1 Juan 1:3 - Kaqchikel Santo Domingo (Xenacoj)

³ Ndiqatzijoj chiwa ri xqatzꞌet y ri xqakꞌaxaj, chin keriꞌ ma ndiyaꞌ kan chi xe jun ibꞌanun qikꞌin, achel xe jun qabꞌanun rikꞌin ri Qatataꞌ Dios, y rikꞌin ri Jesucristo ri Rukꞌajol.

Tuilleadh tionndaidhean

Kaqchikel Santa Maria de Jesus

³ Ojreꞌ nakatzijuoj chiva ri xkatzꞌat y ri xkaxaj, chi quireꞌ ixreꞌ y ojreꞌ junan kavach nakaꞌan, y can ketzij chi joꞌc jun kabꞌanun riqꞌuin ri Katataꞌ Dios y riqꞌuin ri Jesucristo ri Rucꞌajuol.

Kaqchiquel Bible

³ Roj kan qatzijon k'a chiwe ri xqatz'et y ri xqak'axaj, richin chi rix junan ta iwech qik'in roj y keri' rix chuqa' junan iwech rik'in ri Tata'ixel y rik'in ri Jesucristo ri Ruk'ajol, achi'el ri qabanon roj.

Kaqchikel Central Guatemala

³ Roj can katzijon c'a chive ri xkatz'et y ri xkac'axaj, richin chi quixoc achi'el roj chi junan kavech riq'uin ri Tata'ixel y riq'uin ri Jesucristo ri Ruc'ajol.

Re C'ac'a Testamento pa Kach'abal

³ Yoj can nakatzijoj chiva re xkatz'at y re xkac'axaj, chin che quixoc ancha'l yoj, roma yoj junan kavach riq'uin re Karta' Dios y riq'uin re Jesucristo re Ruc'ajol.

Kaqchikel Western Solola

³ Riyoj ya c'a ri xkatz'et y ri xkac'axaj yari' ri nikatzijoj chiwe, riche (rixin) chi riyix y riyoj junan kawech nikaben, y can kitzij wi chi junan kawech nikaben riq'ui ri Tata'ixel y riq'ui ri Jesucristo ri Ruc'ajol.

1 Juan 1:3 Iomraidhean Croise

San Juan 17:11

Loqꞌolej Nataꞌ, pa aqꞌaꞌ rat ngenjech kan ri xaꞌayaꞌ chuwa. Kaꞌachajij pa abꞌiꞌ, chin keriꞌ xe jun kánima ndikibꞌen chikiwech achel qabꞌanun roj awikꞌin. Kaꞌachajij kꞌa, porque rejeꞌ kꞌa ngekꞌojeꞌ kan chochꞌulew, y yin ngitzolij yan e chikaj chin ngibꞌekꞌojeꞌ e awikꞌin.

San Juan 17:21

chin keriꞌ jun kánima ndikibꞌen konojel, achel rat Nataꞌ jun awánima abꞌanun wikꞌin y riyin jun wánima nubꞌanun awikꞌin, keriꞌ ta kꞌa chuqaꞌ rejeꞌ xe jun ndikibꞌen qikꞌin roj, chin keriꞌ ri wineq ri ma rat kitaqin ta ndiketamaj chi ja rat taqayon pe wichin.

San Juan 17:25

Nataꞌ, rat ri pa ruchojmil ndabꞌen nojel, ri wineq ri ma rat kitaqin ta ma ketaman ta ri anoꞌoj, pero riyin wetaman ri anoꞌoj, y ri eꞌayoꞌon chuwa, ketaman chi ja rat taqayon pe wichin.

San Juan 17:3

Y ri kꞌaslen ma ndikꞌis ta kereꞌ rubꞌeyal: Tiketamaj anoꞌoj rat ri qetzij Dios ri kin xe wi rat jun, y tiketamaj nunoꞌoj riyin ri Jun taqon pe awoma rat chukolik ri atinamit.

San Juan 19:35

Y ri xtzꞌeto nojel reꞌ, ndubꞌij chi kin keriꞌ wi xbꞌanatej, y ri ndubꞌij rijaꞌ kin qetzij wi. Rijaꞌ retaman chi qetzij ri ndubꞌij, chin keriꞌ rix nditaqij chuqaꞌ.

Hechos 13:32

Y roj qakꞌamon pe rutzijol re utzulej teq tzij chin kolotajik chiwa, ri ndubꞌij chi ri Dios ja ndubꞌen ri achike rusujun chake ri ojer teq qatit-qamamaꞌ,

Hechos 13:41

Rix ri ma jun reqalen ndibꞌen chare ri rubꞌiꞌin kan ri Dios, Tisach ikꞌuꞌx y tikꞌis iqꞌij. Porque riyin niyaꞌ jun nimalej castigo chupan ri i-tiempo, Ri xa ta kꞌo jun xtitzijon chiwa, Ma jubꞌaꞌ laꞌeq xtitaqij. Keriꞌ ndubꞌij ri tzꞌibꞌan kan, xchajeꞌ ri Pablo.

