Juan 3:21 - Kaqchikel Santo Domingo (Xenacoj)

²¹ Y nibꞌij chiwa rix ri tzꞌan ngixinwojoꞌ: Si pa qánima ma jun qamak qewan chuwech ri Dios, riꞌ ndubꞌen chaqe chi kuqul qakꞌuꞌx ngojjel apu chuwech rijaꞌ.

Tuilleadh tionndaidhean

Kaqchikel Santa Maria de Jesus

²¹ Hermanos ri altíra nquixvajoꞌ, xa nunaꞌ ri kánima chi manak ka-pecado choch ri Dios, man nakaxiꞌij ta kiꞌ choch.

Kaqchiquel Bible

²¹ Roma ri' wach'alal ri yalan yixinwajo', wi niqana' pa taq qánima chi maneq qamak chuwech ri Dios, kan man jun k'a xibinri'il qik'in richin chi yojapon chuwech rija'.

Kaqchikel Central Guatemala

²¹ Vach'alal ri yalan yixinvajo', vi nikana' pa tak kánima chi manek kamac chuvech ri Dios, can man jun c'a xibinri'il kiq'uin richin chi yojapon-apo chuvech.

Re C'ac'a Testamento pa Kach'abal

²¹ Y yex hermanos re camas yixinjo', vo xa nakana' pa tak kánma che manak kamac chach re Dios, can man jun ximbire' kaq'uin, y can riq'uin ronojel kánma yojch'o riq'uin re Dios.

Kaqchikel Western Solola

²¹ Wach'alal ri sibilaj yixinwajo', wi nikana' ka pa kánima chi majun kamac chuwech ri Dios, can majun c'a xibinri'il kiq'ui riche (rixin) chi yojapon apo chuwech.

1 Juan 3:21 Iomraidhean Croise

Romanos 14:22

Si ataqin pa awánima chi utz abꞌanun chuwech ri Dios rikꞌin ri ndakꞌux o ndatij, xe pa awánima rat tikꞌojeꞌ chi keriꞌ. ¡Kin jabꞌel roruqꞌij ri ndunaꞌ chi nojel ri ndubꞌen, kin utz chuwech ri Dios!

1 Corintios 4:4

Porque maske ri wánima maneq ndubꞌij chuwa chi ma utz ta nubꞌanun chare ri samaj jachon pa nuqꞌaꞌ, pero riꞌ ma ndel ta chi tzij chi utz nubꞌanun chare, xa kin kꞌaja na ri Ajaw ndibꞌiꞌin si utz o ma utz ta.

2 Corintios 1:12

Keriꞌ ndiqabꞌij chiwa porque ri ndibꞌanun chaqe chi ndikuqer qakꞌuꞌx, ja ri ndubꞌij ri qánima chaqe chi qakꞌuan jun chꞌajchꞌaj kꞌaslen y ndubꞌij chuqaꞌ chi nojel ri ndiqabꞌen kin qetzij wi, y más keriꞌ qabꞌanun chiwech rix. Roj ma ja ta ri aj rochꞌulew nojibꞌel ukꞌuayon qichin, xa kin ja ri ru-favor ri Dios ukꞌuayon qichin.

Efesios 3:12

Y roj roma xe jun qabꞌanun rikꞌin ri Cristo Jesús, kuqul qakꞌuꞌx ngojjel apu chuwech ri Dios y ma ndiqaxibꞌij ta qiꞌ ngojchꞌaꞌa chare roma qataqin rijaꞌ.

1 Timoteo 2:8

Niwojoꞌ chi ri achiꞌaꞌ tikibꞌanaꞌ orar xa achike na chi lugar. Rikꞌin chꞌajchꞌaj kánima tikijotobꞌaꞌ kiqꞌaꞌ chikaj atoq ndikibꞌen orar, y ma jun oyowal kiyakon pa kánima chikij chꞌaqa chik.

Hebreos 10:22

Romariꞌ qojjel apu chuwech ri Dios rikꞌin nojel qánima y ma kaꞌiꞌ qakꞌuꞌx tiqabꞌen, y kin ta chꞌajchꞌojrisan ri qánima chuwech ri itzel ndiqanaꞌ chare roma ri ma utz ta eqabꞌanaloꞌon pe, y kin ta chꞌajon ri qa-cuerpo rikꞌin loꞌx yaꞌ.

Hebreos 4:16

Y roma chikaj kꞌo wi ri más nimalej ruqꞌij qa-Sacerdote, kuqul qakꞌuꞌx tiqakꞌutuj qatoꞌik chare ri Dios ri tzꞌuyul pa ru-trono, chin keriꞌ ndiqil rujoyowaxik qawech y ri ru-favor ri Dios atoq ndikꞌatzin chaqe.

1 Juan 2:28

Wokami rix ri kin achel rix walkꞌuaꞌl keriꞌ, jumul xe jun tibꞌanaꞌ rikꞌin ri Cristo, chin keriꞌ atoq rijaꞌ nduruqꞌalajrisaj riꞌ, roj kin kuqul qakꞌuꞌx rikꞌin, y ma ngojkꞌixbꞌiyaj ta ngojel e chuwech atoq nduqaqa chik jumbꞌey.

1 Juan 2:7

Hermanos ri tzꞌan ngixinwojoꞌ, re mandamiento re nitzꞌibꞌaj e wokami chiwa ma kꞌakꞌakꞌ ta, xa kin ja ri mandamiento xyoꞌox chiwa atoq xitaqij ri Cristo. Re ojer mandamiento reꞌ ja ri iwakꞌaxan pe.

1 Juan 3:2

Y nibꞌij chiwa rix ri tzꞌan ngixinwojoꞌ, chi wokami roj ralkꞌuaꞌl chik ri Dios, y maske kꞌajani tiqꞌalajin ri kꞌakꞌakꞌ rubꞌanik qakꞌaslen ndubꞌen ri Dios más apu chiqawech, kin qetaman chi atoq ri Jesucristo nduqaqa chik jumbꞌey, ri rubꞌanik ri qakꞌaslen ndubꞌen qa achel rukꞌaslen rijaꞌ, porque kin xtiqatzꞌet rikꞌin qawech qitz achike rijaꞌ.

1 Juan 3:20

Pero si pa qánima ndiqanaꞌ chi roj aj mak, ri Dios más retaman ke chuwech ri qánima, y ja rijaꞌ ri etamayon nojel.

1 Juan 4:17

Y rikꞌin ri jumul xe jun qabꞌanun rikꞌin ri Dios, nditzꞌaqet ri ajowabꞌel pa qánima, y riꞌ ndubꞌen chaqe chi kuqul qakꞌuꞌx chi ma ndiyoꞌox chi ta castigo chaqe chupan ri qꞌij atoq ri Dios nduqꞌet tzij. Kuqul qakꞌuꞌx porque achel ndojowan ri Cristo, keriꞌ chuqaꞌ ngojojowan roj chochꞌulew.

1 Juan 5:14

Y roj kuqul qakꞌuꞌx chi atoq ndiqakꞌutuj jun achike chare ri Dios, si ri ndiqakꞌutuj kꞌo pa rurayibꞌel rijaꞌ, kin ngojrakꞌaxaj wi.