Jaymz 1:22 - Di Nyoo Testiment eena Bileez Kriol

²² Bot now, unu noh fool unuself ahn jos lisn tu di Werd a Gaad. Du weh ih seh fi du!

Jaymz 1:22 Iomraidhean Croise

Machyu 12:50

Enibadi weh du weh mi Faada eena hevn waahn da mi breda, ahn mi sista, ahn mi ma.”

Machyu 28:20

ahn teech dehn fi du evriting weh Ah tel unu. Ah wahn aalwayz deh wid unu eevn op tu di en a di werl.”

Look 11:28

Bot Jeezas ansa ahn seh, “Yes, bot dehn wan weh yehr di Werd a Gaad ahn du weh ih seh stil moa bles dan dat.”

Di Gud Nyooz Bowt Jeezas Krais Weh Jan Rait 13:17

Unu noa dehnya ting, soh du dehn, ahn Gaad wahn bles unu.

Roamanz 2:13

Jos kaa dehn don yehr weh di Laa seh, dat noh mek dehn rait wid Gaad. Dehn wan weh du weh di Laa seh, da dehn stan rait eena Gaad sait.

1 Korintyanz 15:33

Noh mek nobadi fool unu. Bad kompni spail gud karakta.

1 Korintyanz 3:18

Noh mek non a unu fool unuself. If eni a unu tink seh unu waiz akaadn tu di peepl dehn eena dis werl, unu beta bee wahn fool ahn put weh unu oan wizdom soh dat unu ku bee waiz fi chroo.

1 Korintyanz 6:9

Unu noh noa seh dat aala dehn wikid peepl noh wahn ga no paat eena Gaad kingdom? Noh fool unuself. Aala dehn wan weh wership aidal, ahn dehn peepl weh sleep rong, ahn weh cheet pahn dehn waif er dehn hozban, ahn dehn man weh sleep wid nada man,

Galayshanz 6:3

If enibadi tink seh hihn soh impoatant dat hihn kyaahn help owt sohnbadi els, den hihn oanli di fool ihself.

Galayshanz 6:7

Noh mek nobadi fool unu: nobadi kyaahn tek Gaad mek papishoh. Eniting weh yu soa, yu wahn reep.

Filipiyanz 4:8

Ahn now mi bradaz ahn sistaz, dehnya da di laas ting dehn weh Ah waahn seh tu unu. Eniting weh aanis ahn chroo, eniting weh gud, eniting weh rait, eniting weh kleen, eniting weh lovli, eniting weh gud fi unu admaiya—if dehnya reeli gud nof fi unu prayz Gaad fa—dehndeh da di kaina ting weh unu mos aalwayz di tink bowt.

Koloashanz 3:17

Ahn evriting weh unu du er seh, unu fi du it eena di naym a di Laad Jeezas, ahn unu mos gi tanks tu Gaad di Faada chroo Jeezas.

2 Timoti 3:13

Sayhn taim, wikid peepl ahn dehn wan weh di lai, weh di mek peepl tink seh dehn gud, wahn geh eevn wos. Dehn wahn fool plenti peepl, ahn dehn dehnself di geh fool op tu.

Taitos 3:3

Bikaaz wee yoostu bee schupid tu; wi neva obay Gaad, ahn wi neva pay ahn no main. Wi da-mi slayv tu evriting weh wi ga di feelin fi du ahn weh gi wi pleja. Wi liv wi laif di hoal malis ahn di red wi aiy aafa weh peepl ga. Peepl doz hayt wi ahn wee doz hayt dehn.

Jaymz 1:26

If unu tink dat unu da cherch peepl ahn stil kyaahn hoal unu tong, unu di fool unuself ahn unu rilijan noh gud fi notn.

Jaymz 4:11

Mi bradaz ahn sistaz, unu mosn slanda wan anada. Kaa wen unu di taak bowt wan anada, er joj wan anada, unu di taak gens di Laa a Gaad ahn unu di joj it. If unu di joj di Laa, den unu noh reeli di kip it, ahn unu di mek unuself di joj.

Jaymz 4:17

Enibadi weh noa di rait ting fi du, ahn dehn noh du it, dehn di sin dehn soal.

2 Peeta 2:13

Sayka weh dehn mi mek peepl sofa, dehn wahn sofa tu ahn geh pay bak fi weh dehn du. Eevn eena di day taim, dehn laik fi ga wail paati, ahn du eniting dehn feel laik wid dehn badi. Dehn da wahn shaym ahn disgrays wen dehn kohn tugeda wid yu fi eet, ahn sayhn taim, dehn hapi bikaaz a di way dehn di fool unu.

1 Jan 1:8

If wi seh wi noh ga no sin, wi oanli di fool wiself, ahn wi noh ga di chroot eena wi haat.

1 Jan 2:3

Now di way how wi ku shoar dat wi noa hihn, da if wi obay di komanment dehn weh ih gi wi.

1 Jan 3:7

Unu weh da mi lee pikni dehn, noh mek nobadi fool unu. Evribadi weh du weh rait, dehn raichos eena Gaad sait sayhn laik how Jeezas raichos.

3 Jan 1:11

Soh, mi dyaa fren, yu noh fi falafut weh bad, bot yu fi falafut weh gud. Enibadi weh du gud bilangz tu Gaad; enibadi weh du bad neva si Gaad yet.

Di Revilayshan 12:9

Soh Maikl ahn fi hihn aynjel dehn chroa da big jragan fahn owta hevn. Hihn da di oal snayk weh dehn kaal di devl, er Saytan, weh fool op aal di peepl eena di werl. Maikl ahn ih aynjel dehn pich ahn dong pahn di ert, wid aal ih aynjel dehn.

Di Revilayshan 22:7

Jeezas seh, “Lisn tu mi! Ah di kohn soon! Ah wahn bles dehn wan fi chroo weh du dehn tingz ya weh rait dong eena dis buk bowt weh wahn hapm.”