1 Juan 3:2 - Kaqchikel Santo Domingo (Xenacoj)

² Y nibꞌij chiwa rix ri tzꞌan ngixinwojoꞌ, chi wokami roj ralkꞌuaꞌl chik ri Dios, y maske kꞌajani tiqꞌalajin ri kꞌakꞌakꞌ rubꞌanik qakꞌaslen ndubꞌen ri Dios más apu chiqawech, kin qetaman chi atoq ri Jesucristo nduqaqa chik jumbꞌey, ri rubꞌanik ri qakꞌaslen ndubꞌen qa achel rukꞌaslen rijaꞌ, porque kin xtiqatzꞌet rikꞌin qawech qitz achike rijaꞌ.

Tuilleadh tionndaidhean

Kaqchikel Santa Maria de Jesus

² Hermanos ri altíra nquixvajoꞌ, vacame oj ralcꞌual chic ri Dios; pero majaꞌ tikꞌalajin otz ri chica xkojtzuꞌn chila chicaj. Pero kataꞌn chi antok xtipa chic jun bꞌay ri Jesucristo, can xkojuoc incheꞌl jajaꞌ, ruma xtakatzꞌat cheꞌl mero titzuꞌn jajaꞌ.

Kaqchiquel Bible

² Wach'alal ri yalan yixinwajo', wakami oj ralk'ual chik ri Dios. Jak'a man jani tiq'alajin ri achike xqojbeok. Xaxe qetaman chi toq xtipe chik jun bey ri Jesucristo, xqojok achi'el rija' roma xtiqatz'et achike rubanik rija'.

Kaqchikel Central Guatemala

² Vach'alal ri yalan yixinvajo', vacami oj ralc'ual chic ri Dios. Pero man jani can ta tik'alajin ri achique kabanic xtekabana' chila' chicaj tok xtipe chic jun bey ri Jesucristo. Xaxe ketaman chi xkojoc achi'el rija', tok xtikatz'et achique rubanic.

Re C'ac'a Testamento pa Kach'abal

² Hermanos, yex re camas yixinjo', vocame yoj rajc'ual chic re Dios. Pero can c'amaje-na tik'alajin anchique forma xtakabana' tak xte'c'ulum-pa re Jesucristo. Xaxe kataman che xkojoc ancha'l reja', tak xtakatz'at andex rubanic reja'.

Kaqchikel Western Solola

² Wach'alal ri sibilaj yixinwajo', wacami yoj ralc'ual chic ri Dios. Xa yac'a chi ma jane nik'alajin ta ri kas mero kabanic ri xtibekabana' re chkawech apo, pero ketaman chi tek xtipe chic jun bey ri Jesucristo, can xkoj-oc achi'el Riya', tek xtikatz'et achique rubanic Riya'.

1 Juan 3:2 Iomraidhean Croise

San Mateo 5:8

Kin jabꞌel rokiqꞌij ri chꞌajchꞌaj kánima, Porque kin xtikitzꞌet ruwech ri Dios.

San Lucas 17:30

Y achel xekibꞌanalaꞌ ri wineq pa ru-tiempo ri Lot, keriꞌ chuqaꞌ xkekibꞌanalaꞌ ri wineq chupan ri qꞌij atoq nginuqaqa chik jumbꞌey riyin ri aj chikaj ri xinuꞌalex chiꞌikajal.

San Lucas 20:36

Maneq chik ruqꞌaꞌ ri kamik chake, porque ngeꞌok achel ri ángeles, ri ma ngeken ta, y kin eralkꞌuaꞌl ri Dios. Keriꞌ ndiqꞌalajin porque ngekꞌastajbꞌex pe chikikajal ri animaꞌiꞌ.

San Juan 1:12

Pero ri xekꞌamo apu ruwech y xkitaqij, xuyaꞌ chake chi kꞌo kiqꞌaꞌ chin ngeꞌok ralkꞌuaꞌl ri Dios.

San Juan 11:52

Y ma xe ta pa rukꞌexel ri tinamit Israel, xa chin chuqaꞌ ndubꞌen xe jun chake ri eralkꞌuaꞌl ri Dios ri kikiran kiꞌ chochꞌulew.

San Juan 17:24

Nataꞌ, ri eꞌayoꞌon chuwa, niwojoꞌ chi ngekꞌojeꞌ apeꞌ ngikꞌojeꞌ riyin, chin ndikitzꞌet ri nimalej nuqꞌij ayoꞌon, porque yin awojowan pe xe jampeꞌ kꞌajani tibꞌan ri rochꞌulew.

