Rut 3:7 - A Slurlka Aa Langinka Ama Iameska

⁷ Baip ma Boas ka mes de qa srup be vereset, de maikka ama arias per a qa. De qa mit be sever ama buremka aa gari nama bali. De qa mas ip ke braing. Baiv aa de ma Rut kia ra qat mit sagel ka be qia mer ama pulagitki naver aa ailaing be quri nget sena. De qia mas gel aa ailaing.

Rut 3:7 Iomraidhean Croise

1 Korin 10:31

Dai aip ngen dres dap kua ngene srluup dap kua ngene tekmet ne a qerang nanaa, dai maikka mager ip ngene taqa tekmet niirang ip mager iv ama qaqet tet lu de ra taarl ne ama Ngemumaqa aa rlenki.

Epasas 5:18

De qula ngene srluuv ama qerlap ama dlek pem nget ip ngene kabaing. I diip taqurla be liina ngere lenges na ngen. Dap maikka mager iv a ngen a ding se ama Qevepka ama Glasingaqa ip ke buup ngen na nas.

Rut 3:6

Taqura de ma Rut kia mir iasai sagel ai de re uaming ama bali de ra tat per a nget tama qetdeng de re ru na nget. De qattikka qia rekmet taqura ip taquar ara reveski qia ruqun a qi.

Rut 3:8

Baip miasaivuk samen ama arenki de vuktik pet ma Boas masair i ai de qe braing, de qe guirtik per anas, dai ngemer a qa i qa lu ama nanki i qia mas gel aa ailaing.