Jaymz 4:17 - Di Nyoo Testiment eena Bileez Kriol

¹⁷ Enibadi weh noa di rait ting fi du, ahn dehn noh du it, dehn di sin dehn soal.

Jaymz 4:17 Iomraidhean Croise

Di Gud Nyooz Bowt Jeezas Krais Weh Jan Rait 13:17

Unu noa dehnya ting, soh du dehn, ahn Gaad wahn bles unu.

Di Gud Nyooz Bowt Jeezas Krais Weh Jan Rait 15:22

Yu si, if Ah neva kohn ahn taak tu dehn, den dehn neva mi wahn gilti a du notn rang, bot now dehn noh ga no ekskyooz fi dehn rangdooinz.

Di Gud Nyooz Bowt Jeezas Krais Weh Jan Rait 9:41

Jeezas tel dehn seh, “If unu mi blain, den unu wudn gilti a no sin. Bot laik how unu seh, ‘Wee ku si,’ dat meen unu stil gilti a unu sin.”

Roamanz 1:32

Dehn noa dat Gaad Laa seh dat peepl weh du dehn kaina ting dizerv fi ded. Stilyet, dehn kip aan di du dehn ting, ahn pahn tap a dat, dehn inkorij ada peepl fi du dehn tu.

Roamanz 7:13

Dat meen dat di Laa weh gud mek Ah ded? Neva! Di Laa neva du dat; da sin du dat. Sin tek di Laa weh gud fi kil mi soh dat peepl wahn noa jos weh da sin, kaa di Laa seh wi noh fi sin. Dat mek sin wosa dan eva.

2 Peeta 2:21

Ih wuda mi beta if dehn mi neva noa di rait way fi liv ataal, dan fi noa it ahn den ton dehn bak pan it, ahn pahn di komanment dehn weh hoali.