Jems 5:19 - A Slurlka Aa Langinka Ama Iameska

¹⁹ Gua rluaviq, ariq aiv iak never a ngen i qa tit puuqas ne ama Slurlka aa lengi dai mager iv iak ka tat never a qa ip ke guirl a qa.

Jems 5:19 Iomraidhean Croise

Matiu 18:15

Ariq aip giari be iak ka rekmet ne ama vu sagel ngi, de mager ip ngia iit sagel ka ip katikka qurli uin i ngerek se uin. De ngi sil ba qa ne aa viini i qa rekmet niini sagel ngi. Be ariq aip ka narligel ngi, dai ngia mat naver a qa be saqiaskerlka giaq aa na qa.

Ma Luk Aa Lengi Sevet Ma Iesus Kristus 22:32

Dap sa ngua nen ama Ngemumaqa ip ka tat never a ngi, ip gia tuaqevep dai quasik mager ip nge raat. De mager ip ngia tat navet gia nenggeni-ra iv askerlka re dlek malai i saqiaskerlka aip ngia guirl sagel ngua.”

Galatia 6:1

Gua rluavik, ariq aip ngen drlem ai iak never a ngen dai sa qa rekmet ne ama vu, dai ngen i ngen diit kur ama Qevepka ama Glasingaqa, dai mager ip ngene taqat lu gel ka. De ngen derat never a qa ip ke seserl ver aa mugunes. Dap katikka mager ip ngene taqat lu gelnas. I arik ma’, ma Satan ke siquat na ngen be arik ma ngen aat be saqikka ngen dekmet ne ama vu.

1 Timoti 6:10

Dai liina i re rarliq ama qelaingka dai ama rarlimini se ama viirang. I sa iari dai maikka ra rarliq ama qelaingka, dai liina be sa ra lenges ne araa tuaqevep. Ta rekmet taqurla be maikka ama arlemigl na ra malai.

1 Timoti 6:21

I iari ama qaqet dai re tuqun ma’, “Uut dai auur aadrlem peviit.” Dai lura ra mit puuqas ne ama lengi ama revan nget. Ama Ngemumaqa aa ngimsevetki dai mager ip kurli qi qi na ngen.

2 Timoti 2:18

Lura raqurla dai murl ta ming per ama lengi ama revan nget. I ai de re kaaq ai ama Slurlka qa maarl ne aa liinka be re lenges ne iari araa tuaqevep, ip kuasik te lautu.

Hibru 5:2

De qatikka raquarli qa dai aa dlek ip taquarl ama qaqet, dai be mager ip ke palu gel lura ama qaqet i quasik tat drlem. De lura i re tekmet ne ama viirang.

Jems 1:16

Gua rluavik, kula ngene kaak temiis i ngen dru a ngen a qevep ai ama Slurlka qe kiarlet na uut saver ama viirang.

Jems 1:19

Gua rluavik, maikka mager ip ngene su re liirang aa. De mager ip ngene taqa mu a ngen asdem nauirl. Dap kula masmasna ngene guirltiq ama lengi, de qurla ngene serlin.

Jems 3:14

Kua de a ngen a rlan dai ama bunuus de a ngen a rut nge taarl be ngene narliip se iari ara tekmeriirang? De qua ngen deraqenses de ngene narliip ngene barlnas? Taqurla dai maikka ngen ngim temanau ne ama lengi ama revan nget.

Jems 5:20

Dai mager ip ngen du a ngen asdem, ariq aiv iak ka guirl aa rluaqa nev ama aiska ama vuqa dai qa tat naver a qa. Taqurla dai qa guirl a qa never ama aapngipki. I arik ke tekmet taqurla bareq aa rluaqa dai qa rekmet be verleset ne ama viirang i buup never a qa.

2 Pita 3:17

Taqurla dai be gua rluavik i vem ngua se ngen, dai maikka mager ip ngene taqam ngim ip kuasik mager iv a qek ke iit se ngen nep ma aiska ama vuqa. I diiv ama qanbirling-ta, ra tit se ngen never ama mugunes ne ama atlu.

MA JUT AA LENGI 1:11

Guarai, ai de re lenges na nas. I ai de ra tit kut ma Kain aa gamansena, i luqa i qa veleng aa rlikka ma Abel. I qatikka ra tit kut ma Balam i aa dlek ip ka ruqun per ama qelaingka a reng. De sa ra rekmet ne liina i ama dul men araa ning sagel ama Ngemumaqa. I ra rekmet taquarl ma Kora i qa barlnas gel ma Moses. Be liina, be maikka lenges na ra.