Filipiyanz 4:2 - Di Nyoo Testiment eena Bileez Kriol

² Ah bayg Yoodyas ahn Sintiki fi stap kwaaril ahn chrai fi gree wid wan anada bikaa unu da wan wid di Laad.

Filipiyanz 4:2 Iomraidhean Croise

Maak 9:50

“Saalt da wahn gud ting, bot if ih noh tays saalti nohmoh, da how yu wahn mek it saalti agen? Soh mek shoar unu stay saalti, ahn liv eena pees wid wan anada.”

1 Korintyanz 1:10

Mi bradaz ahn sistaz, Ah di bayg unu, bai di atariti a di naym a wi Laad Jeezas Krais, fi mek unu gree wid wan anada soh dat unu noh ga no divizhan monks unu. Unu fi bee wan eena di way unu tink, ahn eena weh unu du.

Filipiyanz 3:16

Bot di moas impoatant ting da fi mek wi liv op tu weh wi don laan aredi.

1 Tesaloanyanz 5:13

Chreet dehn wid lata rispek ahn lov bikaaz a di werk weh dehn du. Ahn memba fi liv eena pees wid wan anada.

Heebrooz 12:14

Chrai fi liv eena pees wid evribadi, ahn du unu bes fi liv wahn hoali laif, kaa widowt dat nobadi noh wahn si Gaad.