1 Juan 3:10 - Kaqchikel Santo Domingo (Xenacoj)

¹⁰ Rikꞌin reꞌ nditzꞌetetej achike ri eralkꞌuaꞌl ri Dios y achike ri eralkꞌuaꞌl ri itzel: Ri ma ndukꞌuaj ta jun chojmilej kꞌaslen, y ma ngerajoꞌ ta ri ru-hermanos, ma richin ta ri Dios.

Tuilleadh tionndaidhean

Kaqchikel Santa Maria de Jesus

¹⁰ Can kꞌalaj ri chica i-ralcꞌual ri Dios, y kꞌalaj jeꞌ ri chica i-ralcꞌual ri diablo. Ri man rucꞌuan ta jun cꞌaslien choj y man ncaꞌrajoꞌ ta ri hermanos, jareꞌ ri man richin ta ri Dios.

Kaqchiquel Bible

¹⁰ Y rik'in re' niq'alajin ri achike ri e ralk'ual ri Dios y ri e ralk'ual ri Itzel-Wineq. Jak'a ri man chojmilej k'aslen ta kik'uan y man yekajo' ta ri kach'alal, man e richin ta ri Dios.

Kaqchikel Central Guatemala

¹⁰ Y can nik'alajin-vi ri achique ri ralc'ual ri Dios. Y nik'alajin chuka' achique ri ralc'ual ri itzel-vinek. Jac'a ri man chojmilej c'aslen ta quic'uan y man yecajo' ta ri kach'alal, jari' ri man e richin ta ri Dios.

Re C'ac'a Testamento pa Kach'abal

¹⁰ Y can k'alaj re anchique re je rajc'ual re Dios. Y can k'alaj chuka' anchique re je rajc'ual re itzel. Jac'a re man quic'uan-ta jun c'aslen choj y man ye'quijo-ta re hermanos, jare' re man je richin-ta re Dios.

Kaqchikel Western Solola

¹⁰ Y can nik'alajin wi c'a ri ye ralc'ual ri Dios. Y nik'alajin chuka' ri ye ralc'ual ri itzel winek. Xabachique winek ri ma ruc'uan ta jun c'aslen choj y ma yerajo' ta ri kach'alal, yari' ri ma riche (rixin) ta ri Dios.

1 Juan 3:10 Iomraidhean Croise

San Mateo 13:38

Ri ulew apeꞌ xbꞌan ri tikoꞌ ja ri rochꞌulew, ri utzulej semilla ja ri ekꞌo chuxeꞌ rutzij ri Dios ri Nimalej Rey, y ri itzel qꞌayis ja ri wineq ekꞌo chuxeꞌ rutzij ri itzel,

San Lucas 6:35

Ri más utz chi ndibꞌen jareꞌ: Keꞌiwojoꞌ ri ngebꞌanun oyowal chiwa, tibꞌanaꞌ ri utz, y atoq ndiyaꞌ jun achike pa qajik, ma tiwoyobꞌej chi nditzolix rajel-rukꞌexel chiwa. Si keriꞌ xtibꞌen, nim rajel-rukꞌexel ndiyoꞌox chiwa chikaj y keriꞌ ndiqꞌalajin chi rix ralkꞌuaꞌl ri nimalej ruqꞌij Dios. Keriꞌ tibꞌanaꞌ, porque rijaꞌ kin utz runoꞌoj ndubꞌen chake ri wineq ri ma ngematioxin ta y chake ri wineq eꞌitzel chikibꞌanik.

San Juan 1:12

Pero ri xekꞌamo apu ruwech y xkitaqij, xuyaꞌ chake chi kꞌo kiqꞌaꞌ chin ngeꞌok ralkꞌuaꞌl ri Dios.

San Juan 11:52

Y ma xe ta pa rukꞌexel ri tinamit Israel, xa chin chuqaꞌ ndubꞌen xe jun chake ri eralkꞌuaꞌl ri Dios ri kikiran kiꞌ chochꞌulew.

San Juan 8:44

Ri itataꞌ rix ja ri itzel. Rix, rix richin rijaꞌ, y ja ri rurayibꞌel rijaꞌ ri ndiwojoꞌ ndibꞌen. Rijaꞌ kamisanel xe jampeꞌ pa nabꞌey, y ma jumbꞌey roqan ri qetzij, porque pa ránima ma jun qetzij kꞌo. Y atoq ndireqꞌon, kin richin wi keriꞌ ndubꞌen, porque rijaꞌ reqꞌóta, y rikꞌin rijaꞌ nditzꞌukutej pe nojel ruwech aqꞌ.

San Juan 8:47

Ri erichin ri Dios ndikibꞌen ri ndubꞌij, pero rix ma rix richin ta, y romariꞌ ma ndibꞌen ta ri ndubꞌij rijaꞌ.

