Machyu 10:2 - Di Nyoo Testiment eena Bileez Kriol

² Dehnya da di naym a di twelv apasl dehn: fos yu mi ga Saiman, weh dehn yoostu kaal Peeta, ahn fi hihn breda weh nayhn Anjru; ahn Jaymz ahn Jan, weh da-mi Zebidee too son dehn.

Machyu 10:2 Iomraidhean Croise

Machyu 17:1

Siks dayz afta dat, Jeezas kehr Peeta ahn Jaymz ahn fi hihn breda weh nayhn Jan op pahn wahn hai mongtin; oanli dehn wan mi deh op deh.

Machyu 20:20

Den Zebidee waif kohn tu Jeezas wid ih too son dehn, Jaymz ahn Jan, ahn ih neel dong fronta ahn, ahn aks ahn fi du ahn wahn fayva.

Machyu 26:37

Ih kehr Peeta ahn Zebidee too son dehn lang wid ahn, ahn ih staat tu feel sad sad ahn ih haat geh hevi hevi.

Machyu 4:18

Ahn wail Jeezas mi-di waak lang di waatasaid da Gyalilee, ih si Saiman, weh dehn mi kaal Peeta, ahn ih breda weh nayhn Anjru. Dehn mi-di chroa owt wahn net eena di lagoon kaa dehn da-mi fishaman.

Machyu 4:21

Wahn lee wayz ferda, Jeezas si too moa breda weh mi nayhn Jaymz ahn Jan. Dehn mi-di sidong eena wahn boat, lang wid dehn pa weh nayhn Zebidee, di fiks dehn fishin net. Jeezas kaal dehn tu,

Maak 1:29

Az soon az dehn lef di meetn plays, Jeezas, Jaymz ahn Jan gaahn da Saiman ahn Anjru hows.

Maak 13:3

Layta Jeezas mi-di sidong pahn di hil weh nayhn di Mongt a Alivz faysn di templ. Peeta, Jaymz, Jan, ahn Anjru aks ahn praivit-wan seh,

Maak 6:30

Now di twelv disaipl weh Jeezas mi sen owt gyada rong ahn, ahn ripoat bak tu ahn bowt aal weh dehn mi du ahn weh dehn mi teech.

Look 11:49

Sayka weh Gaad waiz ahn noa evriting, hihn kuda mi seh, ‘Ah wahn sen sohn prafit ahn mesinja tu dehn, ahn dehn wahn kil sohn ahn haraas di res.’

Look 22:14

Wen di taim kohn, Jeezas ahn ih apasl dehn mi deh rong di taybl.

Look 22:8

Soh Jeezas sen Peeta ahn Jan hed, ahn ih tel dehn seh, “Goh hed ahn set op fi mek wi eet di Paasoava dina.”

Look 5:10

Ih paadna dehn, weh mi nayhn Jaymz ahn Jan, weh da-mi Zebidee son dehn, mi sopraiz bowt it tu. Ahn Jeezas seh tu Saiman, “Noh frayd. Fahn ya goh bak, insteda kech fish, yu wahn kech peepl fi Gaad.”

Look 9:10

Wen di apasl dehn kohn bak, dehn tel Jeezas bowt evriting weh dehn mi du. Den ih slip weh wid dehn ahn gaahn da wahn tong weh nayhn Betsayda fi bee bai dehnself.

Di Gud Nyooz Bowt Jeezas Krais Weh Jan Rait 12:22

Filip gaahn tel Anjru weh dehn seh, ahn den di too a dehn gaahn tel Jeezas.

Di Gud Nyooz Bowt Jeezas Krais Weh Jan Rait 13:23

Now di disaipl weh Jeezas mi lov mi-di sidong rait saida ahn.

Di Gud Nyooz Bowt Jeezas Krais Weh Jan Rait 20:2

Soh ih ron gaahn da Saiman Peeta ahn di ada disaipl, di wan weh Jeezas mi lov, ahn tel dehn seh, “Dehn moov di Laad badi fahn owta di toom, ahn wee noh noa wichpaa dehn put ahn.”

Di Gud Nyooz Bowt Jeezas Krais Weh Jan Rait 21:2

Saiman Peeta ahn Tamas, hoofa niknaym da-mi di Twin, ahn Natanyel, weh kohn fahn Kayna da Gyalilee, ahn Zebidee too son dehn, lang wid too moa a Jeezas disaipl dehn, mi meet op deh.

Di Gud Nyooz Bowt Jeezas Krais Weh Jan Rait 21:20

Peeta ton rong ahn si di disaipl weh Jeezas mi lov di fala dehn. Da mi di sayhn disaipl weh mi leen kloas tu Jeezas wen dehn mi-di eet tugeda. Hihn mi aks Jeezas seh, “Laad, da hoo wahn sel yu owt?”

Di Gud Nyooz Bowt Jeezas Krais Weh Jan Rait 21:24

Dis da di disaipl weh mi si aala dehn ting ahn rait dehn dong, ahn wee noa dat aal weh ih mi rait dong da-mi chroo.

