Jaymz 1:26 - Di Nyoo Testiment eena Bileez Kriol

²⁶ If unu tink dat unu da cherch peepl ahn stil kyaahn hoal unu tong, unu di fool unuself ahn unu rilijan noh gud fi notn.

Jaymz 1:26 Iomraidhean Croise

Machyu 15:9

Dehn wership noh meen notn tu mi kaa dehn di teech fi dehn oan roolz, weh dehn mek op laik ih kohn fahn Gaad.’”

Maak 7:7

Dehn wership noh meen notn tu mi kaa dehn di teech fi dehn oan roolz, weh dehn mek op laik ih kohn fahn Gaad.’

Look 8:18

Soh main how unu lisn kaa evribadi weh don ga wahn geh moa, ahn fi dehn wan weh noh ga notn, eevn di lee bit weh dehn tink dehn ga wahn geh tek weh fahn dehn.”

1 Korintyanz 15:15

Ahn eevn moa dan dat, ih wuda meen dat wee di lai bowt Gaad, kaa wi mi seh ih don mek Krais rayz op bak fahn di ded wen ih neva rayz fi chroo, if di ded noh wahn rayz op agen.

1 Korintyanz 15:2

Da sayka da sayhn mesij unu di geh sayv if unu hoal aan tu it—anles unu mi bileev fi notn.

1 Korintyanz 3:18

Noh mek non a unu fool unuself. If eni a unu tink seh unu waiz akaadn tu di peepl dehn eena dis werl, unu beta bee wahn fool ahn put weh unu oan wizdom soh dat unu ku bee waiz fi chroo.

Galayshanz 2:6

Bot az fi dehn wan weh sopoas tu bee di leeda dehn (ih noh mata tu mee wan way er di ada weh dehn kaal dehn, kaa Gaad noh kansida nobadi beta dan di neks), dehn neva ga wan ada ting fi ad tu weh Ai mi-di preech.

Galayshanz 2:9

Eevn Jaymz ahn Peeta ahn Jan, weh da-mi di moas impoatant cherch leeda dehn, mi riyalaiz dat Gaad mi bles di werk weh Ah mi-di du; soh dehn shayk han wid mee ahn Baanabas fi shoa seh dat aala wi shayr wi laif tugeda. Dehn mi agree dat mee ahn Baanabas mi fi goh preech tu dehn peepl weh da noh Joo, ahn dehn mi fi goh tu di Jooz dehn.

Galayshanz 3:4

Soh aala dehn ting weh unu ekspeeryens neva meen notn? Dehn mos mi meen sohnting.

Galayshanz 6:3

If enibadi tink seh hihn soh impoatant dat hihn kyaahn help owt sohnbadi els, den hihn oanli di fool ihself.

Ifeezhanz 4:29

Unu noh fi seh notn hatful weh noh wahn du nobadi no gud. Insteda dat, unu fi seh werdz weh wahn help ada peepl soh dat unu werdz wahn bil dehn op, akaadn tu weh dehn need fi yehr. Eena da way, unu wahn bee wahn blesin tu peepl weh di yehr unu.

Ifeezhanz 5:4

Ahn ih noh rait fi unu taak bad tingz, er kos bad wod, er tel doti joaks. Insteda dat, unu shuda tel Gaad tanks fi weh ih du fi unu.

Koloashanz 4:6

Wen unu di taak wid dehn, taak tu dehn eena wahn nais ahn inchrestin way weh wahn mek dehn waahn yehr moa. Ahn yu wahn kohn fi noa how fi gi di rait ansa tu evribadi.

Jaymz 1:19

Unu noa dis mi bradaz ahn sistaz: Eech wan a unu shuda hori fi lisn. Tek yu taim bifoa yu taak, ahn noh hori fi geh beks.

Jaymz 1:22

Bot now, unu noh fool unuself ahn jos lisn tu di Werd a Gaad. Du weh ih seh fi du!

Jaymz 2:20

Yoo fool-fool man. Yoo waahn mek Ai shoa yu dat fayt widowt akshan noh gud fi notn?

1 Peeta 3:10

Ih rait eena di Skripcha seh, “If unu waahn fi mek unu laif hapi ahn liv wahn gud laif, yu noh fi taak bad tingz, ahn yu noh fi tel no lai.