1 Corintios 9:2 - Kaqchikel Central Guatemala

² Vi chiquivech ch'aka' yin man in apóstol ta, chivech rix can man que ta ri'. Roma riq'uin ri xinimaj ri Ajaf Jesús tok yin xintzijoj chive, ja rix c'a yixbanon chi nik'alajin chi yin in jun ru-apóstol ri Ajaf.

Tuilleadh tionndaidhean

Kaqchikel Santo Domingo (Xenacoj)

² Si chake chꞌaqa ma riyin ta apóstol, chiwa rix riyin apóstol wi. Porque ri etal ri ndikꞌutu chi riyin jun apóstol, ja rix ri xe jun ibꞌanun rikꞌin ri Ajaw ri xitaqij pa iwánima.

Kaqchikel Santa Maria de Jesus

² Xa chiquivach nicꞌaj chic inreꞌ man in apóstol ta, chivach ixreꞌ can in apóstol-ve. Ruma antok inreꞌ xintzijuoj ri ruchꞌabꞌal ri Ajaf Jesús chiva, ixreꞌ can xinimaj. Jareꞌ nicꞌutu chi kꞌalaj chi inreꞌ in jun ru-apóstol ri Ajaf.

Kaqchiquel Bible

² Stape' chikiwech ch'aqa' yin man in jun ta chike ri e taqon roma ri Cristo, jak'a chiwech rix kan in keri' wi. Kan iwoma k'a rix niq'alajin chi yin kan in jun ri in taqon roma ri Cristo, roma kan xikuquba' ik'u'x rik'in rija', toq yin xintzijoj ri ruch'abel chiwe.

Re C'ac'a Testamento pa Kach'abal

² Y vo xa chiquivach nic'aj chic vinak yen man yin apóstol-ta, chivach yex can yin apóstol-va. Roma yex xinimaj re Ajaf Jesús tak yen xintzijoj chiva, mare' can xk'alajin-yan chivach che yen can yin ru-apóstol-va re Ajaf.

Kaqchikel Western Solola

² Wi chiquiwech nic'aj chic riyin ma yin ta apóstol, chiwech riyix can yin wi. Ruma tek riyin xintzijoj ri ruch'abel chiwe, riyix can xinimaj ri Ajaf, y re' can jun retal chi yin jun apóstol riche (rixin) ri Ajaf.

1 Corintios 9:2 Iomraidhean Croise

San Juan 3:33

Y ri vinek c'a ri niniman ri nuk'alajirisaj ri Jun ri petenek chila' chicaj, can nuk'alajirisaj c'a chi ri Dios can kitzij vi.

San Juan 6:27

Can quixsamej c'a, pero man richin ta chi nich'ec ri vey ri xa niq'uis. Xa can quixsamej richin nich'ec ri Vey ri jantape' c'o y nuya' ic'aslen ri man q'uisel ta. Vey ri xtinya' chive yin ri xinalex chi'icojol, roma ja yin xirutek-pe ri Nata' Dios, richin ninben re samaj re', xcha'.

Hechos 1:25

richin noc can apóstol pa ruq'uexel ri Judas, y nipa'e' chuvech ri samaj. Roma ri Judas xa xuya' can ri samaj, roma ri itzel xerubanala'. Y vacami rija' xapon yan chupan ri lugar ri ruc'amon chi napon-vi, xecha'.

1 Corintios 9:3

Y yin c'o c'a ri ninvajo' ninbij chique ri yebin chi man utz ta ri ninben.

2 Corintios 12:12

Yin can in jun apóstol vi, roma tok xinben ri samaj chi'icojol, xincoch' ronojel, xinc'ut c'a vi' chi in jun apóstol. Can c'o-vi c'a ri xenben richin chi xk'alajin chivech chi can c'o-vi ri Dios viq'uin, chi yin in jun rusamajel y can nik'alajin-vi chi queri'. Can nik'alajin-vi chupan ri nuc'aslen. Rix can xivetamaj c'a chi in rusamajel ri Dios roma q'uiy milagros ri xinbanala'.