Ma Luk Aa Lengi Sevet Ma Iesus Kristus 5:1 - A Slurlka Aa Langinka Ama Iameska

¹ Per iaq ama nirlaqa de ma Iesus ka maarl dengerlking per ama ngaingmaqa ama qerlapka aam ma Ganasaret. De ama qaqet i buup na ra re ngingdemna ver a qa, i re narliip te narli ama Ngemumaqa aa lengi.

Ma Luk Aa Lengi Sevet Ma Iesus Kristus 5:1 Iomraidhean Croise

Ma Mak Aa Lengi Sevet Ma Iesus Kristus 3:9

Pet lungera ama niirl dai buup ne ama arlem per a ra, dai maget na ra navet ma Iesus aa dlek. De buup ne ama arlem per a ra dai re narliip ta tu araa ngerik pet ma Iesus. De ma Iesus ka ruqun aa risura ip ta ruvem ne ama siviini ama giliini. I qe narliip ka rugun dem iini i raquarli buup ne ama qaqet ta rarlis ka, de re main met na qa.

Matiu 14:34

Baiv aa de ra merarlik men ama qerlapka be ra mit sa dengerlking pet ma Ganasaret.

Ma Mak Aa Lengi Sevet Ma Iesus Kristus 6:53

Baiv aa de baing se ra ver ama qerlingki ma Ganasaret tuarl ne ama serlegeska ma Galili. De ra mu ama siviini mer ama basiska.

Matiu 11:12

Ianai navet lungera ama niirl i murl kurli ma Jon per a nget be deng iara, dai ai de ama qaqet i re dlek ip tat dan iasai sagel ama Ngemumaqa i qe uas. De lura i ama rasmes-pem-ta dai re narliip te taneng a qi.

Ma Luk Aa Lengi Sevet Ma Iesus Kristus 12:1

De qatias buup ne ama tausen ne ama qaqet i ra iing demna. I maikka buup na ra be ren binmes per a na. Dav as nauirl iv aiv aa de ma Iesus ka taqen per ama qaqet dai qa ruqun aa risura ma’, “Ngenet lu riq ama Parasiqena araa tekmeriirang ama kaaqiirang i ai de iirang ngere riirl ip taquarl ama Yis i ai de ra tu nget pe ama bret ip ngere riirl.

Ma Mak Aa Lengi Sevet Ma Iesus Kristus 5:24

De ma Iesus ke ne are mam ian mit. De buup ne ama qaqet ta tit naser a qa be ra iing demna ver a qa.

Ma Luk Aa Lengi Sevet Ma Iesus Kristus 8:45

De ma Iesus ka ruqun ma’, “Nemka qa raneng men a ngua?” De ra mai ra ruqun ma’, “Ngua dai quasik tem ngua.” De ma Pita qa ruqun ma’, “Gua Barlka, katias buup ne ama qaqet i ra iingmirlek na ngi, be qatias pesdet na ra ver a ngi.”

Ma Mak Aa Lengi Sevet Ma Iesus Kristus 4:1

De saqiaskerlka ma Iesus ka maarl de qe su ama qaqet dengerlking per ama qerlapka aam ma Galili. De buup ne iari ra men, be ra iing demna ver a qa. Be raqurla be vesdet pet ma Iesus. De qa meranas sede ama siviini. De qa mugun mer iini de nakka qa aang iviit na dengerlking. Dap buup ne ama qaqet i ra mugun dengerlking.

Ma Luk Aa Lengi Sevet Ma Iesus Kristus 5:2

De qa lu ama siv-iiram, i iiram nge maarl ver ama qerlapka aam. I lura i ai de re sem serlik te ama lubi dai ra aang nadem iiram be ra qukmes te araa segen.

Ma Luk Aa Lengi Sevet Ma Iesus Kristus 8:22

De ver iaq ama nirlaqa de ma Iesus ka sik sede ama siviini qe ne aa risura. De qa ruqun na ra ma’, “Diiv uur iit saver ama serlegeska aam tuarl.” De raqurla de ra mit.

Ma Luk Aa Lengi Sevet Ma Iesus Kristus 8:23

Be lua i ama siviini nge tit se ra, dai ma Iesus ke brlaing. De ama laurlka ama slurlka qa maarl ne ama qerlapka. Be ama siviini dai ama qares ip buupbuuv iini ne ama qerlap be ama qares ip lenges lenges na ra.

Ma Luk Aa Lengi Sevet Ma Iesus Kristus 8:33

De lungera ama iaus nge mit nevet luqa, be nge mit nge man sev ama velam. De lungera ama velam dai nger qiuaik slep de nger kabaing. De nge meriirl ne ama damini, be nge aat pe ama qerlapka ama serlegeska. Be nget mai a nger a gukguk mer ama qerlap be nge ngip.

Ma Jon Aa Lengi Sevet Ma Iesus Kristus 1:40

I iak never a iam i aa rlenki ma Endru, i aa qelatka ma Saimon Pita. I iane narli gel ma Jon de ian mit naser Iesus.

Ma Jon Aa Lengi Sevet Ma Iesus Kristus 6:1

Be nakka aip laip de ma Iesus ka merarlik men ama serlegeska ma Galili. (I ai de ama Romkena ra tis luqa ama serlegeska ma’, ‘Taibirias.’)

Hibru 13:7

De quasik mager ip ngerlangken per a ngen ne lura i maikka ra arlma i re ruirl se ngen. De ra su ngen te ama Ngemumaqa aa Lengi. De mager ip ngen dru a ngen a qevep sever araa mugunes aip murl kurli ra nanaa. De mager ip ngen druaqen ta i ngen diit kur araa tuaqevep.