Machyu 11:16 - Di Nyoo Testiment eena Bileez Kriol

¹⁶ “Da weh Ah ku tel unu dis jenarayshan stan laik? Dehn da jos laik sohn pikni weh di sidong eena wahn poblik maakit skwyaa di hala tu wan anada seh,

Machyu 11:16 Iomraidhean Croise

Machyu 11:15

Eni a unu weh ga ayz fi yehr, unu lisn gud!

Machyu 11:17

‘Wi play floot fi unu ahn unu neva daans. Wi sing ded sang ahn unu neva baal.’

Machyu 12:34

Unu da snayk ahn unu pa dehn da-mi snayk tu! How unu weh soh wikid ku eva seh eniting gud? Wateva unu haat ful op wid, dat da weh wahn kom owta unu mowt.

Machyu 23:36

Ah di tel unu di chroot, aala dis wahn kohn pahn dis jenarayshan.

Machyu 23:7

Ahn dehn laik wen peepl hayl dehn op wen dehn waak owta tong, ahn dehn laik wen dehn kaal dehn ‘Teecha.’

Machyu 24:34

Ah di tel unu di chroot, di peepl dehn fahn dis jenarayshan noh wahn ded owt til aala dehnya ting don hapm.

Maak 12:38

Ahn ih teech dehn lat moa ting tu. Ih tel dehn seh, “Wach owt fi dehn wan weh teech di Laa! Dehn laik waak rong eena lang roab, ahn dehn laik wen evribadi hayl dehn op owta schreet.

Maak 4:30

Den Jeezas seh, “Weh deh weh Ah ku tel unu Gaad kingdom stan laik? Er weh parabl Ah ku yooz?

Look 11:43

“Unu Farisee, unu een fi big chrobl. Unu lov fi kak op rait da front seet da di sinagag dehn ahn unu lov wen peepl hayl unu op owta schreet, wen unu di waak owta tong.

Look 13:18

Den Jeezas seh, “Now, da weh Ah ku tel unu Gaad kingdom stan laik? Wich lee stoari Ah ku tel fi shoa unu?