Jaymz 5:6 - Di Nyoo Testiment eena Bileez Kriol

⁶ Unu kandem ahn merda inosent peepl, ahn stil dehn noh di fait bak.

Jaymz 5:6 Iomraidhean Croise

Machyu 21:38

“Bot cho! Wen di faama dehn si di oana son di kohn, dehn seh monks dehnself, ‘Dis da di wan weh wahn inherit evriting. Mek wi kil hihn, den evriting wahn bee fi wee.’

Machyu 27:20

Bot di cheef prees ahn di Jooish leeda dehn set op di krowd fi aks fi Baraabas ahn mek dehn kroosifai Jeezas.

Machyu 5:39

Bot now Ai di tel unu noh fi pay peepl bak wen dehn du yu sohnting. If sohnbadi slap yu pahn di rait said a yu fays, ton yu fays mek dehn slap yu pahn di ada said tu.

Di Aks 22:14

“Den Ananaiyas eksplayn tu mi seh, ‘Di Gaad a mi ansesta dehn pik yoo fi noa fi hihn wil ahn fi si di Raichos Wan, ahn fi yehr di veri werd dehn fahn ih mowt.

Di Aks 7:52

Dehn mi ga eni prafit weh dehn neva chreet laik daag? Dehn kil aala di mesinja dehn weh Gaad sen, weh fahn lang taim mi anonks dat fi hihn Raichos Servant mi-di kohn. Ahn now unu sel ahn owt ahn merda ahn.

Di Aks 8:32

Di paat a di Skripcha weh di man mi-di reed da-mi dis paat ya: “Dehn kehr ahn sayhn laik wen dehn di kehr sheep fi kil, ahn jos laik how wahn lam kwaiyet wen dehn di kot aaf ih wul, sayhn way hihn neva oapm ih mowt.

Heebrooz 10:38

Ai, Gaad, wahn aksep mi peepl dehn weh raichos sayka dehn fayt; bot Ah noh wahn pleez wid nobadi weh ton bak.”

Jaymz 2:6

Bot unu disrispek dehn poa peepl! Da noh di rich peepl dehn weh di chaans unu op? Da noh dehn weh di haal unu da koat?

Jaymz 4:2

Unu waahn sohnting bot unu kyaahn get it, soh unu merda wan anada. Unu tu red aiy ahn grabalishos, bot unu stil kyaahn geh weh unu waahn. Soh unu kwaaril ahn fait op monks unuself laik pus ahn daag. Unu noh gat kaa unu noh aks Gaad.

1 Peeta 4:18

“If di peepl weh raichos oanli get weh bai di skin a dehn teet, weh yu tink wahn hapm tu di sina dehn ahn dehn wan weh noh ga no rispek fi Gaad?”