Machyu 6:9 - Di Nyoo Testiment eena Bileez Kriol

⁹ “Soh den, dis da how unu fi pray tu ahn: ‘Fi wee Faada weh deh da hevn, mek wi kip yu naym hoali.

Machyu 6:9 Iomraidhean Croise

Machyu 10:29

Too lee berd oanli kaas wan sehn, bot non a dehn jrap da grong widowt yu Faada Gaad noa bowt it.

Machyu 23:9

Ahn noh kaal nobadi dong ya pahn ert unu ‘Faada’ kaa unu oanli ga wan Faada ahn hihn deh op da hevn.

Machyu 26:29

“Ah di tel unu, fahn ya goh bak Ah noh wahn jrink nohmoh wain til da day wen Ah jrink nyoo wain wid unu eena mi Faada kingdom.”

Machyu 26:42

Den ih gaahn bak wahn sekant taim ahn pray seh, “Faada, if no ada way noh deh eksep fi mek Ah jrink owta dis kop a sofarin, den Ah wahn du weh yoo waahn Ah du.”

Machyu 5:16

Jos laik dat yu fi shain yu lait fronta evribadi, soh dehn ku si di gud ting dehn weh yu du, ahn prayz yu Faada eena hevn.

Machyu 5:48

Soh unu mos bee perfek jos laik how unu Faada eena hevn perfek.

Machyu 6:14

“Soh, if unu fagiv peepl weh du unu rang, den unu Faada weh deh op da hevn wahn fagiv unu tu.

Machyu 6:6

Bot wen unu pray, goh eena unu room ahn shet di doa. Den pray tu unu Faada weh nobadi kyaahn si, ahn unu Faada weh si evriting weh hapm eena seekrit wahn riwaad unu.

Machyu 7:11

If unu weh soh wikid noa how fi gi unu pikni gud ting, den weh yu tink a yu Faada weh deh op da hevn den? Hihn wahn eevn moa glad fi gi gud ting tu enibadi weh aks ahn.

Look 15:18

Ah wahn get op ahn goh bak tu mi pa, an Ah wahn tel ahn: Pa, Ah mi sin gens Gaad an Ah sari fi weh Ah du yoo tu.

Look 15:21

“Bot di bwai tel ahn seh, ‘Pa, Ah mi sin gens Gaad an Ah sari fi weh Ah du yoo tu. Noh kaal mi yu son nohmoh kaa Ah noh gud fi notn.’

Look 2:14

“Mek di hoal werl aana Gaad, weh deh hai op eena hevn! Mek pees kohn tu evribadi pahn ert weh pleez ahn.”

Di Gud Nyooz Bowt Jeezas Krais Weh Jan Rait 20:17

Jeezas tel ahn seh, “Yu mosn hoal aan tu mi kaa Ah noh gaan op da mi Faada yet. Soh goh da mi breda dehn ahn tel dehn seh, ‘Ah gwehn op da mai Faada, weh da fi unu Faada tu, an Ah gwehn da mai Gaad, weh da fi unu Gaad tu.’”

Roamanz 1:7

Soh Ah di rait tu aala unu da Roam, unu weh Gaad lov, ahn weh hihn kaal fi bee fi hihn oan peepl dehn. Ah di pray seh dat Gaad wi Faada ahn di Laad Jeezas Krais gi unu grays ahn pees eena unu haat.

Roamanz 8:15

Kaa di spirit weh Gaad gi wi noh wahn mek wi frayd, laik how slayv frayd fi dehn maasta. Insteda dat, Gaad gi wi di Spirit weh mek wi bee Gaad pikni, ahn di Spirit gi wi di powa fi krai owt tu Gaad ahn seh, “Aba, Faada.”

Galayshanz 1:1

Dis leta da fahn mee, Paal, weh da wahn apasl. Da neva no man er no speshal groop a peepl weh pik mi fi bee wahn apasl, bot da Jeezas Krais ihself ahn Gaad di Faada, weh rayz op Jeezas fahn di ded, weh pik mi.

Galayshanz 4:6

Unu da fi hihn pikni dehn tu, ahn dats wai Gaad gi unu di Spirit a ih Son fi liv eena unu, da sayhn Spirit weh mek wi ku kaal Gaad, “Aba, Faada.”

1 Timoti 6:16

Gaad da di oanli wan weh wahn neva ded. Hihn liv eena di lait dat nobadi kud eevn geh kloas tu. Nobadi mi eva si ahn, ahn nobadi kyaahn si ahn. Mek wi gi ahn aana. Hihn ga powa fi rool fareva. Aymen.

1 Peeta 1:17

Unu seh dat Gaad da unu Faada, bot memba seh Gaad noh ga no fayvrit. Hihn wahn joj yu er ih wahn riwaad yu bai weh yu du. Soh den spen di res a yu laif ya pahn ert di aana ahn rispek ahn.

Di Revilayshan 4:11

“Wi Laad ahn wi Gaad, oanli yoo ga di rait fi geh gloari, ahn aana ahn powa, kaa yoo da di Wan weh mek evriting. Yu mek dehn ahn gi dehn laif, bikaaz yu du dat fi fi yoo oan pleja.”

Di Revilayshan 5:12

Dehn mi-di sing haad-wan seh, “Di Lam weh dehn kil ga di rait fi geh powa ahn richiz, ahn wizdom ahn schrent, ahn gloari ahn prayz!”