Machyu 5:6 - Di Nyoo Testiment eena Bileez Kriol

⁶ Gaad bles dehn wan weh hongri fi du weh rait, kaa hihn wahn satisfai dehn.

Machyu 5:6 Iomraidhean Croise

Look 1:53

Dehn hongri beli wan, ih gi dehn nof gud ting fi eet, bot di rich wan dehn, ih sen dehn weh wid dehn too lang han di heng dong da dehn said.

Look 6:21

Gaad bles unu weh hongri now; kaa unu beli wahn geh ful. Gaad bles unu weh di krai now; kaa unu wahn laaf.

Look 6:25

Unu een fi big chrobl, unu wan hoofa beli ful rait now, kaa unu wahn geh hongri. Unu een fi chrobl, unu wan weh di laaf rait now, kaa unu wahn put unu han pahn unu hed ahn baal!

Di Gud Nyooz Bowt Jeezas Krais Weh Jan Rait 4:14

Bot dehn wan weh jrink fahn di waata weh Ai wahn gi dehn noh wahn geh tersti nohmoh. Di waata weh Ai wahn gi dehn wahn di gosh op eena dehn jos laik dehn waata spring weh di waata neva stap. Disya waata wahn gi dehn reel laif weh wahn neva en.”

Di Gud Nyooz Bowt Jeezas Krais Weh Jan Rait 6:27

Noh bada kil op unuself di werk fi food weh wahn soon spail; insteda dat, werk fi di food weh wahn mek unu liv wid Gaad fareva. Da di Son a Man wahn gi unu da food deh kaa Gaad, weh da mai Faada, don shoa seh dat hihn pleez wid mee.”

Di Gud Nyooz Bowt Jeezas Krais Weh Jan Rait 7:37

Pahn di laas day a di selibrayshan weh da-mi di bigis day, Jeezas stan op ahn ih hala owt, “Enibadi weh tersti, mek dehn kohn tu mi ahn jrink.

Di Revilayshan 7:16

Dehn noh wahn geh hongri nohmoh, ahn dehn noh wahn geh tersti agen. Di son noh wahn bon dehn op. Ahn no heet noh wahn du dehn no damij.