Filipiyanz 2:3 - Di Nyoo Testiment eena Bileez Kriol

³ Unu mosn du notn owta selfishnis er praid. Unu sopoas tu bee hombl ahn unu noh fi tink dat unu beta dahn enibadi els.

Filipiyanz 2:3 Iomraidhean Croise

Look 18:14

Jeezas seh, “Ah tel unu, wen di taks kalekta gaahn hoahn, hihn mi stan gud wid Gaad, bot noh di ada wan. Unu si, enibadi weh prayz op dehn oanself wahn geh bring dong. Ahn enibadi weh hombl dehnself wahn geh big op.”

Roamanz 12:10

Unu fi lov wan anada laik peepl weh bilangz tu di sayhn famili. Ahn unu fi bee hapi fi aana unu bradaz ahn sistaz moa dan how unu aana unuself

Roamanz 13:13

Mek wi liv wahn kleen laif laik peepl weh deh eena di daylait. Wi noh fi liv wahn loos laif ahn sleep rong. Wi noh fi bee jronkad. Wi noh fi di goh da no wail paati ahn du aala dehn kaina eevl ting dehn. Wi noh fi fait wid peepl er red wi aiy aafa weh dehn ga.

Roamanz 2:8

Bot ada peepl jos di liv fi dehnself. Dehn noh waahn obay di chroot; dehn oanli waahn du weh rang, ahn Gaad wahn shoa dehn how ih beks wid dehn fi chroo, ahn ih wahn ponish dehn bad.

1 Korintyanz 15:9

Kaa Ai da di lees a aal di ada apasl dehn. Ai noh eevn fit fi mek dehn kaal mee wahn apasl, kaa Ai mi mek di peepl a Gaad sofa.

1 Korintyanz 3:3

Unu kip aan di liv laik dis werl di kanchroal unu. Unu waahn weh ada peepl ga ahn unu aagyu wid wan anada ahn noh gree wid wan anada. Unu da jos laik peepl eena dis werl fi chroo.

2 Korintyanz 12:20

Ah frayd dat wen Ah kohn si unu Ah noh wahn laik how Ah fain unu, ahn unu noh wahn laik how Ai handl unu. Ah frayd dat Ah wahn fain lata kwaaril, ahn jelosi, ahn tempa di flai, selfishnis, ahn slanda, gasip, ahn praid, ahn peepl di goh aan disaadali.

Galayshanz 5:15

If insteda shoa lov, unu di bait op ahn tayr op wan anada laik wail animal, den unu beta main unu noh en op di dischrai wan anada.

Galayshanz 5:26

Noh mek wi geh prowd ahn di ron gens wan anada ahn di jelos wan anada.

Ifeezhanz 4:2

Unu noh fi tink dat unu moa beta dan sohnbadi els. Noh bee rof wid peepl, bot ga payshens wid dehn. Shoa yu lov ahn ga payshens wid wan anada.

Ifeezhanz 5:21

Unu fi put wan anada fos, bikaaz da way deh unu aana Krais.

Filipiyanz 2:14

Unu fi du evriting widowt di komplayn ahn aagyu,

Koloashanz 3:12

Gaad pik unu fi bee fi hihn oan speshal peepl dehn weh hoali, ahn weh hihn lov, soh mek unu haat goh owt tu wan anada; unu fi kain ahn hombl, unu fi chreet wan anada gud, ahn ga payshens wid wan anada.

Koloashanz 3:8

Bot now unu mos stap du dehn tingz deh. Unu mos stap geh beks eezi. Unu mos stap hayt peepl an stap du eevl. Unu mos stap insolt ahn slanda peepl ahn stap kos bad wod.

1 Timoti 6:4

Dehn tu prowd, ahn dehn noh andastan notn. Dehn jos laik aagyu ahn fait oava werdz. Ahn dat bad, bikaaz dat di mek peepl jelos wan anada. Ih mek dehn aagyu ahn taak bad bowt wan anada, ahn mek dehn tink seh ada peepl waahn du dehn bad tingz.

1 Peeta 3:8

Di laas ting Ah ga fi tel unu da dis: Aala unu mos ga di sayhn tinkin ahn kansaan fi wan anada. Unu fi lov wan anada laik breda ahn sista, ahn unu fi kain ahn hombl tu wan anada.

1 Peeta 5:5

Sayhn way soh, unu yonga peepl fi obay unu eldaz. In fak, aala unu mos hombl unuself ahn serv wan anada. Kaa di Skripcha seh, “Gaad fait gens dehn wan weh prowd, bot ih help dehn wan weh hombl.”