Romanos 8:16

Y ja ri Espíritu Santo ri ndiyoꞌon pa qánima chi ndiqanaꞌ chi qetzij roj ralkꞌuaꞌl ri Dios.

Romanos 8:18

Porque riyin nukꞌoxoman chi ri kꞌayew ri ngeqaqꞌasaj chupan re tiempo rojkꞌo, ma jubꞌaꞌ junan rikꞌin ri nimalej ruqꞌij ri Dios ri kꞌo jun qꞌij xtiqꞌalajrisex chiqawech.

Romanos 8:19

Nojel ri ebꞌanun roma ri Dios bꞌaneq kánima chiroyobꞌexik ri qꞌij riꞌ, atoq ndiqꞌalajrisex achike ri eqetzij ralkꞌuaꞌl ri Dios.

Romanos 8:29

Porque rijaꞌ xe jampeꞌ pa nabꞌey kin retaman wi pe kiwech ri eruchaꞌon chin ngeꞌok loqꞌolej achel ri Rukꞌajol, chin keriꞌ ja ri Rukꞌajol ri nimalaꞌtz chikiwech ekꞌiy ruchaqꞌ.

1 Corintios 13:12

Wokami, kin kꞌa ndimoymot ruwech ndiqatzꞌet nojel, achel ta ngojtzuꞌun chupan jun espejo ndimoyilan ruwech, pero nduqaqa jun qꞌij atoq kin jabꞌel qꞌalej ndiqatzꞌet nojel. Wokami kꞌo nimalej teq etamabꞌel qakꞌoxoman, pero ma nojel ta, pero ri qꞌij riꞌ, xtiqetamaj nojel, achel retaman qawech rijaꞌ.

1 Corintios 15:49

Wokami kꞌo jun qa-cuerpo achel ru-cuerpo ri Adán ri aj rochꞌulew. Keriꞌ chuqaꞌ kꞌo jun qꞌij kin xtikꞌojeꞌ jun qa-cuerpo, achel ri ru-cuerpo ri Cristo ri aj chikaj.

1 Corintios 2:9

Kin achel tzꞌibꞌan kan chupan ri rutzij ri Dios ri ndubꞌij: Nixta jun tzꞌeteyon, nixta jun akꞌaxayon, Nixta jun wineq qꞌaxneq pa ránima, Ri runabꞌan ri Dios chin nduyaꞌ chake ri ngeꞌojowan richin. Keriꞌ tzꞌibꞌan kan.

2 Corintios 3:18

Y romariꞌ, roj ri qataqin ri Ajaw, maneq chik kꞌul tzꞌapiyon qawech, y ndiqatzꞌet rijaꞌ achel pa jun espejo apeꞌ ndiyikꞌan ruqꞌij, y qꞌij-qꞌij ndijalatej ri qakꞌaslen chin nderubꞌanaꞌ achel rukꞌaslen rijaꞌ, y riꞌ roma ri samaj ndubꞌen ri Ajaw pa qakꞌaslen, y ri Ajaw riꞌ, ja ri Espíritu.

2 Corintios 4:17

Porque ri jubꞌaꞌ kꞌayew ndiqaqꞌasaj wokami, ndubꞌen chaqe chi nim qaqꞌij ndeqilaꞌ rikꞌin ri Dios, nim qaqꞌij ri ma jumbꞌey xtikꞌis. Y atoq ndiqakꞌoxomaj reꞌ, ndiqanaꞌ chi xa jubꞌaꞌ ok ri kꞌayew ngeqaqꞌasaj y xa chaꞌanin ngeꞌeqꞌax.

Gálatas 3:26

Keriꞌ nibꞌij chiwa porque rix iwonojel ri itaqin ri Cristo Jesús, rix ralkꞌuaꞌl chik ri Dios.

Gálatas 4:6

Y wokami ke roj ralkꞌuaꞌl chik ri Dios, rijaꞌ xuteq pe ri Espíritu chin ri Rukꞌajol pa qánima. Y ri Espíritu riꞌ ndubꞌij ¡Nataꞌ! chare ri Dios.

