Machyu 7:23 - Di Nyoo Testiment eena Bileez Kriol

²³ Den Ai wahn tel dehn playn ahn schrayt, ‘Mee noh noa da hoo unu. Get fahn fronta mi, unu wikid peepl unu!’

Machyu 7:23 Iomraidhean Croise

Machyu 25:12

“Bot di groom hala bak seh, ‘Fi tel unu di chroot, mee noh noa da hoo unu!’

Machyu 25:41

“Den ih tel dehn wan weh deh pahn ih lef han said seh, ‘Unu weh deh anda Gaad kers, unu get away fahn mi! Unu gwehn eena di faiya weh wahn neva owt—da faiya weh mek fi di devl ahn fi hihn aynjel dehn.

Look 13:25

Wans di hed a di hows don get op ahn lak di doa, unu wahn lef di stan op owtsaid di nak ahn di bayg seh, ‘Laad, oapm di doa fi wi noh?’ “Bot ih wahn tel unu, ‘Mee noh noa da hoo unu er weh unu kohn fram!’

Look 13:27

“Ahn di hed a di hows wahn seh, ‘Ah don tel unu aredi, Ai noh noa unu! Get fahn fronta mi, aala unu wikid peepl unu!’

Di Gud Nyooz Bowt Jeezas Krais Weh Jan Rait 10:14

“Ai da di gud Shepad an Ah gi mi laif fi di sheep dehn. Ai noa aal hoo da mai sheep dehn, ahn dehn noa mee, jos laik how di Faada noa mee an Ai noa hihn.

2 Timoti 2:19

Bot notn noh wahn shayk di schrang fongdayshan stoan weh Gaad don mek. Ahn di werd dehn weh mi rait pahn da fongdayshan stoan seh, “Di Laad noa dehn wan weh bilangz tu hihn,” ahn “Evribadi weh seh dehn bilangz tu di Laad hafu stap du dehn wikid ting weh noh rait.”

Di Revilayshan 22:15

Bot di eevl peepl dehn weh da laik daag, dehn wahn stay owtsaida di siti. Dehndeh da dehn peepl weh di du oabya, ahn dehn wan weh di sleep rong, dehn wan weh di kil, dehn wan weh di wership aidal, ahn aala dehn wan weh lov fi tel lai ahn kip aan di lai.