Филипын оліссезлӧ 2:2 - Бур Юӧр 2019

² Сідзкӧ, содтӧ меным гажсӧ. Юраныт авйӧмныт, вежӧртӧмныт ась лоӧ ӧткодь. Мый колӧ керны, керӧ баитчӧмӧн, ӧтамӧднытӧ радейтӧ.

Филипын оліссезлӧ 2:2 Iomraidhean Croise

Иоан 3:29

Гӧтрасись зон сія, кӧдалӧн эм невеста. Зонлӧн ёртыс сулалӧ да кывзӧ сійӧ. Сылӧ гажся-гаж кывны гӧтрасись зонлісь баитӧмсӧ. Сэтшӧм ыджыт гажыс ӧні менам.

Ап. керӧммез 1:14

Апостоллэс Исуслӧн воннэзкӧт, Сылӧн Мария мамкӧт да мӧдік инькаэзкӧт пыр ӧксьывлісӧ кеймыны.

Ап. керӧммез 2:1

Сибаліс «Витдаслун» нима вежалун. Веритіссес, ӧтікӧ юрын видзӧмӧн, быдӧнныс ӧксисӧ ӧтлаӧ.

Ап. керӧммез 2:46

Ӧтікӧ юрын видзӧмӧн быд лун ӧксьывлісӧ Вежа Керкуын. Горттэзын ӧтлаӧ ӧксьӧмӧн чеглавлісӧ нянь да сёйисӧ осьта гаж сьӧлӧмӧн.

Ап. керӧммез 5:12

Апостоллэз пыр отир коласын керсисӧ уна мыччалан пассэз да адззывлытӧммез. Веритіссес быдӧнныс баитчӧмӧн ӧксьывлісӧ Вежа Керкуас «Соломонлӧн вевттьӧминын».

Римын оліссезлӧ 12:16

Ӧтамӧдныткӧт лӧсялӧ. Асьнытӧ вылына эд лэбтӧ, умӧля олісь отирлӧ ёрттэз моз отсалӧ. Эд пуксьӧ уна тӧдіссезӧ.

1 Коринфын оліссезлӧ 1:10

Воннэзӧ, миян Дӧсвидзись Кристос Исус нимӧн тшӧкта: олӧ баитчӧмӧн, эд торйӧтчӧ ӧтамӧд коласаныт. Ась ӧткодь мывкыд да ӧтмоза авйӧм ӧтлаӧтӧны тіянӧс.

2 Коринфын оліссезлӧ 13:11

Воннэзӧ, медбӧрын висьтала: пыр лоӧ гажаӧсь, вежсьӧ бурланьӧ, ӧтамӧднытӧ бурӧтӧ, ӧтамӧдныткӧт лӧсялӧ, олӧ лӧня. Сэк лӧньсӧ да радейтӧмсӧ сетісь Еныс оз коль тіянӧс.

2 Коринфын оліссезлӧ 2:3

Эта йылісь ме и гижлі тіянлӧ, медбы локтӧмӧ коста эз понды сьӧлӧмӧ доймыны ны понда, кӧднасянь меным колӧ гажмыны. Ме эд тӧда: менам гажыс ─ быдӧннытлӧ гаж.

2 Коринфын оліссезлӧ 7:7

Эта гажным абу дзир сы локтӧмсянь, но и сысянь, мыйсянь сія гажмӧм тіян дынын. Титыс висьтасис ме понда тіян тӧждісьӧм да горзӧм йылісь, сьӧлӧммезныт сотчӧм йылісь. Сысянь ме ӧддьӧнжык гажми.

Филипын оліссезлӧ 1:4

Быдӧнныт понда кеймикам менам сьӧлӧмӧ гажмӧ.

Филипын оліссезлӧ 2:16

Тійӧ видзсят олан сетан Кыв бердӧ. Сійӧн ме понда ошшасьны Кристослӧн локтан лунӧ: ме ассим олан туйӧс эг мун весись, эг весись мырсьы.

Филипын оліссезлӧ 2:20

Тимофейыс моз тіян понда сідз тӧждісиссес менам сэсся абуӧсь.

Филипын оліссезлӧ 4:2

Кора Еводиясӧ да Синтикиясӧ: ас коласаныт лӧсялӧ. Тійӧ эд Дӧсвидзисьлӧн.

Колосын оліссезлӧ 2:5

Ме кӧть вывтырнам абу тіянкӧт, но ловнам тіянкӧт. Ме адзза, тійӧ ёна сулалат Кристослӧ веритӧмас и тіян быдӧс арта. Сысянь менам сьӧлӧм вылам гаж.

2 Фессалоникаын оліссезлӧ 2:13

Воннэзӧ, миянлӧ пыр колӧ буркывтны Енсӧ тіян понда. Дӧсвидзисьыслӧ тійӧ ӧддьӧн донаӧсь. Сія одззасянь ни вӧлі бӧрйӧм тіянӧс мездыны. Лолыссянь эд тійӧ лоит вежа отирӧн да пондіт веритны быльыслӧ.

2 Тимофейлӧ 1:4

Видза тӧдвылам тэнчит синватӧ. Сійӧн ӧддьӧн мӧда адззисьлыны тэкӧт. Сэк вӧлись сьӧлӧмӧ гажмас.

Филимонлӧ 1:20

Вонӧ, Дӧсвидзисьыс понда кер этӧ бурсӧ меным. Лӧньсьӧт менчим сьӧлӧмӧс Дӧсвидзисьыс понда.

2 Иоан 1:4

Ме ёна гажми тэнчит челядьтӧ казялікӧ. Мукӧдыс ны коласісь олӧны быльыс сьӧрті, кыдз миянлӧ вӧлі тшӧктӧм Енӧжись Айным.

3 Иоан 1:4

Менам абу унажык гажыс, кыдз кывны: менам челядьӧ пӧ олӧны быльыс сьӧрті.