Филипын оліссезлӧ 3:9 - Бур Юӧр 2019

⁹ и ме Сыкӧт ӧтлааси да лои Ен сьӧрті веськыта олісьӧн. Веськыта оланӧ менам абу Туйдӧт сьӧрті керӧмӧ понда, а Кристослӧ веритӧмӧ понда. Еныс эд пуктӧ веськыта олісьӧ дзир сійӧ, кин веритӧ Кристослӧ.

Филипын оліссезлӧ 3:9 Iomraidhean Croise

Матвей 9:13

Мунӧ, вежӧртӧ этнӧ кыввесӧ: "Меным тіянсянь озӧ колӧ езъялан козиннэзныт, небыт сьӧлӧммезныт колӧны". Ме эг лок корны Ен сьӧрті веськыта оліссесӧ, локті корны умӧль кериссесӧ».

Римын оліссезлӧ 1:17

Бур Юӧрыс мыччалӧ, кыдз Еныс керӧ мортсӧ веськыта олісьӧн веритӧмыс понда да веритӧмыс пыр. Вежа Гижӧтас тай шуӧм: «Веськыта олісьыс веритӧмнас пондас овны».

Римын оліссезлӧ 10:10

Исуслӧ сьӧлӧмсянь веритӧмыс керӧ тэнӧ Ен сьӧрті веськыта олісьӧн. Мӧдіккезлӧ Сы йылісь висьтасян кӧ, сэк мезман.

Римын оліссезлӧ 16:7

Пым юӧр висьталӧ Андрониклӧ да Юниялӧ. Мийӧ эд ӧтік отирись, ӧтлаын пукалім Кристосыс понда. Апостоллэс коласын нія бурӧ пуктӧм отир. Нія и Кристослӧ пондісӧ веритны месся одзжык.

Римын оліссезлӧ 5:21

Умӧльсӧ керӧммес вайӧтлісӧ кулӧмӧдз. Ӧні бурсетӧм вынӧн Ен сьӧрті веськыта олӧмыс вайӧтӧ пырся оланӧ. Сія локтӧ Кристос Исуссянь, миян Дӧсвидзисьсянь.

Римын оліссезлӧ 8:1

Сідзкӧ, ӧні он висьтав некытшӧм судитан кыв Кристос Исускӧт ӧтлаасьӧммез вылӧ. Нія эд озӧ олӧ вывтырныс кыскӧм сьӧрті, олӧны Ен Лов туйдӧтӧм сьӧрті.

Римын оліссезлӧ 8:3

Моисейлӧн Туйдӧтыс эз вермы миянӧс мездыны. Умӧляс кыскан вывтырным кузя Туйдӧтыслӧн мездан выныс эз тырмы. Мый Туйдӧтыс эз вермы керны, сійӧ керис Еныс. Сія ыстіс Ассис Зонсӧ му вылас вештісьны умӧль керӧммезным понда. Сылӧ сетіс сэтшӧм вывтыр, кытшӧм вывтырыс умӧль керись мортлӧн. Сідз Сія судитіс морт вывтырын поздісьӧм умӧль керӧмсӧ.

1 Коринфын оліссезлӧ 1:30

Тіянӧс Еныс ӧтлаӧтіс Кристос Исусыскӧт. Сія миянлӧ Енсянь мывкыд. Сія миянӧс мездіс, керис Ен сьӧрті веськыта оліссезӧн да вежа отирӧн.

2 Коринфын оліссезлӧ 5:17

Сідзкӧ, кин ӧтлаасис Кристоскӧт, сія вились аркмӧтӧм. Важыс муніс, ӧні быдӧс виль.

2 Коринфын оліссезлӧ 5:21

Кристосыслӧн эз вӧв ӧтік умӧль керӧм. Миянлісь умӧль керӧммесӧ Еныс пуктіс Сы вылӧ, медбы Сыкӧт ӧтлаасьӧмсянь мийӧ лоим Ен одзын веськыта оліссезӧн.

Галатияын оліссезлӧ 2:16

Мийӧ пондім тӧдны: мортыс оз вермы лоны Ен сьӧрті веськыта олісьӧн Туйдӧтыс сьӧрті керӧмнас, сэтшӧмӧн лоӧ дзир Кристос Исуслӧ веритӧмнас. Сійӧн мийӧ пондім веритны Кристос Исусыслӧ, медбы веритӧмнымсянь лоим Ен сьӧрті веськыта оліссезӧн. Туйдӧт сьӧрті керӧмнас некин оз вермы лоны Ен сьӧрті веськыта олісьӧн.

Филипын оліссезлӧ 3:6

Ме быд вынісь вашӧтлі Кристослісь вичкусӧ, Сылӧ веритіссесӧ. Видзӧтны кӧ Моисейлӧн Туйдӧт сьӧрті, ме веськыта олі, ме сайын эз вӧв умӧль керӧмыс.

2 Тимофейлӧ 1:9

Сія миянӧс мездіс, корис овны вежа олӧмӧн. Эз кор миянӧс бурсӧ керӧмным понда, корис Аслас шуӧм сьӧрті да бурсетӧмнас, кӧда вӧлі козьналӧм миянлӧ Кристос Исус пыр эшӧ быдӧс аркмӧтӧмӧдз.

Титлӧ 3:5

Сія мездіс миянӧс Аслас небыт сьӧлӧм кузя, эз кытшӧмкӧ бур керӧмным понда. Еныс миянӧс миссьӧтіс, сетіс вились шогмыны да вильмӧтіс Вежа Ловнас.

Еврейезлӧ 6:18

Еныслӧн кык моз висьталӧмыс ─ кӧсйӧмыс да кыв сетӧмыс ─ озӧ вежсьӧ. Сія эд оз вермы бӧбӧтны. Сылӧн кӧсйӧмыс да кыв сетӧмыс миянӧс, Ен дынӧ локтӧммесӧ, вынсьӧтӧны. Нія отсалӧны миянлӧ видзсьыны Енсянь сетӧм надея бердӧ.

Яков 3:2

Мийӧ быдӧнным уна керам умӧльсӧ. Мортыс оз кӧ пыр умӧляс аслас кыв кузя, сія вермӧ асьсӧ быдсӧн видзны быд умӧль керӧмись. Сэтшӧмыс быд ладорсянь ни бур морт.

2 Петра 1:1

Гижӧ Симон-Петра, Кристос Исуслӧн апостол да раб. Гижӧмӧс ыста тіянлӧ, дона веритӧмсӧ миян моз сьӧлӧманыт босьтіссезлӧ. Веритӧмыс миянлӧ вӧлі сетӧм Ен да Мездӧтісь Кристос Исуснымлӧн веськыта керӧмсянь.

1 Иоан 3:4

Умӧльсӧ керисьыс Туйдӧт вылӧ лэбтісьӧ. Умӧльсӧ керӧмыс ─ Туйдӧт вылӧ лэбтісьӧм.