1 Corintios 3:11 - Kaqchikel Central Guatemala

¹¹ C'o chic ri ruxe' ri jay, y ri' ja ri Jesucristo. Y can man jun chic c'a xtitiquir xtiyo'on jun chic ruxe'.

Tuilleadh tionndaidhean

Kaqchikel Santo Domingo (Xenacoj)

¹¹ Kꞌo chik ruxeꞌ ri jay riꞌ, y riꞌ ja ri Jesucristo. Y nixta jun nditiker ndujel ri ruxeꞌ ri jay chin ta xtuyaꞌ chi qa jun.

Kaqchikel Santa Maria de Jesus

¹¹ Ruma man jun chic nicovin xtiyoꞌn jun chic cimiento paroꞌ ri cꞌo, y reꞌ ja ri Jesucristo.

Kaqchiquel Bible

¹¹ Roma kan man jun chik xtitikir xtiya'on jun chik ruxe' jun jay toq xa k'o chik, y ri' ja ri Jesucristo.

Re C'ac'a Testamento pa Kach'abal

¹¹ Roma re jay c'o chic ru-cimiento, y re cimiento re' ja re Jesucristo. Y can man jun chic xtitiquir xtiyi'o jun chic cimiento.

Kaqchikel Western Solola

¹¹ C'o chic ri rucimiento ri jay, y ri' ya ri Jesucristo. Y can majun chic c'a xticowin ta xtiya'o jun chic rucimiento.

1 Corintios 3:11 Iomraidhean Croise

San Mateo 16:18

Yin ninvajo' c'a ninbij chave rat: Yin nuyo'on chic c'a jun abi'; romari' tok rat abini'an Pedro. Y ninbij chuka' chave chi pa ruvi' c'a re abej re' xtinpaba-vi ri nu-iglesia. Y man c'a xtich'acatej ta roma ri camic y roma ri etzelal.

1 Corintios 3:10

Ri Dios xuben c'a utzil chuve chi xiruya' chupan ri rusamaj. Romari' xinoc achi'el jun utzilej banoy-jay. Y tok xintzijoj ri ruch'abel ri Dios chive, jari' tok xinben ri ruxe' ri jay. Pero man yin ta c'a yipaban-el ri ch'aka' chic chire ri jay. Xa ec'o ch'aka' chic ri xquepaban ri jay. Y conojel ri xquepaban ri jay, can tiquitzu' c'a chi jebel rupabaxic tiquibana' chire.

1 Corintios 3:12

Ec'o ri can k'anapuek xtiquicusaj-el, pa ruvi' ri ruxe' ri c'o chic, richin niquiben ri jay; ec'o ri xtiquicusaj sakipuek; y ec'o ri xquequicusaj ch'aka' chic abej ri e jebel. Y ec'o ch'aka' chic ri xquepaban ri jay xa riq'uin che' y tz'alen, riq'uin q'uin y riq'uin chuka' jun chic k'ayis.

Efesios 2:20

Can ix junan c'a riq'uin jun jay; y re jay re' c'o ruxe' chupan ri ruch'abel ri Dios ri nitzijox coma ri apóstoles y ri ch'aka' chic ri yek'alajirisan ri nubij ri Dios chique. Y jac'a ri Jesucristo ri chapayon re jay re', can achi'el nuben ri abej ri nucusex chire jun jay richin man nitzak.

2 Timoteo 2:19

Jac'a roj ri kacukuban kac'u'x riq'uin ri Dios, rija' rubanon chike achi'el jun jay ri yalan utz ri ru-cimiento. Y pa ruvi' ri rutiquiribel ri jay ri' tz'ibatajinek chic can chi ri Ajaf retaman quivech ri e richin chic rija'. Y chuka' tz'ibatajinek chiri', chi conojel ri quiniman ri Ajaf, tiquich'ara-pe-qui' chire ri etzelal.

1 Pedro 2:4

Y roma c'a ri' can quixjel-apo riq'uin ri Jesucristo, roma rija' achi'el jun abej ri c'o ruc'aslen. Rija' man xucusex ta coma ri achi'a', roma xa xquetzelaj. Xa xquiben achi'el ri niquiben ri achi'a' banoy tak jay, tok man utz ta niquitz'et jun abej, niquiya' can. Y queri' xquiben riq'uin rija'. Jac'a chuvech ri Dios, ri Jesucristo can cha'on, y janíla rejkalen.