Machyu 3:3 - Di Nyoo Testiment eena Bileez Kriol

³ Dis da di mesinja weh Aizaiya di prafit mi rait bowt wen ih seh, “Hihn da di vais weh di hala owt eena di dezert di seh, ‘Unu geh redi fi wen di Laad kohn, ahn mek di road dehn schrayt far ahn.’”

Machyu 3:3 Iomraidhean Croise

Maak 1:3

“Hihn da di vais weh di hala owt eena di dezert di seh, ‘Unu geh redi fi wen di Laad kohn, ahn mek di road dehn schrayt far ahn.’”

Look 1:17

Jan wahn dehdeh bifoa di Laad kohn, ahn ih wahn ga di sayhn spirit ahn powa weh di prafit Ilaija mi ga, ahn ih wahn mek di pa dehn haat geh saaf tuwaadz dehn pikni agen. Ahn dehn wan weh mi haad-ayz ahn weh mi ton weh fahn Gaad wahn si sens ahn chaynj dehn wayz ahn liv laik how gud peepl sopoas tu liv. Aala dis mi fi hapm fi geh di peepl dehn redi fi wen di Laad kohn.”

Look 1:76

Mi lee son, dehn wahn kaal yu wahn prafit a di moas hai Gaad, bikaa yoo gwehn heda di Laad fi mek di way redi far ahn.

Di Gud Nyooz Bowt Jeezas Krais Weh Jan Rait 1:23

Wel, Jan tel dehn egzakli weh Aizaiya di prafit mi seh bowt hihn. Ih seh, “Ai da di vais weh di hala owt eena di dezert di seh, ‘Mek di road dehn schrayt fi wen di Laad kohn.’”