1 Juan 1:10 - Kaqchikel Santo Domingo (Xenacoj)

¹⁰ Si ndiqabꞌij chi maneq mak qabꞌanun, ndiqabꞌen chare achel xa jun reqꞌóta keriꞌ, y ri rutzij ma kꞌo ta pa qánima.

Tuilleadh tionndaidhean

Kaqchikel Santa Maria de Jesus

¹⁰ Pero xa nakaꞌej chi man jun pecado kabꞌanun, nakaꞌan chi ri Dios man ketzij ta ri nuꞌej. Y xa quireꞌ nakaꞌej, ri ruchꞌabꞌal ri Dios man cꞌo ta riqꞌuin kánima.

Kaqchiquel Bible

¹⁰ Y wi niqabij chi man jun mak niqaben, kan niqaben chi man qitzij ta ri nubij ri Dios. Y ri ruch'abel xa man k'o ta pa taq qánima.

Kaqchikel Central Guatemala

¹⁰ Y jac'a vi nikabij chi man jun mac nikaben, can nikaben chi man kitzij ta ri nubij ri Dios. Y ri ruch'abel man c'o ta pa kánima.

Re C'ac'a Testamento pa Kach'abal

¹⁰ Y jac'a vo xa nakabij che man jun mac nakaban, can nakaban che man katzij-ta nubij re Dios, y re ruch'abal man c'o-ta pa tak kánma.

Kaqchikel Western Solola

¹⁰ Y wi nikabij chi majun kamac, can nikaben chare ri Dios chi xa jun aj tz'ucuy tzij. Y ri ruch'abel man c'o ta pa kánima.

1 Juan 1:10 Iomraidhean Croise

San Juan 3:33

Jakꞌa atoq jun wineq ndutaqij ri nojibꞌel ndutzijoj ri Jun ri qajneq pe chikaj, rikꞌin riꞌ ndiqꞌalajin chi ri Dios jumul ndubꞌij ri qetzij.

Colosenses 3:16

Kin ta xtinoj ri iwánima rikꞌin ri rutzij ri Cristo, y kin ta xtikꞌojeꞌ jumul chiriꞌ. Kin ta xtikusaj nojel ri utzulej nojibꞌel ri pataneq rikꞌin ri Cristo chin nditijoj y ndipixabꞌaj iwiꞌ chiwech. Rikꞌin nojel iwánima keꞌibꞌixaj salmos, himnos y chꞌaqa chik bꞌix ri nduyaꞌ ri Espíritu Santo chiwa chin ngixmatioxin chare ri Dios.

1 Juan 1:8

Si ndiqabꞌij chi nixta jun qamak, xa qayon ndiqachꞌakatij qiꞌ, y ri qetzij ma kꞌo ta pa qánima.

1 Juan 2:14

Nitzꞌibꞌaj e reꞌ chiwa rix, ri kin achel chꞌuteq wíta akꞌolaꞌ, porque iwetaman runoꞌoj ri Tataꞌaj Dios. Nitzꞌibꞌaj e reꞌ chiwa rix ri achel tataꞌatz chikikajal ri kitaqin ri Cristo, porque iwetaman runoꞌoj ri Cristo ri kin xixkꞌo wi atoq kꞌajani tibꞌan ri kaj y ri rochꞌulew. Nitzꞌibꞌaj e chuqaꞌ chiwa rix ri achel akꞌolaꞌ chikikajal ri kitaqin ri Cristo, porque santienta iwuchuqꞌaꞌ, y ri rutzij ri Dios kin kꞌo pa iwánima y xixtiker yan pa ruqꞌaꞌ ri itzel.

1 Juan 2:4

Pero si kꞌo jun ndubꞌij chi retaman runoꞌoj ri Dios, y ma ndubꞌen ta ri ndubꞌij ri ru-mandamientos, xa ndireqꞌon y maneq ri qetzij pa ránima.

1 Juan 4:4

Rix ri kin achel rix walkꞌuaꞌl keriꞌ, rix richin ri Dios, y xixtiker yan pa kiqꞌaꞌ ri kiqꞌabꞌan kiꞌ chi e-profetas, porque ri Espíritu Santo ri kꞌo pa iwánima más kꞌo ruchuqꞌaꞌ ke chuwech ri itzel ri rajawal ri rochꞌulew.

1 Juan 5:10

Ri kitaqin ri Rukꞌajol ri Dios, ndikinaꞌ chi ri ruqꞌalajrisan ri Dios pa ruwiꞌ ri Rukꞌajol kin qetzij wi. Pero ri ma kitaqin ta ri Dios ndikibꞌen chare achel xa jun reqꞌóta keriꞌ, porque ma ndikitaqij ta ri ruqꞌalajrisan pa ruwiꞌ ri Rukꞌajol.

2 Juan 1:2

Y ngixqajoꞌ, porque pa qánima kꞌo ri qetzij ri ruqꞌalajrisan kan ri Dios y ri qetzij riꞌ chin jumul ndikꞌojeꞌ pa qánima.