Machyu 27:4 - Di Nyoo Testiment eena Bileez Kriol

⁴ “Ah du wahn terabl sin bikaa Ah sel owt sohnbadi weh noh du notn rang ataal.” Dehn luk pan ahn, ahn dehn seh, “Weh dat ga fi du wid wee? Dat da fi yoo prablem.”

Machyu 27:4 Iomraidhean Croise

Machyu 27:19

Wail Pailat mi dehdeh di joj Jeezas kays, ih waif sen wahn mesij weh seh, “Noh ga notn fi du wid da man weh inosent, kaa Ah mi ga wahn bad bad jreem bowt hihn, ahn ih bada mi hoal day.”

Machyu 27:54

Wen di aami aafisa ahn dehn wan weh mi-di gyaad Jeezas si di ertwayk ahn aal weh mi-di hapm, dehn mi fraitn bad ahn dehn seh, “Dis man da-mi Gaad Son fi chroo!”

Look 23:22

Fi di terd taim Pailat aks dehn seh, “Wai? Ih komit eni kraim? Ai noh ga no reezn fi paas wahn det sentens pahn dis man. Soh Ah wahn mek dehn flag ahn, ahn den Ah wahn let ahn goh.”

Look 23:41

Wee di geh egzakli weh wee joo sayka weh wee du, bot dis man noh du notn rang.”

Look 23:47

Di aami aafisa weh mi-di stan op deh si evriting weh mi hapm, ahn ih staat tu prayz Gaad. Ih seh, “Dis da-mi wahn gud man fi chroo.”

Di Gud Nyooz Bowt Jeezas Krais Weh Jan Rait 19:7

Di Jooish leeda dehn ansa ahn seh, “Akaadn tu fi wee Laa, ih fi put tu det kaa hihn klaym seh dat hihn da Gaad Son.”

Di Aks 13:28

Ahn eevn wen dehn kudn fain no reezn fi gi ahn di det sentens, dehn stil aks Pailat fi put ahn tu det.

Roamanz 3:19

Soh den, wi noa dat evriting weh eena di Jooish Laa di taak tu dehn peepl weh sopoas tu liv akaadn tu da Laa deh, soh dat nobadi kyaahn seh dat dehn noh noa weh da di rait ting fi du. Ahn soh aal di peepl dehn eena di hoal werl wahn hafu ansa tu Gaad fi weh dehn du.

1 Timoti 4:2

Dehn hipokrit wahn di teech peepl lata lai. Da laik dehn kanshans bon wid wahn hat aiyan ahn ih noh feel notn nohmoh.

Taitos 1:16

Dehn seh dehn noa Gaad, bot di ting dehn weh dehn di du shoa dat dehn noh noa ahn ataal. Dehn wikid, ahn dehn noh pay no main tu weh Gaad tel dehn fi du. Dehn noh fit fi du notn gud.

Heebrooz 7:26

Jeezas da di kaina hai prees weh wi need, kaa hihn hoali ahn inosent, ahn nobadi kyaahn fain no faalt wid ahn, ahn ih noh ga no sin eena ahn ataal. Gaad set hihn wan said fahn aal sinaz, ahn gi ahn di haiyis plays a aana eena hevn.

1 Peeta 1:19

Ih pay fi yu wid di preshos blod a Krais, di Lam a Gaad weh neva ga no sin ahn neva ga no spat er maak pan ahn.

1 Jan 3:12

Wi noh fi bee laik Kayn, weh mi bilangz tu di eevl wan ahn merda ih breda. Ahn wai ih mi merda ahn? Kaa evriting weh Kayn mi du mi eevl, ahn evriting weh ih breda mi du mi rait eena Gaad sait.

Di Revilayshan 11:10

Di peepl eena di werl wahn rijais wen di too prafit dehn ded. Dehn wahn selibrayt ahn dehn wahn gi wan anada gif, bikaaz di too prafit dehn mi mek dehn sofa tu moch.