Di Gud Nyooz Bowt Jeezas Krais Weh Jan Rait 6:67

Soh Jeezas aks di twelv disaipl dehn, “Unu waahn goh tu?”

Di Gud Nyooz Bowt Jeezas Krais Weh Jan Rait 6:70

Jeezas ansa dehn seh, “Da mee miself mi pik di twelv a unu, ahn wan a unu da devl!”

Di Gud Nyooz Bowt Jeezas Krais Weh Jan Rait 6:71

Ih mi-di taak bowt Joodas weh da-mi Saiman Iskariyat son. Hihn stil mi wahn sel owt Jeezas eevn doa ih da-mi wan a di twelv apasl dehn.

Di Gud Nyooz Bowt Jeezas Krais Weh Jan Rait 6:8

Wan a Jeezas disaipl nayhn Anjru, weh da-mi Saiman Peeta breda, seh tu ahn,

Di Aks 1:13

Wen dehn reech bak, dehn gaan opstayz da di room weh dehn mi-di stay. Dehnya da aal hoo mi dehdeh: Peeta, Jan, Jaymz, Anjru, ahn Filip, ahn Tamas, Bartalamyoo, Machyu, ahn Jaymz, weh da-mi Alfyos son; den yu mi ga Saiman weh da-mi wahn memba a di Zelat Paati, ahn Joodas, weh da-mi Jaymz son.

Di Aks 1:26

Den dehn jraa lat, ahn fahn dat Mataiyas naym geh pik owt fi jain di ada ilebm apasl dehn.

Di Aks 12:2

Ih staat wid Jaymz weh da Jan breda, ahn ih gi aadaz fi mek dehn kil ahn wid wahn soad.

Di Aks 3:1

Wahn day, Peeta ahn Jan mi gwehn eena di templ rong chree aklak di aftanoon, weh da mi di set taim fi pray.

1 Korintyanz 15:7

Afta dat, ih apyaa tu Jaymz; den ih apyaa tu aal di apasl dehn.

Ifeezhanz 4:11

Da hihn gi gif tu peepl. Ih pik sohn peepl fi bee apasl, ahn sohn fi bee prafit, ahn som a dehn ivanjelis. Ih pik sohn fi bee paasta ahn teecha.

Heebrooz 3:1

Soh den, mi bradaz ahn sistaz, Gaad kaal unu fi bee fi hihn hoali peepl. Tink bowt Jeezas, weh Gaad sen fi bee fi wee apasl ahn di hai prees weh wi seh wi bileev eena.

1 Peeta 1:1

Dis leta da fahn mee, Peeta, weh da wahn apasl a Jeezas Krais. Ah di rait dis leta tu aala di peepl dehn weh Gaad pik weh di liv laik aylyan aal oava di ayrya weh dehn kaal Pontus, Galaysha, Kapadosha, Aysha ahn Bitinya.

2 Peeta 1:1

Dis leta da fahn mee, Saiman Peeta, weh da wahn servant ahn wahn apasl a Jeezas Krais. Ah di rait dis leta tu aala unu weh shayr di sayhn preshos fayt weh wi gat; dis da fayt weh Jeezas Krais, wi Gaad ahn Sayvya, gi wee kaa hihn da di Wan weh mek wi rait wid Gaad.

2 Jan 1:1

Dis leta da fahn mee, Jan, weh da di elda eena di cherch. Ah di rait dis leta tu wahn speshal laydi ahn ih pikni dehn weh Ah oanli lov. Ahn da noh mee wan lov unu, bot da evribadi weh noa di chroot, lov unu tu.

3 Jan 1:1

Dis leta da fahn mee, Jan, weh da di elda eena di cherch. Ah di rait tu mi dyaa fren Gaiyos weh Ah oanli lov.

Di Revilayshan 1:1

Dis da di vizhan weh Gaad shoa Jeezas Krais, ahn weh Jeezas shoa di peepl dehn weh di serv Gaad, soh dat Jeezas ku mek dehn wan weh di du ih werk noa dehn ting weh wahn hapm soon. Jeezas sen ih aynjel tu Jan, weh mi-di werk far ahn, ahn ih mek di aynjel shoa Jan dehn ting ya.

Di Revilayshan 1:9

Ai da Jan, unu brada. Aala wi di fala Jeezas tugeda. Wi sofa kaa Jeezas da fi wee king, bot Gaad gi wi di schrent fi bayr it. Ahn soh wi mek Jeezas Krais rool oava wi. Bikaaz Ai mi tel peepl bowt di Werd a Gaad ahn di chroot bowt Jeezas, dehn pich mi pahn di ailan weh nayhn Patmos.

Di Revilayshan 18:20

Soh den, mek aala hevn rijais. Mek Gaad peepl dehn, ih apasl dehn, ahn ih prafit dehn rijais tu! Gaad don joj Babilan fi di bad ting dehn weh ih mi du.”

Di Revilayshan 22:8

Mee, Jan, da di wan weh yehr dehn ting deh. Ah si dehn wid mi oan aiy. Ahn wen Ah yehr ahn si dehn, Ah get dong fronta di aynjel weh mi-di shoa mi dehn ting deh fi wership ahn.