San Mateo 22:42 - Kaqchikel Central Guatemala

⁴² Rija' can xuc'utuj c'a chique: ¿Achique c'a nich'ob rix chirij ri Cristo? Tok rija' xtipe, ¿achok alc'ual rija'? Y ri achi'a' fariseos xquibij c'a: Richin ri rey David, xecha'.

Tuilleadh tionndaidhean

Kaqchikel Santo Domingo (Xenacoj)

⁴² ¿Achike ndinojij rix pa ruwiꞌ ri Jun nditaq pe roma ri Dios chukolik ri rutinamit? ¿Achoq riy-rumam kan, ndibꞌij rix? Y rejeꞌ xkibꞌij: Riy-rumam kan ri rey David, xechajeꞌ.

Kaqchikel Santa Maria de Jesus

⁴² ¿Chica ntiꞌan pensar ixreꞌ chirij ri Cristo? ¿Choj ralcꞌual jajaꞌ? Y ri achiꞌaꞌ fariseos xquiꞌej: Ralcꞌual ri rey David, xaꞌchaꞌ.

Kaqchiquel Bible

⁴² y xubij: ¿Achike k'a nich'ob rix chirij ri Cristo? Toq rija' xtipe, ¿achoq ijatzul kami rija'?, xcha'. Ri fariseo xkibij chi rija' rijatzul ri rey David.

Re C'ac'a Testamento pa Kach'abal

⁴² ¿Andex c'a ninojij yex chij re Cristo? ¿Anchok rajc'ual c'a reja'? Y re achi'a' fariseos xquibij: Chin re Rey David.

Kaqchikel Western Solola

⁴² ¿Achique c'a nibij riyix chrij ri Cristo? Tek Riya' xtipe, ¿achoj ralc'ual Riya'? xcha' c'a chique. Y ri achi'a' fariseos xquibij c'a: Ralc'ual ca ri rey David, xecha'.

San Mateo 22:42 Iomraidhean Croise

San Mateo 1:1

Re jun vuj re nuchop-el vave', jun vuj ri tz'ibatel-vi can ri quibi' ri rati't-rumama' ri Jesucristo. Can nik'alajin-vi c'a chi rija' can riy-rumam vi can ri rey richin ri tinamit Israel, ri xubini'aj David, y can riy-rumam can chuka' ri Abraham.

San Mateo 14:33

Y can jari' tok conojel ri e benek ri chiri' pa canoa xquiya' c'a ruk'ij ri Jesús y xquibij chire: C'a vacami c'a xkatz'et kitzij chi can ja vi rat ri Ruc'ajol ri Dios. Que c'a ri' xquibij chire.

San Mateo 21:9

Y ri vinek ri e nabey chuvech ri Jesús y ri ec'o can chirij, can riq'uin c'a ronojel cuchuk'a' niquibij: ¡Matiox chi petenek ri riy-rumam can ri rey David! ¡Rija' urtisan-pe roma ri Ajaf Dios! ¡Petenek c'a pa rubi' ri Ajaf Dios! ¡Matiox chire ri Dios ri c'o chila' chicaj! yecha' c'a.

San Mateo 22:43

Y ri Jesús xubij c'a chique: ¿Pero achique c'a roma tok ri rey David xubij Vajaf chire ri Cristo? Roma xa can xk'alajirisex chire roma ri Lok'olej Espíritu; y romari' can xubij c'a:

San Mateo 9:27

Y tok ri Jesús elenek chic c'a pe ri chiri', ec'o c'a ca'i' moyi' ri can e tzeketel chirij y riq'uin cuchuk'a' niquibij c'a chire: ¡Tajoyovaj kavech y kojato' c'a, rat ri riy-rumam can ri rey David! yecha'.

San Juan 1:49

Ri Natanael can jac'ari' xubij: Tijonel, xcha' chire. Can ja vi rat ri Ruc'ajol ri Dios. Y can ja rat ri Rey richin re tinamit Israel, xcha'.

San Juan 20:28

Y ri Tomás xubij c'a chire ri Jesús: Can jac'a rat nu-Dios yin y Vajaf yin, xcha'.

Colosenses 3:11

Y roma c'o ri c'ac'a' kac'aslen, man jun nuben chike vi oj israelitas o man oj israelitas ta. Man jun nuben chike vi banon ri circuncisiáon chike o xa man banon ta. Man jun nuben chike vi c'o juba' kak'ij o xa can manek. Man jun nuben chike vi oj ximon pa samaj o xa oj libre. Ri nic'atzin ja ri c'o Cristo pa tak kánima.