Machyu 2:2 - Di Nyoo Testiment eena Bileez Kriol

² “Wehpaa di baybi deh weh baan weh da king a di Jooish peepl dehn? Wen wi mi deh da fi wee konchri, wee si di staar weh da-mi di sain dat hihn mi wahn baan, soh wi kohn kohn wership ahn.”

Machyu 2:2 Iomraidhean Croise

Machyu 2:3

Wen King Herod yehr dis, hihn ahn aala di teecha dehn a di Laa ahn evribadi da Jeroosalem staat tu wori fi chroo chroo.

Machyu 21:5

“Tel di peepl a Jeroosalem: ‘Luk deh! Unu king di kohn tu unu. Luk how ih soh hombl, di raid pahn wahn dongki, wahn lee yong dongki.’”

Machyu 27:11

Now Jeezas stan op fronta Pailat, weh da-mi di govna, ahn Pailat aks ahn seh, “Yoo da di king a di Jooz?” Ahn Jeezas ansa seh, “Yu rait wen yu seh dat.”

Look 19:38

“Gaad bles di king weh kom eena di naym a di Laad.” “Hihn mek pees kohn dong fahn hevn. Mek wi aana Gaad weh deh hai op eena hevn!”

Look 2:11

Tudeh tudeh, rait ya da King Dayvid tong, wahn Sayvya jos baan. Hihn da di Laad, di Krais weh Gaad mi pramis fi sen.

Look 23:3

Soh Pailat aks Jeezas seh, “Yoo da di king a di Jooz?” Jeezas ansa seh, “Yu rait wen yu seh dat.”

Look 23:38

Wahn sain mi deh oava ih hed weh seh: DIS DA DI KING A DI JOOZ.

Di Gud Nyooz Bowt Jeezas Krais Weh Jan Rait 1:49

Natanyel tel Jeezas seh, “Teecha, yoo da Gaad Son fi chroo. Yoo da di king a Izrel.”

Di Gud Nyooz Bowt Jeezas Krais Weh Jan Rait 12:13

Soh dehn tek sohn paam branch ahn gaahn gaahn meet ahn. Dehn mi-di hala, “Hozaana! Gaad bles di Wan weh kom eena di naym a di Laad! Hozaana tu di king a Izrel!”

Di Gud Nyooz Bowt Jeezas Krais Weh Jan Rait 18:37

Pailat aks Jeezas seh, “Soh yoo da wahn king den?” Jeezas ansa seh, “Yu rait wen yu seh dat. Ai baan ahn kom eena dis werl fi wan reezn: fi taak bowt di chroot. Ahn evribadi weh lov di chroot lisn tu weh Ai seh.”

Di Gud Nyooz Bowt Jeezas Krais Weh Jan Rait 19:19

Pailat mek dehn put wahn sain pahn di kraas weh seh: JEEZAS FAHN NAZARET, DI KING A DI JOOZ.

Di Gud Nyooz Bowt Jeezas Krais Weh Jan Rait 20:28

Tamas seh, “Mi Laad ahn mi Gaad!”

Di Gud Nyooz Bowt Jeezas Krais Weh Jan Rait 9:38

Di man seh, “Laad, Ah bileev.” Ahn ih staat tu wership Jeezas.

Heebrooz 1:6

Gaad Son mi deh eevn bifoa eniting mi mek, ahn wen ih mi-di sen ahn eena di werl, Gaad tel aala ih aynjel dehn seh, “Aala unu mos wership mi Son.”

Di Revilayshan 22:16

“Ai da Jeezas, ahn da mee sen mi aynjel fi goh ahn tel unu dehn ting deh soh dat unu ku tel it tu di cherch dehn. Ai da di Wan weh da King Dayvid grayt, grayt, gran-pikni. Ai da di brait maanin staar.”