Machyu 28:2 - Di Nyoo Testiment eena Bileez Kriol

² Sodn-wan di ert staat tu shayk haad-wan, ahn wahn aynjel fahn di Laad kohn dong fahn hevn ahn ih roal weh di stoan fahn fronta di toom ahn sidong pan it.

Machyu 28:2 Iomraidhean Croise

Machyu 27:60

Ih put it fi lidong eena fi hihn oan nyoo toom weh ih mi dig owta wahn raki hil. Ahn den ih tek wahn big big stoan ahn roal it fronta di hoal, ahn den ih gaan.

Machyu 27:66

Soh dehn gaahn da di toom ahn seel it op tait, ahn dehn lef sohn soalja fi gyaad it.

Di Gud Nyooz Bowt Jeezas Krais Weh Jan Rait 20:1

Soon-wan Sondeh maanin, wen ih mi stil daak, Mayri Magdaleen gaahn da di toom ahn noatis seh di stoan mi don moov fahn fronta di oapnin.

Di Aks 16:26

Sodn-wan wahn seeryos ertwayk shayk di jayl rait dong tu di fongdayshan. Sayhn sayhn taim aala di doa dehn oapm op ahn aala di chayn dehn jrap aafa aala di prizna dehn.

Di Aks 5:19

Bot joorin di nait wahn aynjel fahn Gaad kohn oapm di doa a di jayl ahn bring dehn owt. Afta ih bring dehn owt, ih tel dehn seh,

1 Timoti 3:16

Dis da di seekrit bowt wi fayt, ahn nobadi kyaahn aagyu gens it: Krais kom eena di werl az wahn hyooman. Gaad Spirit proov seh dat hihn mi raichos. Di aynjel dehn si ahn. Peepl mi tel bowt ahn eena aal di difrent nayshan dehn. Eena di werl lata peepl bileev eena ahn. Ahn Gaad tek ahn op tu hevn.

1 Peeta 1:12

Bot Gaad tel di prafit dehn seh dat weh dehn di rait bowt da noh fi fi dehn benifit, bot da fi unu. Dehn mi taak bowt dehn tingz weh now unu di yehr fahn dehn wan weh di preech di Gud Nyooz chroo di powa a di Hoali Spirit weh kohn fahn hevn. Dehnya da tingz weh eevn di aynjel dehn wuda laik fi noa bowt.

Di Revilayshan 11:19

Den di doa fi Gaad templ eena hevn oapm op. Ahn eensaid yu kuda mi si di hoali baks weh hoal di agreement weh Gaad mek wid ih peepl. Den Ah si laitnin staat tu flash ahn tonda staat tu roal. Den wahn big ertwayk shayk di ert ahn sohn big haylstoan staat tu jrap.