San Juan 2:2 - Karif

² amísurajoúati gíñeti Jesúsu jáu sun láni disípulugu lídoun maríei ligía.

San Juan 2:2 Iomraidhean Croise

San Mateo 12:19

Mageíndagunbei, magúaragun, mareínjabei ǘmada.

San Mateo 25:40

Ábame naríñagun joun. “Ninárün jáu, furúmieguarügü cátei le jadǘgübei lun ában jádaangiñe namúlenu, ca lan lǘnabunbei, nun méme jadǘgei.”

San Mateo 25:45

Naríñagame joun. “Ninárün jáu, luágu furúmieguarügü lan cátei le madǘgün jubeí joun gürígia, ca lan lǘnabunbei, madǘgün jumúti gíñe nun.”

San Juan 2:12

Lárigiñe cátei le, ába lídin lídoun fulásu le gíribei Capernaúm, úara túma lúguchu, lamúlenu, jáma láni disípulugu, ába jeréderun átiri wéyu ñi.

San Juan 2:17

Ábati jarítagun láni disípulugu luágu laríñawagún tídan líburu to Lerérun Búngiu. “Jángitina táu búban táu sun nanígi.”

San Juan 2:22

Ligía dan lubeí le lásaarun lídaangiñe oúweni, ába jarítagun luágu dimúrei lé meja laríñagubei, ába jafíñerun luágu sun le tídaanbei líburu to Lerérun Búngiu lúma luágu dimúrei buri lé meja laríñagubei joun.

San Juan 2:3

Ába tagúmuchun diweín, ába taríñagun lúguchu Jesúsu lun. —Gumújatia diweín.

San Juan 3:22

Lárigiñe sun cátei le, ába lídin Jesúsu jáu láni disípulugu Judéoun, ába leréderun átiri dan ñi, abásteragüdaja.

San Juan 4:2

láu sun máma lan Jesúsu abásteragüdajabaliña, lánigu abásteragüdajabaña.

San Juan 4:33

Ábati jagúmeserun disípulugu álügüdagua jámagua, ába jaríñagun. —¿Máfuna barǘjaña eígini lun?

San Juan 4:8

Añángüratí buga láni disípulugu agáñija eígini ubúrugu.

San Juan 6:12

Dan le quimúleña, ába laríñagun Jesúsu joun láni disípulugu. —Abúdaja jumeí sun le ígiragubei, mabúlegu lámuga ni cáta.

San Juan 6:16

Dan le lagúñedunbei, ába jarágachun láni Jesúsu disípulugu lárun dúna,

San Juan 6:60

Sarágu jáña jádaangiñe ja afálarubalin Jesúsu, dan le jagáambunbalin arúfudajani le, ába jaríñagun. —Cátei le laríñagubei, jénreenguti lerésibirúniwa, ¿cábasan adǘga gásu láu?

San Juan 6:66

Lúmagiñe dan ligía, sarágu jáña jádaangiñe ja afálarubalin Jesúsu, ába jígiruni, ába meíbugunjaña lan lúma.

San Juan 6:67

Ábati laríñagun Jesúsu joun dúusu disípulugu. —Ángi jugúya, ¿buséntün gíñe jídin nueí?

San Juan 6:70

Ába laríñagun Jesúsu joun. —¿Másan áu anúadajabalün dúusugubei jugúya? Láu sun líra, níjein ában jídaangiñe láni Máfia.

San Juan 6:71

Dan laríñagunbalin Jesúsu líra, luáguñein Júdas, le liraǘ Simón Iscarióte, ladǘga ligíaba lan alúgurei, láu sun ában lan jádaangiñe dúusu disípulugu ligía.

San Juan 6:8

Ábati laríñagun Andrés, ában gíñe jádaangiñe disípulugu, le lamúlen Simón Pédro, lun.

San Juan 7:3

ába jaríñagun lamúlenu lun. —Meréderabá ya, beíba Judéoun aríja jamámugei gíñe bánigu ja ñíbaña cátei lé buri badǘgübei.

Hechos 11:26

Ába jeréderun ñi jáma tílana ligílisi ában irúmu, arúfudaja joun sarágu gürígia. Ñí Antioquía lagúarúa joun afíñetiña “Cristiánugu” furúmiñe.

Hechos 11:29

Ábati joúndaragun afíñetiña ja Antioquíana lun joúnajan seínsu joun afíñetiña ja Judéabaña según le jayáraati íchiga.

1 Corintios 10:31

Ánjaün lubeíti eíga o áta o jadǘgün furúmieguarügü cátei, adǘga jumeí súngubei lídan ában luwúyeri le íchugubei inébesei lun Búngiu.

1 Corintios 7:39

Wǘri to maríeitu, lábugiñeñoun leréreejan túmari, lurúma lúrudu, sun wínwangili lan, ánjein oúwe túmari, gayáraati tamárieidun lúma le tabúseerun, afíñeti rügáali ligía luágu Crístu.

Colosenses 3:17

Furúmieguarügü cátei le jadǘga o le lan jaríñagun, adǘga jumeí lídan ában luwúyeri le íchuguti inébesei lun Wabúreme Jesucrístu, eteíngireina Búngiu Úguchili lídaangiñe Jesucrístu.

Hebreos 13:4

Buíti cátei lun jagámaridun, áni lúnti júmagua jumá darí lun joúnwen. Ja asáansijatiña jámari lagúseragüdübaña Búngiu, lagúseragüdübaña gíñe ja adǘgübaña salúfuri.

Apocalipsis 3:20

Anája bénabu, nagúajaña, le agáambuti numálali, ába lánjunrenchuni béna nubá, nebéluruba lúmoun, ábame neígin lúma, jou ligíame núma.