Filipenses 3:21

Rijaꞌ kin xtujel ruwech ri qa-cuerpo ri xa kin chin wi ndiken. Ndubꞌen kꞌakꞌakꞌ chare chin ndikꞌojeꞌ ruqꞌij achel ruqꞌij ri ru-cuerpo rijaꞌ. Keriꞌ ndubꞌen chaqe rikꞌin ri nimalej ruchuqꞌaꞌ ri ndubꞌen chi pa ruqꞌaꞌ rijaꞌ ndikꞌojeꞌ nojel ri kꞌo.

Colosenses 3:4

Y atoq nduqaqa chik jumbꞌey ri Cristo, ri yoyon chiwa ri kꞌaslen ma ndikꞌis ta, rix ngixbꞌekꞌojeꞌ rikꞌin rijaꞌ chupan ri nimalej ruqꞌij.

Hebreos 9:28

keriꞌ chuqaꞌ ri Cristo, xe jumbꞌey xkꞌatzin xusuj rukꞌaslen pa kamik chin xkuyutej kimak santienta wineq. Y nduruqꞌalajrisaj chik riꞌ, pero ma chin chi ta ndukuy kimak wineq, xa kin chin ngeturukꞌamaꞌ ri nojel kánima koyobꞌen chi ngerukal.

2 Pedro 1:4

Nojel riꞌ ruyoꞌon ri Dios chaqe, retal chi ruyoꞌon ri rusujun kan ri kin jabꞌel wi y nimalej reqalen. Y ruyoꞌon nojel riꞌ chaqe, chin keriꞌ rix ri xixanimej yan pe pa ruqꞌaꞌ ri itzel teq rayinik ri ekꞌo chochꞌulew, ndubꞌen qa ri ikꞌaslen achel rukꞌaslen rijaꞌ.

1 Juan 2:28

Wokami rix ri kin achel rix walkꞌuaꞌl keriꞌ, jumul xe jun tibꞌanaꞌ rikꞌin ri Cristo, chin keriꞌ atoq rijaꞌ nduruqꞌalajrisaj riꞌ, roj kin kuqul qakꞌuꞌx rikꞌin, y ma ngojkꞌixbꞌiyaj ta ngojel e chuwech atoq nduqaqa chik jumbꞌey.

1 Juan 2:7

Hermanos ri tzꞌan ngixinwojoꞌ, re mandamiento re nitzꞌibꞌaj e wokami chiwa ma kꞌakꞌakꞌ ta, xa kin ja ri mandamiento xyoꞌox chiwa atoq xitaqij ri Cristo. Re ojer mandamiento reꞌ ja ri iwakꞌaxan pe.

1 Juan 3:1

Tiyaꞌ cuenta chare chi ri Tataꞌaj Dios santienta ngojrajoꞌ roma hasta ndubꞌij ralkꞌuaꞌl chaqe, y kin qetzij wi chi roj ralkꞌuaꞌl. Y ri wineq ma ndikiyaꞌ ta pa cuenta chi roj ralkꞌuaꞌl, roma ma ketaman ta runoꞌoj rijaꞌ.

1 Juan 3:10

Rikꞌin reꞌ nditzꞌetetej achike ri eralkꞌuaꞌl ri Dios y achike ri eralkꞌuaꞌl ri itzel: Ri ma ndukꞌuaj ta jun chojmilej kꞌaslen, y ma ngerajoꞌ ta ri ru-hermanos, ma richin ta ri Dios.

1 Juan 3:21

Y nibꞌij chiwa rix ri tzꞌan ngixinwojoꞌ: Si pa qánima ma jun qamak qewan chuwech ri Dios, riꞌ ndubꞌen chaqe chi kuqul qakꞌuꞌx ngojjel apu chuwech rijaꞌ.

1 Juan 5:1

Konojel ri ndikitaqij chi ri Jesús jariꞌ ri Jun taqon pe roma ri Dios chukolik ri rutinamit, kikꞌuan chik ri kꞌakꞌakꞌ alaxik nduyaꞌ ri Dios. Y konojel ri ndikajoꞌ jun tataꞌatz, ndikajoꞌ chuqaꞌ ri ralkꞌuaꞌl ri tataꞌatz riꞌ.

Apocalipsis 2:28

Niyaꞌ ri uchuqꞌaꞌ riꞌ chare achel ruyoꞌon ri Nataꞌ chuwa riyin, y niyaꞌ chuqaꞌ chare ri chꞌumil nditzꞌetetej kumaj saqer.

Apocalipsis 22:4

y ndikitzꞌet ruwech ri Dios, y ri rubꞌiꞌ ndikꞌojeꞌ pa runikꞌajal kiwech.