Jems 4:5 - A Slurlka Aa Langinka Ama Iameska

⁵ Ama Slurlka aa lengi nep ma Langinka, dai nge taqen taqurliani ma’, ‘Sama Ngemumaqa dai qa mu aa Qevepka de auur a rlan. Maikka qe narliip slepslep per auut te ama atliirang.’ Kua ngen dru a ngen a qevep ai ama lengi aa maden? Katikka quasik.

Jems 4:5 Iomraidhean Croise

Ma Jon Aa Lengi Sevet Ma Iesus Kristus 19:37

De saqikka iang ama lengi nev ama Langinka ngerel sil taqurliani ma’, “Diiv ama qaqet tem ngim sagel luqa i ra qut men aa vesirl ne ama qiipka.” Sekaraia 12.10

Ma Jon Aa Lengi Sevet Ma Iesus Kristus 7:42

I maikka ngene lu ama lengi nev ama Slurlka aa Langinka, dai nge taqen taqurliani ma’, “Ma Kristus dai diip ka ren navet ma King Daivit aa laanivas.” Buk Song 89.3-4 De ama lengi nev ama Langinka, dai ngerel sil taqurliani ma’, “Diip te sel a qa vet ma Betliem. I ma Daivit aa luqupki.” Maika 5.2

Aposelkena 7:9

De ma Stiven ka mat nade ama lengi raqurliani ma’, “Be lua i auur a murlta dai ama barlta de maikka ama qurek per araa rut ne ma Josep i araa gilka. Be ra ral ama ranbandem ip ta ru qa mer iari araa ngerik i qatti araa lengiqa i qa muqas. De ra mit se qa savet ma Isip. Be qet matna dap kuasiq ai qe tal ama ranbandem. Dav ama Ngemumaqa dai quasiq ai ngerlangken per a qa na qa.

Romankena 1:29

Be gel lura ama qaqet dai ama nger-vem-iirang ngere riirl de ngene iarang ama viirang muqas muqas. I liirang aa dai re siquat ip te kiarlet ne iarang nagel iari. De re serlin maden de re karlu, de re peleng, de re kaak, de ra taqenses, i re taqen nana mavik, de ra taqen sena, dap kuasiq ai re tekmet ne ama revan.

Romankena 9:17

Ngene lu ve ama Ngemumaqa aa Langinka dai qa sil sever ama Isipkena araa barlka ma Parau. I qa sil ma’, ‘Sa ngua mu ngi iv ama barlka na ngi ip ngi uas te ama qaqet pet ma Isip. I ngu narliip ngua tu ama merlenka ver a ngen, ip diip ngu teqerl ne gua dlek gel ngen. Taqurla dai diiv ama qaqet per ama aivetki mai re narli sevet gua dlek, de diip tat drlem se gua rlenki.’ Kisim Bek 9.16

1 Korin 6:19

Dai ani quasik ngen drlem taqurliani, ai a ngen a qetdingki dai ama vetki sagel ama Qevepka ama Glasingaqa ip kurli qa. I sa ama Ngemumaqa qa qurl a ngen te ama Qevepka, be qurli qa de a ngen a rlan. Dai be qatikka quasiq ai ngen bareq a nas, dap ngen bareq ama Ngemumaqa.

2 Korin 6:16

De ngu lu nanaa? Kua mager iv ama Ngemumaqa aa ding se ama iaus ip ngere main pe aa Lautu-vem-ki ama Slurlki? Maikka quasik maget! I murl dai ai de qurl ama Slurlka aa Qevepka ve aa Lautu-vem-ki. Dai iara dai uut i uut tu auur a qevep sever a qa, dai uut ip taquarl aa Lautu-vem-ki, i raquarli i qa mu aa Qevepka de auur a rlan. I murl ama Ngemumaqa qa sil sever aa qaqet taqurliani, ma’, ‘Diip kurli ngu na ra, de diip ngu paikmet ngu na ra. Be ngua dai diiv araa Ngemumaqa na ngua, de ra dai diip ngua uis na ra.’ Wok Pris 26.12

Galatia 3:8

A revan, ama qaqet mai ver ama aivetki i ra tu araa qevep de rlas tem ta men ma Kristus dai diiv ama Ngemumaqa qe qurl a ra te ama atliirang taquarl murl miaimek i qa taqen ne aa revan sagel ma Abraham. I murl ama Ngemumaqa qa reqerl ma Abraham ne ama lengi ama atlunget. I lungera dai ra iil ve ama Slurlka aa Langinka ma’, ‘Diiv ama qaqet per ama aivetki mai dai diiv ama Ngemumaqa qe rekmet ne ama atliirang sagel ta. I raquarli ma Abraham ka mu aa qevep sever ama Ngemumaqa.’ Stt 12.3 de ma 18.18 Taqurla de ama Ngemumaqa qe iames ne iari naver ama qerleng mai ver ama aivetki. I maikka ama nangista i quasiq ai ra navet ma Isrel dai diiv ama seserlta de ama Ngemumaqa aa saqang i ariq aip ta tu araa qevep naik sevet ma Kristus.

Taitus 3:3

I ngiat drlem, ai saqikka murl uut, dai quasiq auur a nge ama tuaqevep ama atlunget, be ai de uure nging ama lengi. I murl ma Satan ke kaak tem uut be murl kuasiq ai uuret dade ama Ngemumaqa aa aiska. Be raqurla ai de uut, dai ama buaiskena naik barek liina i ama rutka qa taarl sever ama gamansena i nget muqas muqas, de ama qetdingki araa narliip muqas muqas. De murl kurl uut pet liina i ama vu ama rut ne iari, de uut tu auur araa qevep mavik sever iari i araa tekmeriirang. De murl ama qaqer araa qumes-ta na uut de qatikka murl uut i iak de iak dai auur a qumes-ta ne iari.