San Juan 8:43 - Karif

⁴³ ¿Ca uágu lásiñerunbei gunfaráanda jumáni le naríñagubei? Ladǘga mabúseerun jumá jagáambuni náni ugánu.

San Juan 8:43 Iomraidhean Croise

San Mateo 13:15

ladǘga deréeru janígi, wuríbaaliti jagáambun, murúñu líña jágu, lun maríjin jumá láu, magáambun láu jarígeirugu, úa gunfaráanda jumá táu janígi, magáraragun jugúyame nun lun nareídaguagüdünün.

San Juan 5:25

Ninárün jáu luágu nítebei lan dan, áni niján dan ligía, dánme le jagáambuni jiláaña numálali, ja ñǘdünbaña láu le nubeíbei, gabágaribaña.

San Juan 5:43

Áu, lueígiñe loúbadina Núguchi niábin, áni jugúya, merésibirun jumútina, ánjein ñǘbin ámu láu láni lúngua, ligíaba jerésibira.

San Juan 6:60

Sarágu jáña jádaangiñe ja afálarubalin Jesúsu, dan le jagáambunbalin arúfudajani le, ába jaríñagun. —Cátei le laríñagubei, jénreenguti lerésibirúniwa, ¿cábasan adǘga gásu láu?

San Juan 7:17

Ánjein níjein lubeí ában le aráanseti lun ladǘgüni le labúseerubei Búngiu, lasúbudirubei ánjein lúmagiñeti lubeí Búngiu le narúfudajabei lúmoun luágu lan náni núngua nadímureja.

San Juan 8:27

Ánjein jagía, úati gunfaráanda jamáni láu luágu lan Búngiu ladímureja Jesúsu joun.

San Juan 8:33

Ába jaríñagun lun. —Linébaanfaangu Abrahám wagía, áni merédegidiwa idámunime ni ca un. ¿Ída liñáti baríñagunbei luágu furáangujadiwa lánme?

San Juan 8:39

Ába jaríñagun lun. —Abrahám wáguchibei. Ába laríñagun Jesúsu joun. —Lun jamúga inárüni lan luágu lirájüñü jumá Abrahám, jadǘgüñein jamúga le ladǘgübei.

Hechos 7:51

Ába lasígirun Estéban aríñaga joun. —Ánjein jugúya, derégubeiñóun janígi, magáambaditün lun lerérun Búngiu, ítára jíña quei ja ibídiñejabúbaña lun Búngiu. Súnwandan májatün lun Sífiri Sándu, ítara jíña quei binádu jagǘbürigu.

Romanos 3:11

úati ni ában ánjaruti lun gunfaráanda lan, úati ni ában áluajati Búngiu.