Machyu 23:16 - Di Nyoo Testiment eena Bileez Kriol

¹⁶ “Unu een fi big chrobl. Unu sopoas tu leed ada peepl bot unu unuself blain. Unu tel peepl dat if dehn sway ‘bai di templ,’ dehn noh hafu kip dehn oat; dehn oanli hafu kip it if dehn sway ‘bai di goal eena di templ.’

Machyu 23:16 Iomraidhean Croise

Machyu 15:14

Lef dehn loan; dehn da jos sohn gaid weh blain. Ahn if wahn man weh blain leed rong wahn nada blain man, den too a dehn wahn jrap eena hoal.”

Machyu 23:13

“Bot unu teecha a di Laa ahn unu Farisee, unu een fi big chrobl. Unu hipokrit unu! Da unu kip bak peepl fahn get eena di kingdom a hevn. Unu unuself noh gwehn een, ahn unu noh waahn nobadi els goh een needa.

Machyu 23:17

Unu blain fool unu! Wich wan grayta, di goal er di templ weh mek di goal hoali?

Machyu 23:19

Unu blain, sa! Wich wan grayta, di gif er di alta weh mek di gif hoali?

Machyu 23:24

Unu da sohn blain gaid. Unu schrayn owt wahn lee flai owta unu jrink, bot unu wahn swala wahn hoal kyamil!

Machyu 23:26

Unu blain Farisee unu! Kleen di eensaid a di kop fos, den di owtsaid wahn kleen tu.

Galayshanz 5:3

Ai di seh dis agen tu enibadi weh mek dehn serkomsaiz dehn: if dehn du dat, den dehn wahn hafu mek shoar dat dehn kip evri singl wan a di laa dehn.

Jaymz 5:12

Ahn moa dan eva, mi bradaz ahn sistaz, unu noh fi sway—noh bai hevn ner bai ert ner bai notn ataal. Aal unu hafu seh da wahn playn “yes” er “no,” er els Gaad wahn joj unu.