Hechos 2:42

Y kin jumul ndikibꞌen ri ndiketamaj pa ruwiꞌ ri tijonik ndikiyaꞌ ri apóstoles, y kin xe jun kánima kibꞌanun ndikimal kiꞌ pa rubꞌiꞌ ri Ajaw, ndikikꞌux ri kaxlan wey kꞌuxlabꞌel rukamik ri Ajaw y ndikibꞌen orar.

Hechos 20:27

Porque riyin nojel ri runojin ri Dios pa qawiꞌ roj wineq, kin nuqꞌalajrisan rubꞌeyal chiwa.

Hechos 4:20

Porque roj ma ngojtiker ta ndiqamalij kan rutzijoxik ri qatzꞌeton chi xubꞌen ri Jesús, nixta ngojtiker ndiqayaꞌ kan rubꞌixik ri qakꞌaxan chi xubꞌij.

Romanos 15:27

Ri hermanos riꞌ xalex pa kánima xkimal ri ofrenda riꞌ, pero kin kꞌas wi chikij chin ngetoꞌon. Porque ri ma israelitas ta xkil ri favor nduyaꞌ ri Dios koma ri israelitas, romariꞌ ndikꞌatzin chuqaꞌ chi rejeꞌ ngekitoꞌ ri israelitas rikꞌin ri ndikꞌatzin chake chin ndikiqꞌasaj ri kikꞌaslen.

1 Corintios 1:30

Pero roma ri Dios, rix jun ibꞌanun rikꞌin ri Cristo Jesús ri achoq ikꞌin qilon ri nojibꞌel pataneq rikꞌin ri Dios, y roma ri Cristo nixta jun chik qamak qeqalen chuwech ri Dios, kin loqꞌolej bꞌanun chare ri qakꞌaslen y roj loqꞌon chin xojelesex pa ruqꞌaꞌ ri tzꞌamayon qichin.

1 Corintios 1:9

Y qetaman chi ri Dios ma ndujel ta ruwech rutzij y kin ndubꞌen wi ri ndubꞌij, y ja rijaꞌ ri xixoyon chin jun ibꞌanun rikꞌin ri Rukꞌajol. Y riꞌ ja ri Qajaw Jesucristo.

1 Corintios 15:1

Wokami hermanos, riyin niwojoꞌ nikꞌuxlaꞌaj chiwa rubꞌeyal ri utzulej teq tzij chin kolotajik ri xintzijoj yan chiwa y rix itaqin chik. Ja tzij reꞌ ri ndiyoꞌon ruchuqꞌaꞌ ri iwánima rikꞌin ri Ajaw.

Efesios 3:6

Y ri ruqꞌalajrisan ri Espíritu Santo jareꞌ: Rix ri ma rix israelitas ta, itaqin ri utzulej teq tzij chin kolotajik, y romariꞌ kꞌo favor ndiyoꞌox chiwa junan qikꞌin roj israelitas, y junan roj okuneq ruwachinel ruqꞌa-raqen ri Cristo y junan chuqaꞌ ndiyoꞌox chaqe ri rusujun ri Dios chi nduyaꞌ, porque xe jun qabꞌanun qonojel rikꞌin ri Cristo Jesús.

Filipenses 1:7

Y kin utz chi riyin keriꞌ ninaꞌ iwoma, porque rixkꞌo pa wánima y jun iwánima ibꞌanun wikꞌin chupan ri nimalej favor ruyoꞌon ri Dios chuwa. Jun iwánima ibꞌanun wikꞌin re yinkꞌo pa cheꞌ, y jajun atoq niqꞌalajrisaj chi ri utzulej teq tzij chin kolotajik kin qetzij y utz chi nditzijox.

Filipenses 2:1

Hermanos, ri Cristo ngixrubꞌochiꞌij rix ri xe jun ibꞌanun rikꞌin, nduyaꞌ chuqaꞌ ruchuqꞌaꞌ iwánima roma ngixrajoꞌ, ri Espíritu Santo ngixrutoꞌ chi xe jun iwánima ndibꞌen chiwech, y ri Cristo kin ndujoyowaj iwech.

Filipenses 3:10

Niwojoꞌ niwetamaj utz-utz runoꞌoj ri Cristo, y niwojoꞌ chuqaꞌ niwetamaj pa nukꞌaslen ri ndubꞌen ri ruchuqꞌaꞌ ri Dios ri xkꞌastajbꞌan pe ri Cristo chikikajal ri animaꞌiꞌ. Niwojoꞌ niqꞌasaj kꞌayew achel ri Cristo xuqꞌasaj kꞌayew, y niwojoꞌ nijech nukꞌaslen pa kamik chubꞌanik ri ndirajoꞌ ri Dios, achel xubꞌen ri Cristo, kin xujech rukꞌaslen pa kamik.

