San Mateo 21:5 - Kaqchikel Western Solola

⁵ Tiya' c'a rutzijol chique ri winek ye riche (rixin) ri tinamit Sion, chi ri qui-Rey yac'are' petenak. Ri qui-Rey can ch'uch'uj wi c'a ránima. Y Riya' ch'ocol pe chrij jun ti bur. Can chrij wi c'a jun ti alaj bur ch'ocol wi pe. Ri ti alaj bur ral c'a jun chicop riche (rixin) ejka'n. Quec'ari' ri tz'ibatal ca.

Tuilleadh tionndaidhean

Kaqchikel Santo Domingo (Xenacoj)

⁵ Tibꞌij chake ri israelitas ekꞌo pa tinamit Sión: Titzꞌetaꞌ chi ri i-Rey, ja pataneq, Y loqꞌ ránima tzꞌuyul pe chirij jun burro, Ral jun awej chin eqaꞌ, xchajeꞌ.

Kaqchikel Santa Maria de Jesus

⁵ Tiꞌej chica ri vinak ri icꞌo pa tanamet Sion: Ri I-Rey ja patanak iviqꞌuin. Can manak-oc rukꞌij rubꞌanun-pa, chꞌacol-pa chirij jun alaj burro. Ri alaj burro ral jun chicop richin akaꞌn. Quireꞌ ri tzꞌibꞌan can.

Kaqchiquel Bible

⁵ Tibij chike ri aj-Sión chi jari' xoqaqa ri ki-rey, Jak'a kan jun achin ri kan yalan ch'uch'uj. Rija' ch'okol-pe chirij jun alaj bur.

Kaqchikel Central Guatemala

⁵ Tiya' c'a rutzijol chique ri e richin chic ri tinamit rubini'an Sión, chi ri qui-Rey jac'are' petenek. Ri qui-Rey can ch'uch'uj vi c'a ránima. Y rija' ch'ocol-pe chirij jun burro. Can chirij vi c'a jun alaj burro ch'ocol-vi-pe rija'. Ri alaj burro ral c'a jun samajel chicop. Queri' c'a ri tz'ibatel can.

Re C'ac'a Testamento pa Kach'abal

⁵ Tiya' c'a rutzijol chique re je richin chic re tenemit rubini'an Sion, che re qui-Rey ja re pitinak. Re qui-Rey can ch'o'l-va c'a ránma. Y reja' ch'ocol-pa chij jun alaj burro. Re alaj burro ral jun chicop chin ejka'n. Quire' nubij re tz'iban can.

San Mateo 21:5 Iomraidhean Croise

San Mateo 11:29

Riyix tic'uaj c'a ri nuyugo chrij tak iwi', y tiwetamaj c'a chuwij riyin, chi riyin nc'uan jun c'aslen ch'uch'uj y nch'utinirisan wi'. Can quec'ari' tibana' riyix riche (rixin) chi ri iwánima xtril uxlanen.

San Mateo 2:2

y xquic'utuj c'a chique ri winek: ¿Acuchi (achique) c'o wi ri ac'al ri qui-Rey ri israelitas ri xa c'a xalex? Ri ruch'umil katz'eton pe riyoj c'a quela' pa relebel k'ij, y xojpe chuya'ic ruk'ij, xecha'.

San Mateo 2:6

Y riyit tinamit Belén ri yitc'o pa Judá, riyit ma can ta yit co'ol chiquicojol ri nima'k tak tinamit chiri' pa Judá, ruma ya ri chiri' awuq'ui riyit xtipe wi ri uc'uey bey, y can xqueruchajij ri nutinamit Israel achi'el nuben jun utzilaj aj yuk', nicha' ri Dios, xecha' apo chare ri rey Herodes.

San Mateo 21:6

Y ri ca'i' discípulos xebe c'a, y xquiben wi ri bin el chique ruma ri Jesús.

San Lucas 24:27

Y ri Jesús xuchop c'a ruk'alajsaxic chiquiwech ri ye ca'i' achi'a' ri', ronojel ri ye tz'ibatal ca chrij Riya' chupan ri ruch'abel ri Dios. Xuchop c'a el riq'ui ri ye rutz'iban ca ri Moisés, c'a riq'ui ri quitz'iban ca ri nic'aj chic profetas ri xek'alajsan ri ruch'abel ri Dios ojer ca.

San Juan 1:49

Ri Natanael yac'ari' tek xubij: Tijonel, can yit wi riyit ri Ruc'ajol ri Dios. Y can yit wi riyit ri Rey riche (rixin) re tinamit Israel, xcha' chare.

2 Corintios 10:1

Riyin ri Pablo can ye q'uiy wi c'a ri yetzijon chuwij y niquibij c'a: Tek ri Pablo c'o chkacojol sibilaj jabel, can nuch'utinirisaj ri' y riq'ui ch'uch'ujil nich'o wi chake, yac'a tek xa nej c'o wi, ma nupokonaj ta chic nubij pe cowilaj tak ch'abel chake, yecha'. Pero riyin xa ma que ta ri' nben. Riyin xa can riq'ui ch'uch'ujil nc'utuj c'a jun utzil chiwe y can nch'utinirisaj wi' chuc'utuxic can achi'el ri ch'uch'ujil riche (rixin) ri Cristo.