Филипын оліссезлӧ 3:3 - Бур Юӧр 2019

³ Былись вундыштыштӧммес ─ этӧ мийӧ: копрасям Еныслӧ, кыдз велӧтӧ миянӧс Сылӧн Лолыс. Ошшасям Кристос Исусӧн, огӧ надейтчӧ ас выланым.

Филипын оліссезлӧ 3:3 Iomraidhean Croise

Римын оліссезлӧ 1:9

Еныс тӧдӧ, ме пыр видза тіянӧс тӧдвылам. Сылӧ ме кысъяла. Быдсӧн лолӧс пукта Сы уджӧ, висьтася Ен Зон йылісь Бур Юӧрсӧ.

Римын оліссезлӧ 15:17

Ме ӧтлааси Кристос Исускӧт ─ сідзкӧ, верма ошшасьны Енсянь босьтӧм уджнам.

Римын оліссезлӧ 7:6

Ӧні мийӧ кулім Туйдӧтыслӧ, мезмим Сы кӧртӧттэзісь. Сія миянӧс оз ни видз. Мийӧ уджалам Еныслӧ вильмоза, Ен Лов сьӧрті, огӧ уджалӧ одззамоз, Туйдӧтас гижӧм сьӧрті.

Римын оліссезлӧ 8:15

Тіянлӧ сетӧм Ловсянь оз ков полӧмӧн овны-мырсьыны. Сія тіянӧс оз видз домӧттэзын. Тійӧ босьтіт сэтшӧм Лов, кӧда тіянӧс пуктӧ Енлӧн челядьӧ. Сія туйдӧтӧ миянӧс корны Енсӧ: «Авва, Айӧ!»

Римын оліссезлӧ 8:39

вылынаыс, пыдынаыс да и кытшӧмкӧ мӧдік аркмӧтӧмыс ─ оз вермы миянӧс янсӧтны Енлӧн радейтӧм дынісь. Сія радейтӧмыс миян Дӧсвидзись Кристос Исускӧт ӧтлаасьӧмсянь.

Римын оліссезлӧ 9:6

Он эд висьтав: Енлӧн висьталӧм сьӧрті эз пет. Израиль айсянь чужӧммес абу эд быдӧнныс Израиль отир.

2 Коринфын оліссезлӧ 11:18

Му выліссес эд уна ошшасьӧны, сідзкӧ и ме ошшасьышта.

Галатияын оліссезлӧ 5:25

Енлӧн Лолыс сетіс миянлӧ олан. Сідзкӧ, Лолыс сьӧрті и пондам керны.

Галатияын оліссезлӧ 6:16

Эта велӧтӧм сьӧрті оліссезлӧ и Енлӧн Израильлӧ ась лоас лӧнь олан да Енлӧн небыт сьӧлӧмсянь бурсетӧм!

Ефесын оліссезлӧ 6:18

Эта понда быд кадӧ кеймӧ Еныслӧ. Лоӧ лӧсьӧтчӧмӧсь. Кеймисьӧммезӧн, корӧммезӧн орӧттӧг кеймӧ Лов вынӧн. Кеймӧ Енлӧн быдӧс вежа отир понда.

Филипын оліссезлӧ 1:1

Гижӧтыс Павелсянь да Тимофейсянь, Кристос Исуслӧн раббезсянь. Ыстам Филип карын оліссезлӧ, Кристослӧн быдӧс вежа отирлӧ, вичкуын веськӧтліссезлӧ да нылӧн отсасиссезлӧ.

Филипын оліссезлӧ 3:12

Ог шу этадз: «Ме локті ни коланаӧдззас да лои быдсӧн бурӧн». Дзир вынсьӧтча мунны одзлань, медбы локны сэтчӧдз, менӧ эд корис Кристос Исусыс.

Филипын оліссезлӧ 3:14

Тэрмася котӧртны одзлань, медбы босьтны енӧжись козинсӧ. Сійӧ босьтны Еныс корис Кристос Исускӧт ӧтлаасьӧммесӧ.

Колосын оліссезлӧ 2:11

Сыкӧт ӧтлаасьӧмнаныт тійӧ вундыштыштӧмӧсь, но абу морт киӧн. Кристосыслӧн вундыштыштӧмыс мездіс тіянӧс умӧльсӧ керӧмсис, кӧда ыждаліс вывтыраныт.

Иуда 1:20

Донаэзӧ, тійӧ кеймиканыт ӧтлаасьӧ Вежа Лолыскӧт, вежа веритӧмас асьнытӧ вынсьӧтӧ!