Machyu 27:3 - Di Nyoo Testiment eena Bileez Kriol

³ Wen Joodas, di wan weh mi sel owt Jeezas, si dat dehn mi wahn kil Jeezas, ih mi oanli feel bad. Soh ih gaan ahn ih kehr bak di terti pees a silva da di cheef prees ahn di Jooish leeda dehn, ahn ih seh,

Machyu 27:3 Iomraidhean Croise

Di Gud Nyooz Bowt Jeezas Krais Weh Jan Rait 13:2

Eevn bifoa dehn gaahn fi eet di speshal Paasoava dina, di devl mi don rab Joodas soal fi mek ih sel owt Jeezas. Dis da di sayhn Joodas weh da-mi Saiman Iskariyat son.

Di Gud Nyooz Bowt Jeezas Krais Weh Jan Rait 13:27

Az soon az ih don gi ahn di pees a bred, Saytan gaan eena Joodas. Jeezas tel ahn seh, “Mikays, goh du weh yu gwehn goh du.”

Di Gud Nyooz Bowt Jeezas Krais Weh Jan Rait 18:3

Wel, Joodas hihn gaahn da di gyaadn ahn kehr sohn Roaman soalja wid ahn. Di cheef prees dehn ahn di Farisee dehn sen sohn templ gyaad lang wid ahn tu. Aala dehn mi-di kehr lamp ahn toach ahn difrent kaina wepan.

Di Aks 1:18

(Dis man Joodas mi bai wahn pees a lan wid di blod moni weh ih get. Rait deh ih jrap ahn ded, ahn ih badi bos oapm ahn aala ih gots kom owt.

2 Korintyanz 7:10

Wen Gaad mek sohnbadi sari, ih mek dehn haat chaynj ahn den dehn ton fahn dehn sin dehn ahn geh sayv. Ah noh sari bowt dat. Bot wen yu sari laik how di peepl eena dis werl mek yu feel sari, ahn noh ton fahn yu sin dehn, ih oanli wahn leed tu spirichwal det.