Филипын оліссезлӧ 4:4 - Бур Юӧр 2019

⁴ Пыр лоӧ гажаӧсь, тійӧ эд олат Дӧсвидзисьыскӧт ӧтлаасьӧмӧн. Мӧдпырись шуа: лоӧ гажаӧсь.

Филипын оліссезлӧ 4:4 Iomraidhean Croise

Матвей 5:12

Гажмӧ, гажӧтчӧ: енӧжас тіянлӧ лӧсьӧтӧм ыджыт козин. Сідз дзескӧтлӧмась-вашӧтлӧмась и Енсянь юӧртіссесӧ, кӧдна олісӧ тіян одзын».

Ап. керӧммез 16:25

Ойшӧр гӧгӧрас Павел да Сила кеймисӧ, ошкисӧ-сьылӧтісӧ Енсӧ. Пукаліссес кывзісӧ нійӧ.

Ап. керӧммез 5:41

Судитанінсис мунтӧн апостоллэс гажмисӧ. Нійӧ эд вартлісӧ-умӧльтісӧ Дӧсвидзись Исус ним понда. Сідзкӧ, нія Еныслӧ туяна отир.

Римын оліссезлӧ 12:12

Гажӧн видзчисьӧ бурсӧ. Сьӧкыт кадӧ видзсьыны ась мыланыт оз быр. Пыр кеймӧ.

2 Коринфын оліссезлӧ 6:10

Миянлӧ шогсӧ вайӧны, мийӧ тай пыр гажаӧсь. Миян нем абу, а миян сетӧмсянь унаӧн тай буржыка пондӧны овны. Миян нем абу, а быдӧс тай миян киын.

Галатияын оліссезлӧ 1:8

Но енӧжсянь ангел али мийӧ пондам кӧ тіянлӧ висьтасьны мӧдік юӧр, кӧда оз ло одзжык миян висьтасьӧм Бур Юӧр кодь, сэтшӧмсӧ юӧртісьыс ась лоас ёрдӧм!

Филипын оліссезлӧ 2:18

Этасянь и тійӧ гажмӧ, гажмӧ мекӧт ӧтлаын.

Филипын оліссезлӧ 3:1

Сідзкӧ, воннэзӧ, гажӧтчӧ Дӧсвидзисьыскӧт ӧтлаасьӧмсянь! Эта йылісь тіянлӧ бӧра гижны меным абу сьӧкыт, а тіянӧс гижӧмӧ видзас умӧльсис.

1 Петра 4:13

Тіян вылӧ усьӧ Кристосыслӧн пессьӧм-мырсьӧмыс, сысянь гажмӧ. Тійӧ эд ёна пондат гажӧтчыны, кӧр мыччисяс Сылӧн югьялӧмыс.