Machyu 6:12 - Di Nyoo Testiment eena Bileez Kriol

¹² Ahn fagiv wi fi evriting rang weh wi du jos laik how wee fagiv peepl weh du wee rang.

Machyu 6:12 Iomraidhean Croise

Machyu 26:28

Dis da fi mee blod, weh da di nyoo agreement weh Gaad mek wid ih peepl dehn. Dis blod wahn poar owt fi lata peepl soh dat Gaad ku fagiv dehn sin dehn.

Machyu 9:2

Sohn man kohn di bring wahn paralaiz man pahn wahn schrecha. Wen Jeezas si humoch fayt dehn mi ga eena ahn, ih seh tu di paralaiz man, “Noh wori, mi son. Ah fagiv yu sin dehn.”

Maak 11:25

Enitaihn yu goh fi pray, if yu ga eniting gens enibadi, yu fi fagiv dehn soh dat yu Faada weh deh op da hevn ku fagiv fi yoo sin dehn tu.

Look 11:4

Ahn fagiv wi aala di rang ting dehn weh wi du, jos laik how wee fagiv dehn wan weh du wi ting. Ahn kip wi weh fahn temtayshan.’”

Look 13:4

Ahn how bowt dehn ayteen man weh ded wen di Towa a Siloam jrap pahn dehn? Unu tink seh dehn da-mi di wos sina dehn eena Jeroosalem?

Look 6:37

“Noh joj nobadi, ahn nobadi wahn joj unu. Noh kohn dong haad pahn peepl, er els dehn wahn kohn dong haad pahn unu tu. Fagiv peepl ahn den Gaad wahn fagiv unu.

Di Aks 13:38

“Mi bradaz, unu shuda noa dat da chroo Jeezas di mesij bowt fagivnis a sin di preech tu unu.

Ifeezhanz 1:7

Da bai di blod a Jeezas Krais wi set free, ahn Gaad fagiv wi sin dehn. Di grays a Gaad reeli grayt!

Ifeezhanz 4:32

Insteda dat, unu fi du gud tu wan anada. Unu fi ga wahn waam, kain haat fi wan anada, ahn fi fagiv wan anada, jos laik how Gaad mi fagiv unu, kaaz unu bilangz tu Krais.

Koloashanz 3:13

Aalwayz bayr wid wan anada, ahn if enibadi du unu eniting, fagiv dehn; jos laik how di Laad mi fagiv unu, rait soh unu mos fagiv wan anada.