Jems 5:13 - A Slurlka Aa Langinka Ama Iameska

¹³ Dap kuarik aiv iak i ama merlenka ver a qa dai mager ip ka aanemet de qe nen ama Slurlka ip ka raat never a qa. Dap kuariq aiv iaq i ama arlias per a qa dai mager ip ke taing ne ama arlias sagel ama Slurlka.

Jems 5:13 Iomraidhean Croise

Matiu 26:30

De ra raing iaiq ama taingki ne ama Lautu. Baiv aa de ra mit saver ama damki ma Ulip.

Ma Luk Aa Lengi Sevet Ma Iesus Kristus 22:44

Dap ma Iesus dai maikka qe taneng ama merlenka ama slurlka, de maikka qe raring madlek. Be baing se ama rlingka ver a qa i qa ip taquarl ama qerekka be qa aat per ama aiverem.

Ma Luk Aa Lengi Sevet Ma Iesus Kristus 23:42

De qa ruqun ma’, “Iesus aip ngia men pet gia luqup ip ngi uas, de diip ngia tu gia qevep sever a ngua.”

1 Korin 14:15

Dai ngu lu diip ngu sana? Diip ngu raring ne ama Qevepka aa dlek de qerlka diip ngu raring ne ngene gua tuaqevep. De diip ngu taing ne ama Qevepka aa dlek de qerlka diip ngu taing ne gua tuaqevep.

1 Korin 14:26

Dai be gua rluavik, aip lua i ngene ngingdemna ip ngene lautu, dai ngu lu mager ip ngene sana? Diip ngene tekmet taqurliani. Iari dai diip te ruirl se ama taing. De iak dai diip ka taqen ne iang ama lengi ip ka tat never iari ip te taqat drlem se ama Ngemumaqa aa Lengi. De iak dai diip ke su re iang ama lengi i ama Ngemumaqa qa reqerl a qa na nget ip kel sil bareq iari. De iak dai diip ka taqen ne ama lengiqa i ai de quasiq ai qa sunas tem ka. De iak dai diip ke guirltik pet luqa ama lengiqa bareq ama qaqet ne araa lengi. Dai liirang aa i ngene tekmet niirang, dai mager ip ngene tekmet niirang iv iirang nge tat never ama Ngemumaqa aa qaqet i muk per ama lautu.

Epasas 5:19

De mager ip ngene ngingdemna de ngene taing ama taing i lungera nev ama Ngemumaqa aa Langinka. De ngen iang i ama Ngemumaqa aa Qevepka qe raarl ma nget de a ngen a rlan. Ii, dai be qatikka mager ip masmas ngen dere ama taing sever ama Slurlka, mer a ngen aam de maikka na de a ngen a rlan kerlka.

Hibru 5:7

De murl lua i qurli ma Iesus per ama aivetki, de qe raring i qa snanpet ne ama Ngemumaqa te ama raatmaat-nevet ip ke iames na qa never ama aapngipki. De qe raring saimanau de qek nak. Be qatikka ai de qa manep nas de qe narligel aa Mam. Taqurla be ama Ngemumaqa qa guirltiq aa raring.

Jems 5:10

Maikka mager ip puktik per a ngen ne lura i murl miaimek tel sil ne ama Ngemumaqa aa lengi. I murl buup ne araa qumespik ta lenges na ra. Dap katikka ra maarl malkuil be deng i ra ngip.

Reveleson 14:3

I lura ama 144,000 na ra dai re taing ama taingki ama iameski gelna ne ama Ngemumaqa aa Siaqi. I ra maarl gel ama Rlatpes niirang de ngene ama Barlta araa saqang i ama maleviam ngen ama rlatpes na ra. I qurli ra i re taing ama taingki i ama aqurlaitki, i qatikka ngerek se ra rat drlem a qi. I lura i murl ama Ngemumaqa qa vandem per a ra never ama aivetki ne aa Uimka aa qerekka.

Reveleson 7:10

De res nes slep ma’, “Ama Ngemumaqa dai ngi ama rarlimini na ngi i ngia iames nauut. I ngia mugun met gia Siaqi i ngi taneng ama dlek mai i ngi ne ama Sipsiviini.”