Machyu 6:10 - Di Nyoo Testiment eena Bileez Kriol

¹⁰ Kohn kohn set op yu kingdom, ahn mek evribadi obay yu pahn ert jos laik how evribadi obay yu da hevn.

Machyu 6:10 Iomraidhean Croise

Machyu 12:50

Enibadi weh du weh mi Faada eena hevn waahn da mi breda, ahn mi sista, ahn mi ma.”

Machyu 16:28

Ah di tel unu di chroot, som a unu weh di stan op rait ya soh, noh wahn ded bifoa unu si di Son a Man kohn fi rool ih kingdom.”

Machyu 26:42

Den ih gaahn bak wahn sekant taim ahn pray seh, “Faada, if no ada way noh deh eksep fi mek Ah jrink owta dis kop a sofarin, den Ah wahn du weh yoo waahn Ah du.”

Machyu 4:17

Ahn fahn da taim deh goh bak, Jeezas staat tu preech ih mesij weh seh, “Unu ton fahn unu sin dehn kaa di taim wen unu ku bee paat a di kingdom a hevn deh kloas.”

Machyu 7:21

“Da noh evribadi weh stodi di kaal pahn mi ahn seh, ‘Laad, Laad,’ wahn geh fi bee paat a di kingdom a hevn, yu noh. Da oanli dehn wan weh du weh mai Faada da hevn waahn dehn du.

Maak 11:10

Gaad bles di nyoo kingdom weh di kohn chroo wi ansesta, King Dayvid! Prayz tu Gaad eena hevn!”

Maak 3:35

Enibadi weh du weh Gaad waahn da mi breda, ahn mi sista, ahn mi ma.”

Look 19:11

Wail di peepl dehn mi-di lisn tu dis, Jeezas gaan aan fi tel dehn wahn parabl. Ih mi deh kloas Jeroosalem, ahn di peepl dehn don mi-di tink dat Gaad mi wahn kohn set op ih kingdom wen dehn reech deh.

Look 19:38

“Gaad bles di king weh kom eena di naym a di Laad.” “Hihn mek pees kohn dong fahn hevn. Mek wi aana Gaad weh deh hai op eena hevn!”

Look 22:42

“Faada, if yu waahn, pleez noh mek Ah jrink owta dis kop a sofarin. Bot Ai wahn du wateva yoo waahn, noh weh Ai waahn.”

Di Gud Nyooz Bowt Jeezas Krais Weh Jan Rait 4:34

Jeezas seh, “Da jos laik food tu mee wen Ai di du weh Gaad waahn Ai du. Da hihn da di Wan weh sen mee, an Ai hafu finish weh hihn sen mi fi du.

Di Gud Nyooz Bowt Jeezas Krais Weh Jan Rait 6:40

Aala dehn wan weh si di Son ahn bileev eena ahn wahn liv wid Gaad fareva; an Ai wahn rayz dehn op fahn di ded pahn Jojment Day. Dat da weh mi Faada waahn.”

Di Gud Nyooz Bowt Jeezas Krais Weh Jan Rait 7:17

If unu reeli waahn obay Gaad, den unu wahn noa weda er nat di ting dehn weh Ai di teech da fahn Gaad er da fi mee oan ting.

Di Aks 13:22

Den afta ih moov Saal, ih put Dayvid az dehn king. Dis da weh Gaad seh bowt Dayvid: ‘Ah fain seh dat Dayvid, weh da Jesi son, da di kaina man weh kloas tu mi haat bikaa hihn wahn du aal weh Ah tel ahn fi du.’

Di Aks 21:14

Wen wi si dat wi kudn chaynj ih main, wi giv op ahn seh, “If da di Laad wil, wel mek ih bee soh.”

Di Aks 22:14

“Den Ananaiyas eksplayn tu mi seh, ‘Di Gaad a mi ansesta dehn pik yoo fi noa fi hihn wil ahn fi si di Raichos Wan, ahn fi yehr di veri werd dehn fahn ih mowt.

Roamanz 12:2

Unu mosn stan laik dehn peepl eena dis werl ataal. Noh du weh dehn du. Insteda dat, unu mos mek Gaad chaynj di way unu tink soh dat evriting weh unu du wahn chaynj. Den dat wahn mek unu noa weh Gaad waahn, weh gud, ahn weh wahn pleez hihn, ahn yu wahn noa egzakli how yu shuda liv.

