Jems 5:11 - A Slurlka Aa Langinka Ama Iameska

¹¹ De maikka lura dai ama arlias per a ra. De raquarl ngen drlem sevet ma Jaub, i maikka murl miaimek ka ral ama getget ngen ama merlen iirang. Baiv aa de saqiaskerlka ama Slurlka qa guirltik bareq a qa ne ama atliirang. Be maikka ama arlias per a qa malai. I maikka ama Slurlka aa ngimsevetki veviit, de maikka aa arlem dai quasik mager ip perlverleset.

Jems 5:11 Iomraidhean Croise

Matiu 10:22

De ama qaqet dai diip kuasik te narliip se ngen i raquarli ngen diit naser a ngua. Dap luqa i qatikka qa taarl malkuil ip deng per ama nirlaqa de dengdeng, dai diiv ama Ngemumaqa ke iames na qa.

Ma Luk Aa Lengi Sevet Ma Iesus Kristus 1:50

De aa arlem dai qurli nget gel lura i re palu gel ka. De qatikka laip taqurla sagel araa uis i ama liin na ra vapiit papiit.

Ma Luk Aa Lengi Sevet Ma Iesus Kristus 11:10

I qatikka lura mai i ai de re raring sagel ama Ngemumaqa, dai diip te raneng ama tekmeriirang. De luqa i qat drlem sa mali re ama tekmeriirang, dai diip ket lu sevet. De luqa i qe deldel mer ama tarlka, dai diiv ama Ngemumaqa qe raarl mer ama tarlka nanaik ka.

Ma Luk Aa Lengi Sevet Ma Iesus Kristus 6:36

De maikka mager ip ngene rarliq ama qaqet ip taquarl a ngene Mam i ai de qe rarlik ta.

Romankena 2:4

I ama Ngemumaqa dai qatikka ai de masmas de ama atluqa bareq a uut. De qatikka ai de quasiq ai masmasna qe guirltiq ama vu bareq a uut. Dap katikka ai de qa tu de ver a uut. I ai de qurli qa de ver a uut iv aip de uut guirltik per auur a rut. Dap kua quasik ngen drlem be qatikka ngenem ngim mas temanau namen na qa? Ama revan aa. I maikka de a ngen a rlan dai ama alkuil be quasik maget ip ngene guirltik per a ngen a rut. Taqurla dai be ngene ngingdemna ne a ngen a ranbandem ama vunget nagel ama Slurlka. I diip ngene taneng lungera ama ranbandem ama vunget pet luqa ama nirlaqa i diip ke teqerl ne aa serlinki. I diip pet luqa ama nirlaqa dai diiv ama qaqet te lu ama Ngemumaqa aa kot ama seserl nget.

Epasas 1:6

I qatikka i qa rekmet ne liina bareq auut iv uut taarl ne aa rlenki i raquarli aa arlem peviit, i maikka i qa ding se uut men aa Uimka i maikka vem ka se qa.

Epasas 2:4

Ii, uur rekmet ne ama viirang i buup be ver ama Ngemumaqa aa tuaqevep dai uut ip taquarl ama ngipka ama qaqeraqa sever aa viirang arle ves. Dap maikka qe rarliq uut malai de maikka aa arlem never a uut. Taqurla be qa rekmet nauut ip ke iames na uut ne ma Kristus. Ii, ama Ngemumaqa qa rekmet ne ama gamansena ama atlu nget sagel uut de qa guirl auut.

Hibru 10:39

Dav uut dai quasiq mager iv uurem ngim te auur a rleng i arik lenges na uut. Maikka qurli. Dav uut tu auur a qevep ip diiv uure iames.

Hibru 3:14

De murl lua i uur rarlma i uut tu auur a qevep sevet ma Kristus, dai maikka uut tu auur a qevep malkuil. Dai qatikka ariq aiv uure taneng lungera auur a tuaqevep malkuil sever ama Ngemumaqa, ip deng i uure verleset, dai diip ngen a uut uure taneng ma Kristus aa tekmeriirang.

Hibru 3:6

Dap ma Kristus dai ama Ngemumaqa aa Uimka na qa. Be aa rletki ip kem ngim te ama qaqet, i ra i ama Ngemumaqa aa liinka. De maikka qe taqat mit kur ama Ngemumaqa aa lengi de qet matna luqi iara ama rletki; de qatikka arik masmas de uut tu auur a qevep madlek; de ama arlias per a uut de qurl uut naa ne ama Slurlka ip ke tekmet ne ama atlu bareq a uut, dai diip ngen a uut dai ama Ngemumaqa aa liinka na uut.

Jems 1:12

Ngen lu, nemta i ra taarl madlek pe ama merlen-iirang ara qames dai maikka diip ta dai ama arlias per a ra. Be nasat de lura dai diiv ama Ngemumaqa qe qurl a ra te ama iames. I diip te raneng ama ranbandem ama atlunget i murl ka muvuusep ai diip kerl kuarl taqurla barek lura i re rarlik ka.

Jems 1:2

Gua rluavik, ariq aiv ama merleniirang nget den per a ngen, i ma Satan ke siquat na ngen, dai maikka mager iv ama arlias per a ngen, i raquarli liirang aa nget den ip ngen deraarl malkuil. Be diiv a ngen a tuaqevep dai ama revan sagel auut Mam.

1 Pita 1:13

Taqurla, be maikka mager ip ngene taqa uas temiis. I ngene taqa uas te a ngen a narliip ip ngene taneng ama Ngemumaqa aa ngimsevetki, i diip ke qurl a ngen per aa Nirlaqa de deng deng, i diip baing baing se ma Iesus Kristus.

1 Pita 3:14

Dav ariq aip ngene tekmet ne ama gamansena ama seserl nget, be ngene tal ama merlen sevet liina, i arle ves. Dai mager iv ama arlias per a ngen. De ariq aip te tekmet ne iarang ip tem sem angning sep ngen, dai quasik mager ip ngeneng ning me ra. De saqikka quasik mager ip ngeterl a ngen a rut. Kurli!

2 Pita 2:9

Dai qatikka ngene narli. Ama Ngemumaqa dai qa tat navet lura i re tu araa qevep sever a qa, i quaatta i qurli ra ver ama vura araa luqup. Dap ka tuvet barek lura i ama vura ip deng per aa Nirlaqa i qa tatmet se ama qaqet mai.