Colosenses 1:13

Rijaꞌ xojrukal pe pa ruqꞌaꞌ ri rajawal ri qꞌequꞌ, y xojruyaꞌ pa ru-reino ri Rukꞌajol ri tzꞌan ndirajoꞌ.

1 Tesalonicenses 1:10

y chi iwoyobꞌen chuqaꞌ chi nditzolij pe chikaj ri Rukꞌajol ri Dios, ri xkꞌastajbꞌex pe roma ri Dios chikikajal ri animaꞌiꞌ, y riꞌ ja ri Jesús ri ndikolo qichin chuwech ri castigo pataneq.

1 Timoteo 6:2

Ri loqꞌon teq samajelaꞌ ri kitaqin ri Cristo ri ekꞌo kajaw ri kitaqin chuqaꞌ ri Cristo, ma tikinojij chi ma ndikꞌatzin ta ndikinimrisaj kiqꞌij ri kajaw roma ki-hermanos kiꞌ. Pa rukꞌexel riꞌ, más utz tikibꞌanaꞌ chare ri samaj, porque ri achoq chake kꞌo utz ndukꞌen pe ri kisamaj, kin kitaqin ri Cristo y eꞌojowan chuqaꞌ roma rijaꞌ. Y rat Timoteo, kaꞌatijoj y kaꞌapixabꞌaj ri hermanos rikꞌin nojel reꞌ.

Hebreos 2:12

achel ndubꞌij rijaꞌ: Chake ri enchaqꞌ, nitzijoj ri utzulej anoꞌoj, Y chikikajal ri ndikimal kiꞌ chin ndikiyaꞌ aqꞌij, nibꞌixaj ri abꞌiꞌ.

Hebreos 3:1

Romariꞌ, loqꞌolej teq hermanos ri rix oyon roma ri Dios chin ngixok richin, tiyaꞌ utz-utz cuenta chare ri ndubꞌen ri Jesús, ri qa-Apóstol y más nimalej ruqꞌij qa-Sacerdote, ri achoq ikꞌin kuqul qakꞌuꞌx achel ndiqatzijoj.

Hebreos 3:14

Porque kꞌo chuqaꞌ qaqꞌaꞌ chare ri yoꞌon chik chare ri Cristo, pero ndikꞌatzin chi jumul ndiqayaꞌ qánima rikꞌin hasta pa rukꞌisibꞌel, achel qabꞌanun pe xe jampeꞌ pa nabꞌey.

1 Pedro 5:1

Y roma re qabꞌiꞌin pe, ngixinpixabꞌaj chuqaꞌ rix ri ukꞌuey bꞌey chikiwech ri hermanos. Riyin chuqaꞌ yin jun ukꞌuey bꞌey achel rix, y yin jun ri xintzꞌet ri kꞌayew xuqꞌasaj ri Cristo. Riyin chuqaꞌ jun ri ndikꞌojeꞌ nuqꞌij chikikajal ri ndikꞌojeꞌ kiqꞌij atoq ri Cristo xtuqꞌalajrisaj chik riꞌ chupan ri nimalej ruqꞌij.

2 Pedro 1:16

Nojel re nibꞌij chiwa kin qetzij, porque roj apóstoles ma qakusan ta tzꞌukun y nojin teq tzij eyoꞌon qa ruqꞌa-raqen chin qabꞌiꞌin chiwa ri uchuqꞌaꞌ kꞌo pa ruqꞌaꞌ ri Qajaw Jesucristo y chi rijaꞌ nduqaqa chik jumbꞌey. Xa kin rikꞌin qawech xqatzꞌet ri nimalej ruqꞌij.

1 Juan 1:1

Re wuj re nitzꞌibꞌaj e chiwa, ndichꞌaꞌa pa ruwiꞌ ri Jun ri kin xixkꞌo wi atoq kꞌajani tibꞌan ri kaj y ri rochꞌulew. Y roj ri roj apóstoles kin rikꞌin qawech xqatzꞌet rijaꞌ, rikꞌin qaxikin xqakꞌaxaj ri xubꞌij, y rikꞌin qaqꞌaꞌ xqatzꞌen. Y ri achoq pa ruwiꞌ ngojchꞌaꞌa, ja ri Jun ri ndiqꞌalajrisan runoꞌoj ri Dios y nduyaꞌ kꞌaslen.

1 Juan 1:5

Y jareꞌ ri tijonik rukꞌutun kan ri Jesucristo chiqawech y ndiqatzijoj chiwa wokami: Ri Dios kin luz wi, y rikꞌin rijaꞌ ma jun qꞌequꞌ kꞌo.

1 Juan 1:7

Pero si ndiqakꞌuaj qakꞌaslen pa luz achel rijaꞌ kꞌo pa luz, riꞌ ndubꞌen chaqe chi xe jun ndiqabꞌen chiqawech kikꞌin ri hermanos, y ri rukikꞌel ri Jesús ri Rukꞌajol, qꞌij-qꞌij ngojruchꞌajchꞌojrisaj chuwech nojel qamak.