Apocalipsis 14:5 - Kaqchikel Eastern

⁵ Y man jun tz'ucun tzij xilitüj ri elenük ta pe pa quichi', xa ye ch'ajch'oj vi chuvüch ri Dios ri tz'uyul pa lok'olüj ruch'acat.

Tuilleadh tionndaidhean

Kaqchikel Santo Domingo (Xenacoj)

⁵ Y nixta jun chꞌakatinik xilitej pa kichiꞌ, xa kin chꞌajchꞌaj ri kánima.

Kaqchikel Santa Maria de Jesus

⁵ Y man jun tzꞌakon-tzij xlitaj chi alanak ta pa quichiꞌ, xa can i-sak icꞌo choch ri ru-trono ri Dios.

Kaqchiquel Bible

⁵ Y kan man jun tz'ukun-tzij ri eleneq ta pe pa kichi', xa kan e ch'ajch'oj chuwech ri Dios.

Kaqchikel Central Guatemala

⁵ Y can man jun tz'ucun tzij xilitej ri elenek ta pe pa quichi', xa can e ch'ajch'oj vi chuvech ri Dios ri tz'uyul ri pa lok'olej ruch'acat.

Re C'ac'a Testamento pa Kach'abal

⁵ Y man jun tz'ucuj-tzij xlitaj chiquij re elinak-ta pa quichi', xa can je ch'ajch'oj-va chach re Dios re tz'uyul chach re lok'olaj ch'acat.

Apocalipsis 14:5 Iomraidhean Croise

San Mateo 12:34

Roma c'a ri' rix ri rix cachi'el itzel tak cumütz, ¿nyixtiquer c'a nibij ri utz, tok xa ja ri itzel c'o iviq'uin? Roma jun vinük ja ri c'o pa ránima ri nbij.

San Lucas 23:4

Y c'ateri' ri Pilato xbij cheque ri más nimalüj tak sacerdotes y cheque ri ch'aka chic vinük chuka': Yin man jun ch'a'oj ninvil chirij ri jun achi re', xbij.

San Juan 1:47

Y tok ri Jesús xutz'et ri Natanael que xa napon yan apu riq'uin, xbij c'a: Titz'eta' la jun achi la'. Rija' richin vi ri rutinamit ri Dios. Rija' jun ketzij israelita, roma quiri' nuc'ut ri ruc'aslen. Man jun ch'aconic riq'uin.

Efesios 5:27

Quiri' xbün roma rurayibül vi c'a que roj ri iglesia nkujic'lun tok nkuruc'ul chila' chicaj. Y man nrajo' tüj que c'o ta jun tz'il pa tak kac'aslen. Xa nrajo' que ch'ajch'oj ri nkujapon riq'uin. Cachi'el jun tziük ri ch'ajch'oj chic, banun chic ruchojmil, y man yochoyic tüj chic.

Colosenses 1:22

Jari' ri samaj ri xbün ri Ruc'ajol ri Dios tok xpu'u chuvüch ri ruch'ulef. Xoc-vi c'a vinük cachi'el roj y xcom chuvüch ri cruz. Richin que rix ch'ajch'oj ic'aslen, manak imac y man jun itzel ntz'etetüj chivij tok nyixruya' chuvüch ri Dios.

Hebreos 9:14

Y si c'o xc'atzin-vi ri quiquiq'uel ri chico y ri quichajil, más c'a nc'atzin ri ruquiq'uel ri Cristo. Rija' ntiquer nuch'ajch'ojrisaj ri kánima riq'uin ri mac ri nc'amon-pe camic y nbün cheke que nkutiquer nkasamajij ri c'aslic Dios. Rija' man jun bey xbün tüj jun mac, y riq'uin ri ruchuk'a' ri Lok'olüj Espíritu ri c'o riq'uin chi jumul, ri Cristo xuya-vi-ri' pa camic richin xutoj ri kamac chuvüch ri Dios.

1 Pedro 1:19

Xa riq'uin ri lok'olüj ruquiq'uel ri Cristo xixcolotüj-vi-pe. Y rija' cachi'el ri ovejas ri nyesuj chin ri Dios. Ovejas ri man jun ntoc cheque y jabel ye ch'ajch'oj. Y quiri' c'a ri Cristo.

1 Pedro 2:22

Ri Cristo man jun mul vi xbün jun mac. Ni man jun mul xucusaj tüj chuka' jun tzij richin xuch'üc ta jun vinük.

1 Pedro 3:10

Y cachi'el chuka' nbij ri rutzij ri Dios ri tz'iban can. Ri chiri' nbij Si najo' jun c'aslen richin quicot, y si najo' chuka' nye'avila' k'ij juis jabel, man tacusaj ri avak' richin nabij tzij ri man ye utz tüj, ni man chuka' tacusaj ri achi' richin nabij tzij richin nabün avak'.

Judas 1:24

Y ri ka-Dios juis ruk'ij, y ntiquer nkuruchajij richin man nkutzak pa mac. Ntiquer-vi c'a nkuruchajij richin que manak kamac tok nkujapon riq'uin, y nquicot-vi ri kánima tok nkujapon riq'uin.