Machyu 5:25 - Di Nyoo Testiment eena Bileez Kriol

²⁵ “If yu enimi di kehr yu da koat fi sohnting, setl unu ting kwik-wan bifoa unu get deh. Adawaiz, ih mait haal yu fronta di joj, ahn den di joj wahn mek polees pich yu eena jayl.

Machyu 5:25 Iomraidhean Croise

Machyu 26:58

Bot Peeta mi-di fala ahn fahn faar, ahn ih gaahn rait op tu di hai prees yaad. Aftawodz ih gaan eensaid ahn sidong wid di gyaad dehn kaa ih mi waahn si weh mi wahn hapm.

Look 18:3

Wahn wido mi liv da da sayhn siti ahn ih stodi mi-di kohn da di joj ahn di tel ahn seh, ‘Ah waahn jostis gens mi enimi.’

2 Korintyanz 6:2

Kaa Gaad seh, “Wen di rait taim kohn, Ah lisn tu yu, ahn wen di day fi mek Ah sayv yu kohn, Ah wahn help yu.” Lisn tu mi; now da di rait taim. Tudeh da di day fi mek peepl geh sayv!

Heebrooz 12:17

Unu noa dat aftawodz ih mi waahnt it bak kaa ih mi waahn ih pa blesin. Bot notn neva deh weh Eesaa kuda mi du, eevn doa ih baal ahn baal kyaahn don, ahn bayg ih pa. No amonk a sari neva werk. Ih mi tu layt.

Heebrooz 3:13

Unu mos inkorij wan anada evri day, wail da stil “tudeh” soh dat sin noh fool non a unu ahn mek unu ton gens Gaad.

Heebrooz 3:7

Soh den, jos laik weh di Hoali Spirit seh, “Tudeh, if unu yehr Gaad vais,