Ifeezhanz 6:6

Soh unu noh fi werk gud oanli wen unu maasta di wach unu, jos soh dat dehn kud prayz unu. Bot bikaaz unu da wahn slayv a Krais, unu fi du weh Gaad waahn wid aala unu haat.

Koloashanz 1:13

Kaa Gaad don pul wi fahn owta wi sinful way weh mi ga powa oava wi ahn weh mek wi liv eena daaknis. Ahn Gaad don bring wi sayf fi liv eena ih Son kingdom, ih Son weh ih lov.

Koloashanz 1:9

Dat da wai wi neva stap pray fi unu fahn di fos day wi mi yehr bowt unu. Az a mata a fak, wi aalwayz pray seh dat Gaad wahn shoa yu evriting ih waahn yu du, ahn dat yu wahn ga aal di wizdom ahn andastandin weh di Spirit gi.

1 Tesaloanyanz 4:3

Gaad waahn unu bee hoali, soh unu fi kip weh fahn aal sin weh ga fi du wid seks.

1 Tesaloanyanz 5:18

Noh kay weh hapm, yu fi aalwayz tel Gaad tanks bikaaz unu da wan wid Krais Jeezas. Dis da weh Gaad waahn yu fi du.

Heebrooz 1:14

Yu si, di aynjel dehn da spirit ahn dehn dehdeh fi serv Gaad. Gaad di sen dehn fi help dehn wan weh hihn wahn sayv.

Heebrooz 10:36

Bot unu haftu heng een deh, soh dat wen unu don du weh Gaad waahn unu du, unu wahn geh weh ih pramis unu.

Heebrooz 10:7

Soh den Ah seh, ‘Si, Gaad, Ai kohn fi du weh yoo waahn, jos laik weh rait dong bowt mi eena di Skripcha.’”

Heebrooz 13:21

Ah di pray dat Gaad gi unu evri gud ting weh unu need fi du weh ih waahn unu du. An Ah di pray dat Gaad mek di powa a Jeezas Krais werk eena unu soh dat unu ku du weh pleez hihn. Mek di peepl gi gloari tu Jeezas Krais fareva ahn eva! Aymen.

1 Peeta 2:15

Gaad waahn yu du weh gud soh dat yu ku shet op dehn man weh no noa notn ahn laik taak schupidnis.

1 Peeta 4:2

Fahn ya goh bak, yu mos liv di res a yu laif ya pahn ert ahn du weh Gaad waahn yu du, noh weh yoo feel fi du.

Di Revilayshan 11:15

Den di aynjel weh mek nomba sebm bloa ih chrompit. An Ah yehr wahn lata vais eena hevn di hala haad seh, “Wi Laad ahn ih Krais, ih ga di powa fi rool now oava di werl. Ahn hihn wahn rool fareva ahn eva!”

Di Revilayshan 12:10

Den Ah yehr wahn lowd vais di hala eena hevn seh, “Di taim wen Gaad wahn sayv ih peepl kohn now! Gaad wahn shoa ih powa ahn rool now ahn bee King oava aal di werl! Ahn Krais di Mesaiya weh Gaad sen wahn rool wid atariti! Kaa di wan weh doz stan fronta Gaad day ahn nait, di taak seh dat wee bradaz ahn sistaz du bad tingz, don geh pich dong fahn owta hevn.

Di Revilayshan 19:6

Den Ah yehr sohnting laik di lowd showt a wahn big krowd, laik wen lata waata di ron faas ahn laik wen tonda di roar lowd. Di vais dehn di seh, “Halelooya! Di Laad wi Gaad Almaiti, da hihn di rool az king!

Di Revilayshan 20:4

Den Ah si sohn chroan ahn dehn wan weh mi-di sidong pahn dehn. Dehn mi ga di atariti fi joj peepl. An Ah si di soal dehn a dehn peepl weh mi don geh kil. Dehn mi geh dehn hed kot aaf bikaaz dehn mi tel di chroot bowt Jeezas ahn di Werd a Gaad. Dehn peepl weh mi geh kil, dehn neva did wership di bees ner ih stachu, ahn dehn neva geh ih maak pahn dehn hed ner dehn han. Now Ah si dehn geh laif bak ahn dehn rool wid Krais fi wan towzn yaaz.