Филипын оліссезлӧ 3:16 - Бур Юӧр 2019

¹⁶ Сідзкӧ, мый мийӧ ештім тӧдны, сійӧ колӧ юрын видзны да сы сьӧрті овны.

Филипын оліссезлӧ 3:16 Iomraidhean Croise

Римын оліссезлӧ 12:16

Ӧтамӧдныткӧт лӧсялӧ. Асьнытӧ вылына эд лэбтӧ, умӧля олісь отирлӧ ёрттэз моз отсалӧ. Эд пуксьӧ уна тӧдіссезӧ.

Римын оліссезлӧ 15:5

Еныс сетӧ мыла да вынсьӧтӧ. Ась сія отсалӧ тіянлӧ лӧсявны ӧтамӧдныткӧт Кристос Исуслӧн велӧтӧм сьӧрті,

Галатияын оліссезлӧ 5:7

Тійӧ бура ни муніт. Кин тіянӧс падмӧтіс быльсӧ кывзісьны?

Галатияын оліссезлӧ 6:16

Эта велӧтӧм сьӧрті оліссезлӧ и Енлӧн Израильлӧ ась лоас лӧнь олан да Енлӧн небыт сьӧлӧмсянь бурсетӧм!

Филипын оліссезлӧ 1:27

Мый бы эз вӧв, лоӧ Кристослӧ туяна отирӧн, олӧ Сы Бур Юӧр сьӧрті. Локта тіян дынӧ, ог я лок, адззыла тіянӧс, ог я ─ ась ме кыла тіян йылісь бурсӧ: тійӧ пӧ ӧтлаын, ӧтік сьӧлӧмӧн кутчисит дорйыны Бур Юӧрсӧ да ассиныт веритӧмнытӧ

Филипын оліссезлӧ 2:2

Сідзкӧ, содтӧ меным гажсӧ. Юраныт авйӧмныт, вежӧртӧмныт ась лоӧ ӧткодь. Мый колӧ керны, керӧ баитчӧмӧн, ӧтамӧднытӧ радейтӧ.

Филипын оліссезлӧ 4:2

Кора Еводиясӧ да Синтикиясӧ: ас коласаныт лӧсялӧ. Тійӧ эд Дӧсвидзисьлӧн.

Колосын оліссезлӧ 2:6

Тійӧ Дӧсвидзись Кристос Исуссӧ босьтіт сьӧлӧманыт. Сідзкӧ, сідз и одзлань олӧ Сыкӧт ӧтлаасьӧмӧн.

Колосын оліссезлӧ 4:2

Дугдывтӧг кеймӧ! Кеймӧ вежӧра юрӧн да Енсӧ буркывтӧмӧн.

Осьтӧм 3:3

Уськӧт тӧдвылат, мый тэ кылін да босьтін. Ов сы сьӧрті да бергӧтчы умӧль керӧммет дынісь. Он кӧ саймы, Ме гусясись моз видзчисьтӧг локта тэ дынӧ. Менчим локтан кадӧс тэ он и понды тӧдны.