Jaymz 2:12 - Di Nyoo Testiment eena Bileez Kriol

¹² Unu mos taak ahn ak laik peepl weh noa dehn wahn geh joj bai di way dehn lov wan anada. Dat da di Laa weh set wi free.

Jaymz 2:12 Iomraidhean Croise

Look 4:18

“Gaad Spirit deh pahn mi, sayka weh ih pik mi fi preech di Gud Nyooz tu di poa peepl dehn. Ih sen mi fi tel di prizna dehn dat dehn wahn free, ahn fi tel blain peepl dat dehn wahn si. Ahn aala unu weh dehn chaans op wahn geh free.

Di Gud Nyooz Bowt Jeezas Krais Weh Jan Rait 8:32

Unu wahn noa di chroot bowt Gaad, ahn da sayhn chroot wahn mek unu free fi chroo.”

Galayshanz 6:2

Unu mos bak wan anada load eena unu chroblz. Wen unu du dat, unu wahn di obay di komanment weh Jeezas Krais gi unu.

Filipiyanz 4:8

Ahn now mi bradaz ahn sistaz, dehnya da di laas ting dehn weh Ah waahn seh tu unu. Eniting weh aanis ahn chroo, eniting weh gud, eniting weh rait, eniting weh kleen, eniting weh lovli, eniting weh gud fi unu admaiya—if dehnya reeli gud nof fi unu prayz Gaad fa—dehndeh da di kaina ting weh unu mos aalwayz di tink bowt.

Koloashanz 3:17

Ahn evriting weh unu du er seh, unu fi du it eena di naym a di Laad Jeezas, ahn unu mos gi tanks tu Gaad di Faada chroo Jeezas.

Jaymz 1:25

Bot unu mos kip di stodi di perfek Laa a Gaad, di Laa weh gi yu freedom. If yu yehr it ahn memba it ahn du weh ih seh, Gaad wahn bles yu eena weh yu du.

Jaymz 2:8

Now, unu di du di rait ting if unu reeli di obay da wan perfek komanment eena di Skripcha weh seh, “Lov yu nayba jos laik how yu lov yuself.”