Jems 2:9 - A Slurlka Aa Langinka Ama Iameska

⁹ Dav ariq ngene tekmet muqas de ngen derat nevet lura i ama tekmeriirang gelem ta, dap ngenem ngim temanau ne lura i quasiq araa qerang, dai a ngen a viirang aa. I raqurla dai ngen derarliq ama Slurlka aa lengi. De maikka ama vura na ngen de ama Slurlka aa saqang.

Jems 2:9 Iomraidhean Croise

Ma Jon Aa Lengi Sevet Ma Iesus Kristus 16:8

Be ariq aiv ama Maatpitka qa men, dai diip ke reqerl ama qaqet per ama aivetki ne araa viirang. De diip ke reqerl ama qaqet ne ama Slurlka aa gamansena ama atlunget. De diip ke reqerl ai diiv ama Slurlka qe kot se ama qaqet mai ver ama aivetki.

Ma Jon Aa Lengi Sevet Ma Iesus Kristus 8:46

Maikka quasik mager iv aa ngen be a qek ke lu sever a nge ama viini men a ngua. Maikka quasik. I ngul sil ba ngen ne ama lengi ama revan nget. Dap ngu lu, kuasik ngen dru a ngen a qevep sever a ngua i nanaa?

Ma Jon Aa Lengi Sevet Ma Iesus Kristus 8:9

Be lura ama qaqet i re kot se luqia ama nanki, dai re narli ma Iesus aa lengi, de vrlesdem na ra namen ma Iesus i iak de iak. I vrlesprles dem na ra, i qatikka ama serlura dai re ruirl se ra. Be ra mit namen ama nanki i ngerek se qi i qia maarl gel ma Iesus.

Aposelkena 10:34

De ma Pita ka maarl de qa taqen sagel ta taqurliani, ma’, “A revan sa iara dai nguat drlem ai ama Ngemumaqa dai quasiq ai qe narliip se iari dap kuasik te iari.

Romankena 3:20

I raquarli liina i ra tit kur ama Lo, dai quasik mager iv a qek ke reqerl nanas ai ama seserlka dama Ngemumaqa aa saqang. I ama Lo dai qatikka ngere teqerl a uut ne auur a viirang.

1 Korin 14:24

Dav ariq aip ngen mai ngen deret ama lengi nagel ama Ngemumaqa de ngenel sil na nget bareq iari, be ariq aip luqa i quasik ka tu aa qevep, dap kua iak ka men be qa man i luqa i quasik kat drlem, dai diip ngen mai ngene sil ba na ne ama Slurlka aa lengi ne a ngen a lengiqa, dai diip ngere qutgil de luqa. I diiv ama lengi ngere reqerl a qa ai qa dai qat drlem sa tekmet ne ama viirang.

Galatia 2:19

I maikka ama Slurlka aa Lo ngere teqerl a ngua ne gua viirang i quasik mager ip ngere iames na ngua. Taqurla be ngua ngim temanau na nget. Dap ma Iesus naik dai mager ip ke iames na ngua ip katikka ngua bareq ama Ngemumaqa naik.

1 Jon 3:4

Dap nemta i ra mugelnas i rat drlem sa tekmet ne ama viirang, dai maikka ra merarlik ama Ngemumaqa aa Lo. I qatikka ama viirang mai i ama qaqet te tekmet niirang dai iirang nge tarlik aa Lengi i qerl kuarl ma Moses.

MA JUT AA LENGI 1:15

I qe narliip ke guirltiq ama ranbandem ama vu nget sagel ama qaqet mai ver ama a kot. I qe narliip ke tekmet ne ama qaqet i ai de quasik ta tit naser a qa, ip maikka re narli re tal ama merlenka sever araa viirang arle ves i sa ra rekmet ne iirang. I raquarli iari ama vura dai maikka ai de rem ngim temanau ne ama Ngemumaqa veviit. Taqurla be ama Ngemumaqa qe narliip ke rekmet ne lura ama qaqet ip maikka re narli re tal ama merlenka sever ama lengi i nget muqas muqas are ves i sa ra meraqen na nget sagel ka.