Jems 3:2 - A Slurlka Aa Langinka Ama Iameska

² I uut mai dai uut drlem sa tekmet ne ama viirang. Dap luqa i quasik ka taqen ne ama lengi ama vu nget, dai maikka diiv ama atluqa mas de maikka diip mager ip ke taqa uas temiis.

Jems 3:2 Iomraidhean Croise

Matiu 12:34

Ngen dai raquarl ama qem ama vu nget. I ngen dai ama vura na ngen. Taqurla dai quasik mager ip ngen deraqen ne ama lengi ama atlu nget. Be ama lengi i baingbaing se nget mer ama qaqeraqa aamki, dai lungera ngere teqerl ne ama tuaqevep de luqa i aa rlan.

Matiu 12:37

De lungera ama lengi ai de ngen deraqen na nget, dai qatikka diip ke kot se ngen na nget. Be diiv aa ngen iang ama lengi dai diip ngere seserlvet se ngen, dap diiv a ngene iang ama lengi dai diip ngere sil ai ama vu ra na ngen.”

Romankena 3:10

I ama lengi ve ama Langinka dai ngerel sil taqurliani ma’, ‘Ama qaqet mai ver ama aivetki, dai maikka quasiq ama seserl a qek. Maikka quasik.

Romankena 7:21

Taqurla dai sa nguat drlem ai aip ngu narliip ngu tekmet ne ama atlu dav ama viirang i ai de qurli iirang de gua rlan.

1 Korin 9:27

Kuasik. Dap maikka ai de ngun bin gua qetdingki ara gamansena de ngu tekmet na qi ip kia tit kut gua narliip. I arik ma ngul sil ne ama Lengi ama Atlunget bareq iari dap katikka ngua dai arik ma quasik ngua raneng ama ranbandem.

Galatia 3:22

Dav iara dai ama Slurlka aa Langinka qa taqen ma’, ‘Ama viirang dai iirang nge karabus ne ama qaqet mai.’ I qa rekmet taqurla iv uut, i uut tu auur a qevep sevet ma Iesus Kristus, dai mager iv uure raneng liirang aa i murl ama Ngemumaqa qa muvuusep barek lura i ra tu araa qevep.

Galatia 5:17

I uut drlem, ai ama rutka ama murlaska dai qe narliip ka sev ama Qevepka ama Glasingaqa aa uuves. De ama Qevepka ama Glasingaqa dai qe narliip ka sev ama rutka ama murlaska aa uuves. I iam dai ian a qumes-iam nana. Be liirang aa i ngene narliip ngene tekmet niirang, dai quasik mager ip ngene tekmet niirang.

Kolosi 1:28

Taqurla be ai de uurel sil ne ama Lengi ama Atlu nget sevet ma Kristus bareq ama qaqet mai. I ai de uure su ra ne aa saikngias ama atlunget i uur raneng a nget. De uurel sil ba ra ip te taqam ngim de ra tit kur ama Ngemumaqa aa lengi mai. I raquarli uure narliiv uut den se ama qaqet mai i iak de iak sagel ama Ngemumaqa; iv aip ta men sagel ama Ngemumaqa, de uut narliip ta dai ama seserlta ip taquarl ma Kristus.

Kolosi 4:12

De qerlka ma Epapras kem nem aa lengi ne ama arlem sagel ngen. I qa dai qet matna barek ma Iesus Kristus de qerlka qa, dai a ngen a lengiqi met ka. De qatikka ai de masmas ke raring madlek bareq a ngen. Dai de qe raring sagel ama Ngemumaqa ip mager ip ke tekmet na ngen ip ngene riirl ip taqua luqa ama Kristen i maikka ama revan se qa. De mager ip ngen drlem se ama Ngemumaqa aa narliip mai.

Jems 1:26

Ngen lu, ariq aiv iak ka tu aa qevep taqurliani ma’, “Ngua dai ngu lautu ne ama revan.” Dav arik luqa dai vukpuk sa ma lengi ama vunget mer aa aamki dai quasik ka drlem sa lautu ne ama revan. I maikka qe sembal temiis i raquarli aa lautu dai quasiq ama revan nget.

Jems 1:4

Maikka ngu tekgel ngen ip maikka ngen daarl mas pe ama qasiquarl-iirang ip kuasik mager ip ngen aat. I maikka mager ip ngen i ama quatta be ama nankina dai ama revan se ngen. De maikka ngen daarl malkuil ip kuasik lenges na ngen.

Jems 2:10

Be ngene lu. Arik iak ka tu aa qevep ai qa tit kur ama Slurlka aa lengi mai dap ka rekmet ne iani ama viini, dai luqa dai sa qa merarlik ama Ngemumaqa aa lengi mai.

1 Pita 3:10

I qatikka ama Langinka qa sil ma’, ‘De ariq aiv iak ke narliiv aa mugunes ne ama atlu, iv ama arlias per a qa, dai mager ip ke dik sev aa qulbinka ip kuasik mager ip ke taqen ne ama lengi ama vu nget. De maikka mager ip ke vesdet mer aa Aamki ip kuasik ke kaak.

1 Pita 5:10

Ama Ngemumaqa, dai qatikka ai de qe sem madlek ne auut ne aa arlem i nget muqasmuqas. I luqa i qa nes tem ngen, ip kurli ngen masmas mene ma Kristus aa ansinki. Dap katiaskerl lua i uut tit iv uure mali rem ki, dai ver iang de ama merlen nget den per auut. Dap katikka ka muvuusep ai diip ka taarl na ngen de diip ke sem madlek na ngen, ip maikka ngen deraarl malkuil, be quasik mager ip leklek pe a ngen a ngerik.