Hechos 13:10

y kereꞌ xubꞌij chare: ¡Elimas! Rat xa nojneq awánima rikꞌin nojel ruwech chꞌakatinik, y rat machꞌikilik chubꞌanik, rat jun ralkꞌuaꞌl ri itzel, porque itzel ndatzꞌet nojel ri ndibꞌanatej pa ruchojmil. ¿La ma xkataneꞌ ta kꞌa chi ndasuqꞌ ri chojmilej bꞌey rukꞌutun kan ri Ajaw?

Romanos 13:8

Ma jun achoq ikꞌin tikꞌojeꞌ ikꞌas, xa kin xe ri ndiwojoꞌ iwiꞌ chiwech tibꞌanaꞌ achel ikꞌas chare. Porque ri ngerajoꞌ ri wineq, kin rubꞌanun cumplir nojel ri ndubꞌij ri ley xyoꞌox chare ri Moisés.

Efesios 5:1

Romariꞌ, rix ri rix ralkꞌuaꞌl chik ri Dios y tzꞌan ngixrajoꞌ, tiwoqaj ri utzulej runoꞌoj rijaꞌ.

Colosenses 3:14

Y pa ruwiꞌ nojel reꞌ, ndikꞌatzin ndiweq ri ikꞌaslen rikꞌin ri ndiwojoꞌ iwiꞌ, porque ja ri ndiwojoꞌ iwiꞌ ri ndiyuqen ikꞌaslen rix iwonojel chin jabꞌel yalan ndikꞌuaj iwiꞌ.

1 Timoteo 1:5

Nojel re nuchilabꞌen chawa chi ndabꞌij, chin kin ta konojel ngeꞌojowan rikꞌin chꞌajchꞌaj kánima, chin chuqaꞌ ndikinaꞌ pa kánima chi ma jun mak keqalen chuwech ri Dios, y chin qetzij kuqul kikꞌuꞌx rikꞌin ri Dios.

1 Juan 2:29

Rix iwetaman chi ri Jesucristo pa ruchojmil ndubꞌen nojel, romariꞌ tiwetamaj chuqaꞌ, chi konojel ri ndikikꞌuaj jun chojmilej kꞌaslen, ndiqꞌalajin chi kikꞌuan ri kꞌakꞌakꞌ alaxik nduyaꞌ ri Dios.

1 Juan 3:1

Tiyaꞌ cuenta chare chi ri Tataꞌaj Dios santienta ngojrajoꞌ roma hasta ndubꞌij ralkꞌuaꞌl chaqe, y kin qetzij wi chi roj ralkꞌuaꞌl. Y ri wineq ma ndikiyaꞌ ta pa cuenta chi roj ralkꞌuaꞌl, roma ma ketaman ta runoꞌoj rijaꞌ.

1 Juan 3:2

Y nibꞌij chiwa rix ri tzꞌan ngixinwojoꞌ, chi wokami roj ralkꞌuaꞌl chik ri Dios, y maske kꞌajani tiqꞌalajin ri kꞌakꞌakꞌ rubꞌanik qakꞌaslen ndubꞌen ri Dios más apu chiqawech, kin qetaman chi atoq ri Jesucristo nduqaqa chik jumbꞌey, ri rubꞌanik ri qakꞌaslen ndubꞌen qa achel rukꞌaslen rijaꞌ, porque kin xtiqatzꞌet rikꞌin qawech qitz achike rijaꞌ.

1 Juan 4:21

Y jareꞌ ri mandamiento ri ruyoꞌon kan ri Cristo: Ri ndirajoꞌ ri Dios, tirajoꞌ chuqaꞌ ri ru-hermano.

1 Juan 4:6

Jakꞌa roj, roj richin ri Dios, y ri wineq ri ketaman runoꞌoj ri Dios ndikitaqij ri ndiqabꞌij, pero ri wineq ri ma erichin ta ri Dios ma ndikitaqij ta ri ndiqabꞌij. Rikꞌin reꞌ ndiqetamaj achike jun kꞌo ri Espíritu chin ri qetzij pa ránima, y achike jun kꞌo ri espíritu chin chꞌakatinik pa ránima.

1 Juan 4:8

Jakꞌa ri ma ndojowan ta, ma retaman ta runoꞌoj ri Dios, porque ri Dios kin richin wi chi ndojowan.

1 Juan 5:19

Roj qetaman chi roj richin ri Dios, y qetaman chuqaꞌ chi konojel wineq ri ma kitaqin ta ri Cristo, ekꞌo chuxeꞌ ruchuqꞌaꞌ ri itzel.

1 Juan 5:2

Y atoq ndiqajoꞌ ri Dios y ndiqabꞌen ri ndubꞌij ri ru-mandamientos, nditzꞌetetej chi ngeqajoꞌ ri eralkꞌuaꞌl ri Dios chuqaꞌ.

3 Juan 1:11

Rat Gayo ri tzꞌan ngatinwojoꞌ, nibꞌij chawa chi ma tawoqaj ri itzel teq achike ngekibꞌanalaꞌ chꞌaqa chik, rat kin tawoqaj ri utz. Ri ndibꞌanun ri utz, kin chin wi ri Dios, jakꞌa ri ndibꞌanun itzel teq achike, ma retaman ta runoꞌoj ri Dios.