Machyu 11:25 - Di Nyoo Testiment eena Bileez Kriol

²⁵ Sayhn taim Jeezas seh, “Faada, yoo weh da di Laad a hevn ahn ert, Ah prayz yu kaa yu neva mek dehn wan weh ejukaytid ahn tink dehn soh smaat andastan aala dehn ting weh Ah jos tel mi disaipl dehn. Insteda dat, yu shoa it tu dehn wan weh hombl jos laik lee pikni.

Machyu 11:25 Iomraidhean Croise

Machyu 16:17

Ahn Jeezas ansa ahn seh, “Saiman, weh da Joana son, Gaad bles yu! Kaa da noh no hyooman been mek yoo noa dat, bot da mai Faada eena hevn.

Machyu 21:16

Soh dehn seh tu Jeezas, “Yoo yehr weh dehnya pikni di seh?” Ih ansa dehn seh, “Yes, ahn unu neva reed wehpaa di Skripcha seh, ‘Gaad chrayn pikni ahn eevn lee yong baybi fi prayz ahn?’”

Look 22:42

“Faada, if yu waahn, pleez noh mek Ah jrink owta dis kop a sofarin. Bot Ai wahn du wateva yoo waahn, noh weh Ai waahn.”

Look 23:34

Ahn Jeezas seh, “Faada, fagiv dehnya peepl kaa dehn noh noa weh dehn di du.” Ahn di soalja dehn gyambl fi si how dehn mi wahn shayr op ih kloaz monks dehn.

Di Gud Nyooz Bowt Jeezas Krais Weh Jan Rait 11:41

Soh dehn moov di rak. Jeezas luk op eena hevn ahn seh, “Faada, Ah tank yu dat yu don yehr mi.

Di Gud Nyooz Bowt Jeezas Krais Weh Jan Rait 12:27

“Now mi haat hevi, hevi, bot Ah kyaahn aks mi Faada fi sayv mi fahn di sofarin weh deh heda mi, kaa dat da egzakli weh Ah kohn fa.”

Di Gud Nyooz Bowt Jeezas Krais Weh Jan Rait 12:28

Den Jeezas seh, “Faada, mek dehn si how wandaful yu naym.” Den wahn vais kohn fahn owta hevn ahn seh, “Ah don mek dehn si how wandaful mai naym aredi, an Ah wahn du it agen.”

Di Aks 17:24

“Hihn da di Wan weh mek di werl ahn evriting weh eena it, ahn bikaa hihn da di Laad a hevn ahn ert, hihn noh liv eena no templ weh hyooman han mek.

1 Korintyanz 2:10

Bot wi noa dehnya ting kaa Gaad mek ih Hoali Spirit shoa dehn tu wi. Gaad Spirit saach owt evriting, eevn aal di seekrit ting dehn bowt Gaad.

2 Korintyanz 3:14

Bot jos laik how Moaziz fays mi kova op, sayhn way, da jos laik di peepl a Izrel dehn main mi kova oava wid wahn vayl, soh dat dehn noh andastan di chroot bowt di Laa wen dehn reed it. Oanli wen dehn bileev eena Krais da vayl ku geh tek weh fahn aafa dehn main.