San Lucas 4:35 - Karif

³⁵ Ába ladeínjan Jesúsu lun espíritu wuríbati ligía, ába laríñagun lun. —¡Maníba, furíba lídaangiñe gürígia le! Ábati lájuchuruni espíritu wuríbati wügǘri ligía múarugun jagíbugiñe súngubei, ába láfuridun lídaangiñe, mabúleiseirunga.

San Lucas 4:35 Iomraidhean Croise

San Mateo 17:18

Ábati ladeínjan Jesúsu lun espíritu wuríbati ligía, ába láfuridagüdüni lídaangiñe lúmagiñe óra ligía, ába lareídagun irájü le.

San Mateo 8:26

Ába loúnabuniña. —¿Cásan uágu janúfudeda? ¡Loúgua tafíñen jugúya le! Ába lásaarun, ába ladeínjan lun garábali lúma barána, ába lagálumadun.

San Marcos 1:26

Ába loúwejagüdüni espíritu wuríbati gürígia ligía, ába láfuridun lídaangiñe, wágueina.

San Marcos 4:39

Ába lásaarun Jesúsu, ába ladeínjan lun garábali, ába laríñagun lun barána. —¡Maníba! ¡Derégüdaguabá! Ába lagálumadun garábali, ába darángila lan sun cátei.

San Marcos 9:26

Ába lagúaragun espíritu, ábaya loúwejagüdüni irájü ligía, ába láfuridun, ába leréderun irájü ligía camá jiláali. Sarágu jáña aríñagutiña luágu jilá lan.

San Lucas 11:22

Ánjein ñǘbin ában jéretimaati lueí ába lásiiraguni, lagídaruboun sun lárumate to uáguboun leménigida lueí, ábame lanǘgüni le labúseerun, ába lafánreinraguni jáma lumádagu.

San Lucas 4:23

Ába laríñagun Jesúsu joun. —Subúsiti nun luágu jaríñagubei lan cátei le nun. “Surúsia, agáraniguabá búngua”, jaríñaguba giñe nun. “Agáambaadiwa luágu buri cátei le adǘga báalibei Capernaúm, adǘgabeí gíñe ya bageíra.”

San Lucas 4:39

Ába lélemuchun Jesúsu tuágun, ába ladeínjan lun abíruaü, ába lagídarun abíruaü tueí. Lídan méme óra ligía ába tásaarun, ába tagúmeserun eténira joun.

San Lucas 4:41

Sarágu jaña gíñe ja gawágutiña espíritugu wuríbatiña, ába jagídarúniwa jaweí, ába buri jagúaragun ítara. —Amǘrü le Liraǘbei Búngiu. Ába ladeínjan Jesúsu joun espíritugu wuríbatiña, mígirun lumútiña lun jadímurejan, ladǘga subúdi jamúti luágu ligía lan Crístubei.

San Lucas 8:24

Ábati joúdin agágudajei Jesúsu, ába jaríñagun lun. —¡Maésturu! ¡Maésturu! ¡Wadíbiragua! Ábati lásaarun Jesúsu, ába ladeínjan lun garábali lúma lugúdi barána, ába lagálumougadun, ába darángila lan sun cátei.

San Lucas 9:39

níjein ában espíritu wuríbati luágu, dan le lárügüdüni, ába lagúaraguagüdüni, ába loúwejan, ába láfurijan jacútaü liyúmulugugiñe. Añáwurija lumúti, májati lígiruni.

San Lucas 9:42

Dán yebe le lídin irájü ligía lun, ába lájuchuruni espíritu wuríbati múarugún, ába loúwejagüdüni, ába ladeínjan Jesúsu lun espíritu wuríbati ligía, ába lareídaguagüdüni irájü, ába ledéregeruni lun lúguchi.

Apocalipsis 12:12

Gúndaalá lubeíti siélu, gúnda jumá jugúya le aganoúbei ñi. ¡Áni fugiábugu ja aganoúbaña uboúagu, lúma baránaja! Ñǘdünja Máfia júmoun láu oúnwenbun igáñi, ladǘga subúdi lumúti luágu murúsun rügáali lan lidáani.