Jems 4:7 - A Slurlka Aa Langinka Ama Iameska

⁷ I mager ip ngene semagil nanas per ama Ngemumaqa aa arlim, dai diip ngene nem ma Satan be diip ka dai qe uait namen na ngen.

Jems 4:7 Iomraidhean Croise

Matiu 11:29

Mager ip ngene su re gua gamansena, i raquarli ngua dai ngua manep nas, de quasik ai ngu teqestem ngen, i maikka vem ngua se ngen nade gua rlan. Taqurla dai diip ngu rlekmet na ngen ip ma uupka de a ngen a rlan.

Aposelkena 26:19

“Gua King, katikka liina, dai ngu narligel aa lengi i lua i qa taqen sagel ngua nev uusep.

Aposelkena 9:6

Dap ngia raarlviit de ngia iit savet ma Damaskas. De diiv iak ke sil ba ngi aip diip ngi rekmet nanaa.”

Romankena 10:3

I ama aiska i ai de qe tekmet ne ama qaqet iv ama seserl ta de aa saqang, dai maikka quasik tat drlem se qa. De qatikka ai de re siquat ip te tekmet iv ama seserl ta dav ai de quasiq ai ra quarl temiis bareq ama Ngemumaqa ip mager ip ka tis ta ai ama seserlta.

Romankena 14:11

Ip taquarl ama Lengi nev ama Langinka nge taqen ma’, ‘Ngua dai ama Slurlka i qurli ngua masmas. Be gua lengi dai ama revan nget. Be diiv ama qaqet mai re nan araa buum de ra taqen ma’, ‘Maikka ama revan i ngi dai ama Ngemumaqa.’ Aisaia 45.23

Epasas 4:27

De qula ngene tarlisdem se ma Satan aa narliiv, i qe narliip kerl uirl se ngen.

Epasas 5:21

Be maikka mager ip ngen derat never a na de ngene manep nas gelna i raquarli qurli ngen masmas pet ma Kristus aa arlim i ngene palu gel ka.

Epasas 6:13

Taqurla dai be mager ip ngen det liirang aa mai i iirang ip sever ama arasmesna, i liirang aa i ai de ama Ngemumaqa qe kuarl tem iirang. Baip lua i ver ama niirl ama vu nget dai diip ngen deraarl malkuil ver ama arasmesna. De aip lua i sa verleset ne ama arasmesna, de qatiaskerl diip ngen deraarl malkuil.

Hibru 12:9

Dai ngen drlem, ai auur a lavu never ama aivetki dai ra seserl ver a uut, be ai de uure barl araa rlen. Dai be raqurla dai maikka mager iv auur a ding nanas bareq auut Mam i qe iames ne auur a qevep ip diip kurl uut maget masmas.

1 Pita 2:13

De mager ip ngene manep nas de ngene narligel lura i ama Slurlka ka mu ra ip te uas tem uut per ama Gaman. Be quaatta i ama Praiminista de lura ver aa arlim, dai mager ip ngen diit kur araa lengi. I lura ip te rurlistik per ama vura dap ta taarl ne lura i araa rlen i ama atlura. I ama Ngemumaqa qa mu lura i ama Uasta ip te tekmet taqurla.

1 Pita 5:6

Taqurla dai mager ip ngene manep nas per ama Ngemumaqa aa arlim be qatikka diip ka ar a ngen piit pet luqia ama giqi i sa qa mu qi.