Филипын оліссезлӧ 4:9 - Бур Юӧр 2019

⁹ Керӧ, мыйӧ тійӧ велаліт, мый кыліт, адззыліт да босьтіт месянь. Сэк лӧньсӧ сетісь Еныс лоас тіянкӧт.

Филипын оліссезлӧ 4:9 Iomraidhean Croise

Матвей 1:23

─ Нывка сьӧктас, ваяс зонӧс. Эммануил ним Сылӧ сетасӧ. Нимыс висьталӧ: миянкӧт Ен.

Матвей 28:20

Велӧтӧ нійӧ овны Менам тшӧктӧм сьӧрті. Тӧдӧ: Ме пыр тіянкӧт векпонӧдз». Аминь.

Матвей 7:21

Меным быд шувлісьыс: "Дӧсвидзись! Дӧсвидзись!" ─ оз пыр Енӧжись Юраланінӧ. Сэтчӧ пырас дзир Менам енӧжись Айӧ кыв сьӧрті олісьыс.

Лука 6:46

«Мый тійӧ Менӧ коратӧ: "Дӧсвидзись, Дӧсвидзись", а Менам баитӧм сьӧрті одӧ керӧ?

Лука 8:21

Сія нылӧ висьталіс: «Менам мамӧ да воннэзӧ ─ Ен Кывсӧ кывзіссес да сы сьӧрті оліссес».

Иоан 13:17

Тӧдат кӧ сійӧ, сэк шудаӧсь тійӧ, сы сьӧрті кӧ олат.

Иоан 15:14

Керат кӧ тшӧктӧммезӧ сьӧрті, сэк тійӧ Менам ёрттэз.

Иоан 2:5

Сэк мамыс висьталіс кысъяліссеслӧ: «Быдӧс керӧ Сы тшӧктӧм сьӧрті».

Ап. керӧммез 9:6

Савлыс ӧддьӧн повзис. Зэгсьӧмӧн сія юаліс: «Дӧсвидзисьӧ, мый тшӧктан меным керны?». Исусыс сылӧ висьталіс: «Чеччы, мун карӧ. Сэтчин тэныт висьталасӧ, мый тэныт керны».

Римын оліссезлӧ 15:33

Лӧньсӧ сетісь Еныс ась лоас тіянкӧт быдӧнныткӧт! Аминь.

Римын оліссезлӧ 16:20

Лӧньсӧ сетісь Еныс чожа уськӧтас сотанасӧ тіян коккез увтӧ. Миян Дӧсвидзись Кристос Исуслӧн бурсетӧмыс тіянкӧт! Аминь.

1 Коринфын оліссезлӧ 10:31

Сідзкӧ, сёят, юат я, мыйкӧ мӧдікӧ я керат, ─ быдӧс керӧ Енсӧ ошкӧм могись.

1 Коринфын оліссезлӧ 14:33

Еныс эд абу арттӧмсӧ вайись Ен, а лӧньсӧ сетісь Ен. Сідз керсьӧ вежа отирлӧн вичкуэзын быд ӧксьӧм коста.

1 Коринфын оліссезлӧ 4:16

Сійӧн кеймися тіянлӧ, керӧ ме моз. Ме эд кера Кристосыс моз.

2 Коринфын оліссезлӧ 13:11

Воннэзӧ, медбӧрын висьтала: пыр лоӧ гажаӧсь, вежсьӧ бурланьӧ, ӧтамӧднытӧ бурӧтӧ, ӧтамӧдныткӧт лӧсялӧ, олӧ лӧня. Сэк лӧньсӧ да радейтӧмсӧ сетісь Еныс оз коль тіянӧс.

Филипын оліссезлӧ 3:17

Воннэзӧ, олӧ ме моз. Видзӧтӧ ны вылӧ, кӧдна олӧны миян моз.

Филипын оліссезлӧ 4:7

Сэк Еныслӧн сетӧм лӧньыс видзас тіянлісь сьӧлӧммезнытӧ да мывкыднытӧ Кристос Исусыскӧт ӧтлаасьӧмӧн. Еныслісь сійӧ сетӧм лӧньсӧ мортыс и вежӧртны оз вермы.

1 Фессалоникаын оліссезлӧ 1:6

Уна шогсьӧм-мырсьӧм коста тійӧ гажӧн босьтіт Енлісь Кывсӧ. Сія гажыс Вежа Ловсянь. Сысянь тійӧ пондіт керны миян моз да Дӧсвидзисьыс моз.

1 Фессалоникаын оліссезлӧ 2:14

Воннэзӧ, тіянкӧт лоис сія жӧ, мый вӧлі Иудеяись Енлӧн вичкуэзкӧт, Кристос Исуслӧ веритіссезкӧт. Нылӧ иудейес уна умӧльсӧ керисӧ, а тіянлӧ ─ асланыт отирыс.

1 Фессалоникаын оліссезлӧ 5:23

Лӧньсӧ сетісь Еныс ась керас тіянӧс быдсӧн вежаэзӧн. Дӧсвидзись Кристос Исусным локтік кежӧ ась видзас тіянӧс сӧстӧммезӧн: и ловнытӧ, и оланнытӧ, и вывтырнытӧ.

2 Фессалоникаын оліссезлӧ 3:4

Дӧсвидзись вылӧ надейтчӧмӧн мийӧ бура тӧдам: миянлісь тшӧктӧмсӧ тійӧ керат и пондат керны.

2 Тимофейлӧ 4:22

Дӧсвидзись Кристос Исусыс ась лоас тэнат ловкӧт. Енлӧн бурсетӧмыс тіянкӧт! Аминь.

Яков 1:22

Олӧ сія Кыв сьӧрті. Эд пӧртчӧ дзир Кывсӧ кывзіссезӧ, асьнытӧ бӧбӧтіссезӧ.

2 Петра 1:10

Воннэзӧ, быд керӧмнаныт вынсьӧтчӧ мыччавны: тіянӧс былись Еныс бӧрйис да корис. Сідз кӧ пондат керны, сэк некӧр одӧ падмӧ.

1 Иоан 3:22

И быдӧс, мый корам Еныслісь, Сія миянлӧ сетас. Мийӧ эд олам Сы тшӧктӧммез сьӧрті, Сы сьӧлӧм сьӧрті керам бурсӧ.